丼瀛 (已搬遷) 新店位置

前排朋友推介，話呢間黃店又好食又抵食，今日咁岩又係觀塘，決定嚟支持下。而家間舖抗疫有做promotion，部份精選食物有七折。入到去店內環境乾淨同闊落，侍應都好好服務，一坐低即刻斟左杯熱茶俾我哋。🍱刺身丼聽講呢間嘅刺身丼都幾出名，循例嗌一碗試吓。出到嚟比預想中大份，刺身食落去新鮮，啖啖肉，依家仲要做緊七折先$100鬆啲，好抵食。🍣卷物有見到OpenRice人哋影嗰啲卷物都好吸引，叫左一份黎試下。出到黎勁大份，面頭三文魚加埋天婦羅蝦同埋個醬汁mix埋一齊勁juicy，好食！🐟燒靖魚呢個係驚喜！平時喺街外食嘅燒靖魚都預左係急凍魚，會有少少乾乾地。但係呢個食到新鮮魚味同埋好Juicy，同埋唔知點解比起正常餐廳食要大條d。🍢燒雞軟骨正常餐廳水準。🍢明太子燒玉子呢個都好吸引。食落去有好濃郁嘅明太子香味，再加上芝士，同塊玉子好夾。食完呢餐好滿足，尤其是好耐都冇食過咁好食嘅卷物同埋燒靖魚。呢餐埋單都唔洗$400，好抵食。下次一定會再嚟幫襯。

呢日收工去觀塘搵朋友食飯，佢帶我黎左呢間食日本野既好期待！因為我好鍾意食日本野入面雖然唔算好大，但座位比想像中多其實香港既工廈真係隱藏左好多好好既餐廳事不宜遲，食野喇！＃海膽豆腐呢個海膽豆腐對我黎講好新奇！賣相亦十分精緻除左海膽之外，仲有甜蝦，好鮮甜＃牛油果軟穀蟹卷牛油果同軟穀蟹都係我既favorite!食落果然真係好夾喎 ＃汁燒魷魚筒好大條魷魚呀！原本仲擔心會燒到好硬，但食落原來好腍！好易入口，完全意想不到個汁都好香，唔會太濃＃胡麻手羽熱辣辣既雞全翼，個皮脆脆地好正～入面既雞肉好滑，好高質呀！＃脆炸流心粟米餅呢個又係岩岩炸起既，入面係滿滿既粟米不過因為太心急，冇影到入面係點哈哈＃菠蘿燒好甜既菠蘿！燒得好好味呀總拾黎講好欣賞每樣食物都係即叫即整，好有誠意！好高質，性價比高下次會再黎食！

又係去工廈覓食既日子！前排食完放題對日本野念念不忘，又口痕想食日本菜，同事推介我食呢間丼瀛，話性價比不錯，就上嚟試下。餐廳內外食物選擇選擇十分多，由刺身、小吃、丼飯、燒物等等都好多款式，價錢唔會好貴，仲有好多時令廚師推介等等。青蘋果梳打 $32冬茹 $16叫左樣唔算特別既冬茹，加咗啲木魚係上面，燒到乾身，我就中意食濕潤口感啲。本茹牛肉卷 $30肥牛同茹向來都係最夾既組合，但呢到唔用肥牛加金茹，而係用上本茹，肥牛燒得幾香，但有少少乾，而用本茹，我覺得優點在於唔會好似金茹咁多渣易攝牙罅同咬極都咬唔斷咁，本茹幾清甜爽口。甘栗紫薯餅 $28食日本野又點少得食炸物，叫左個薯餅食下，栗子配紫薯餡，都ok，唔會太甜。刺身沙律 $88望個名，以為係原塊刺身加上沙律菜？錯啦，原來係切成粒裝既三文魚，仲有一款顏色偏白既魚，類似鯛魚，再加上粟米、沙律菜、蟹籽等等，配埋爽脆沙律菜，作為前菜都幾豐富。甜蝦角切魚生爆丼 $118有大大隻甜蝦、三文魚、北寄貝、帶子、飛魚籽及玉子。咁多款魚生，仲要生北寄貝都係賣$118，我覺得好抵食，甜蝦略為有少許腥，但其他刺身都好鮮甜，三文魚色澤紋路都飽滿，帶子嫩滑，飛魚籽鮮甜唔腥

觀塘區工廠大廈多 就係人都知而仲有一樣野 亦都係為人所知 就係 出名 「隱世餐廳」 好多今次黎到觀塘 主要想食日本菜從門面裝飾 好快就知道係食日本菜 因為裝飾好帶日本風呢到坐位唔多 建議想食既朋友 可以預先book定位 咁就唔洗排好耐隊 餐廳侍應服務好好 一坐低 就即刻奉茶 同 menu睇得出佢地好忙 但都反應迅速 好值得一讚👏🏻佢地仲好有心機 推薦菜色俾我地 講解菜色既賣點好貼心噢❤️今次先來「油甘魚牛油果海膽沙律」牛油果🥑夠哂淋海膽份量十足 十分鮮甜油甘魚新鮮肥美整個沙律🥗都充滿好FRESH既味道「海膽豆腐」係一個好日式既做法夠哂日式 以為去日本旅行先會試到 原來係呢到都食到日本地道風味除左甜蝦外 所有魚生用角切方法做成丼飯呢個爆丼飯大力推薦💪🏻每種魚生都新鮮 鮮甜 貪心既朋友 不妨叫呢個飯試試 魚生有幾新鮮「清蒸茶壺海鮮湯」海鮮湯十足足料海鮮加菇去煲 另外仲附帶一片青檸提升海鮮鮮味最得意係 飲法係用茶杯飲夠哂新穎芝士年糕 忌廉蟹肉薯餅 甘栗紫薯餅新鮮炸起 上枱時熱辣辣特別一讚 甘栗紫薯餅甘栗 十分淋紫薯香甜十分可口😚是日飲品「白桃梳打」唔鐘意白桃🍑唔緊要 另外仲有唔同生果口味梳打任