順德聯誼總會

營業中

休息中

朋友邀約飯局，講明地道順德菜，唔食遲啲唔知有冇得食，講到咁點可以唔去試吓呢😂第一個上嘅喺順德拆魚羹，裡面材料好豐富，當你撈起一湯羹嘅時候，魚肉、香菇絲、瓜𢇁乜嘢都有，每啖一口都極其享受😋豉油王煎蝦碌隻隻都好大，廚師好細心將蝦一分為二，每人一頭一尾食嘅時候都方便好多，唔會太鹹味道剛好👍跟住落嚟係蝦子柚皮扒豆苗，個柚子皮真係燜得好出色，我敢講係我人生食過最好味嘅柚子皮，燜到好軟、好入味及入口即溶，豆苗亦好幼嫩，絕配😋我第一次食鍋貼小棠菜係喺番禺，當時已經好鍾意呢個餸，估唔到喺香港順德聯誼會都做得非常出色，一口咬落去外層非常鬆脆，裏面食到一粒粒剁碎咗嘅小棠菜，再加埋有啲魚肉蝦餃，非常有層次，總之兩個字講完「好味」砂煲魚頭我好鍾意食，但係煎焗魚嘴就第一次試，個魚嘴煎焗得好脆好惹味，用嚟送啤酒一流🍻釀鯪魚又係其中一個我非常鍾意食嘅順德菜，記得細個嘅時候我媽咪都經常做俾我哋食，平價魚但非常晒功夫，佢而家年紀大都冇眼力再做呢一個餸，所以喺外邊食飯如果有得點嘅我都會點嚟食。大家望張相相信都覺得好掂，乾身香口，個鯪魚肉釀埋啲蝦米芫荽非常野味梅子芋頭碌鵝又係做得好味，梅子味唔會好搶，微酸食落去唔會覺得個餸

多謝朋友邀請我來到位於中環單幢大廈內的 食晚飯, 因這間餐廳以會員制度訂座, 菜單亦要在用餐日期前幾天確定. 可能由訂座至進餐當日等待了一段時間, 所以對當晚飯局都有所期待🤗順德魚雲羹魚雲羹非常足料, 有魚肉, 勝瓜絲, 腐皮絲, 冬菇絲...... 味道非常鮮甜, 食落口感非常豐富, 讚👍👍雲腿玻璃蝦球隻蝦有六兩重, 大大隻🦐, 晶瑩通透, 非常爽口, 加入少少雲腿, 蔥絲墊底, 味道再提升一點點😋😋蝦子柚皮扒豆苗柚皮炆得非常恰當, 味道非常入味. 配時令豆苗, 絕配👍鍋貼小棠菜外層炸漿薄薄, 香脆可囗, 內裏蝦膠彈牙＆多碎菜. 基本上每一啖也食到蔬菜, 中和油膩感玻璃皮乳鴿稱之為玻璃皮, 即等於脆口意思, 乳鴿調味可以, 可惜炸得比較乾身, 失去肉汁古法雙冬羊腩煲主角是羊腩, 內有配菜冬筍, 冬菇, 炸支竹, 馬蹄, 可點腐乳汁食. 跟玻璃唐生菜, 新鮮脆口. 羊肉沒有太重羊騷味, 而羊腩煲內的汁與其他餐廳比較偏淡味薑蔥蒜爆龍躉面珠肉上菜來時, 遠處已聞到陣陣香味, 薑蔥蒜頭洋蔥爆得非常入味. 龍躉肉亦很滑溜. 這個菜非常惹味😋👍👍生炒糯米飯用料與一般炒糯米飯相若, 有臘腸, 臘味

迷人uncle請家人於中環「順德聯誼總會」晚膳，負責主持大局o既美人姐姐深知小肥未有機會到臨私人會所，所以就誠邀肥肥家族一同參與 。入夜後，會所門外o既招牌並冇霓紅燈照明，其實都好容易會走漏眼。大廈正門及後樓梯牆上水牌可見，創立於一九四七年o既「順德聯誼總會」合共有四層。當晚飯局設於二字樓一間間房內，十二人可能有少少迫，不過大家咁熟可當親密啲坐 ，畢竟食物質素最重要。房間內一切大小事宜都由一位肥叔叔照料，加茶分餸對佢一啲難度都冇，不時仲會講解菜式烹調秘訣及推介廚房拿手好菜，睇得出絕對係忠心勤奮之人 。餸菜一早已訂好，不過餐店並未有印制自訂菜譜，細佬只好偷偷拍下門外o既手寫單作記錄。 魚茸羮：順德最出名食魚，第一道亦好順理成章地由魚湯食起，肥叔叔聽到客人中有幾位怕骨，故亦不忘叮囑大家要小心湯入面會有細骨，認真體貼 。魚茸羮內含魚肉、魚皮、粉絲、青瓜、薑、雲耳等，全部都切成幼絲，口感有嫩滑，又有爽脆，湯品鮮甜濃郁，窩心暖胃。 炸蟹拑：每人一隻大蟹拑，每隻都炸得好夠外乾內濕，爽口又鬆脆，不需點用任何醬汁已可食到蟹肉同蝦膠o既鮮味，冇得彈呀！ 炸魚咀：細佬唔多食魚，不過見全枱人都

香港人經常以「順德人」來形容品性隨和、易於遷就別人的人，取「順德」跟「順得」有著一致的粵語發音！外婆年青時從順德家鄉逃難來港，除柚皮外，印象中她沒烹調過其他順德菜，也許順德家裡經濟環境不差，僱有工人，那時是小女孩的外婆根本不用幹伙。不過她勤勞苦幹的順德精神，確切地從她來港打工過活的日子中印證出來！菜餚反映地方色彩，順德菜以粗料精作的家常菜馳名，當晚難得可參與「順德聯誼總會」的飯局，終可品嚐外婆家鄉菜的風味！特色魚茸羹色澤帶點乳白，面層灑上芝麻，透出千絲萬線的幼絲。作為湯羹，用料甚為多采多姿，既有木耳、絲瓜、冬菇和紅蘿蔔等菜蔬，亦有粉絲與蝦米，當然亦不缺主角的魚蓉，集家常蔬菜及地道魚鮮於一身。入口鮮清細甜，夾雜不同湯料之層次感，甚有家的自然味道！桂花炒素翅金黃的色澤，好比桂花綻放般耀眼。筷子一夾，炒得乾身的桂花素翅輕巧地落在碟上，蛋香撲鼻，再由金華火腿絲和韮黃與銀芽引出的一口鮮味與爽勁，滿載軟爽香的不同感受，吃得既健康又環保。大良炒鮮奶與野雞卷，兩者均是順德的著名菜，來個雙拼，食客可謂一箭雙鵰。對大良炒鮮奶並不陌生，但野雞卷又是什麼？野雞卷是採用肥豬肉與瘦肉，再加點金華火腿捲成，先蒸後炸

之前和朋友說起這裡、大家也好想來一試、預想的日子無位、一推就要一個月後的昨晚才有時間及有位、真係幾誇張。因最少要食三千多元、不停找朋友去、最後找到十四人出席、多謝大家的比面、成功完成這個美滿的一餐。看見其他食客的食評、最後選擇了以下的食物。冬瓜盅 - 冬瓜好好味、軟硬度剛剛好、湯味道鮮甜、肉也嫩滑新鮮；第一味菜已這樣出色、更加期望之後的菜譜。炒桂花翅 - 翅當然係素翅、但口感真係幾似、唔想食真翅的人、相信會更加推薦這味菜譜；蛋炒得唔會太乾身、比之前食過某某間說自已幾好幾好味的食店、真係更加出色。小炒皇 - 和一般食店的唔同、魚片，西芹，百合，帶子...等、清清地也幾好。煎焗魚咀 - 微微帶腥、朋友k唔多喜歡、但其他朋友就食唔停口、但因比較漏、最後幾件、大家也只好留肚了。野雞卷配大良炒鮮奶 - 野雞卷細細粒、如再粒d就會偏漏、外皮很脆、真幾唔錯。豉油皇大蝦 - 蝦大大隻、但蝦膏唔多、味道本來應該幾好；但可惜部份蝦唔夠新鮮、唔夠彈口、微微偏淋。炸子雞 - 外皮唔夠脆、但肉味新鮮、真係雞有雞味；但侍應小姐說、它們的乳鴿比較上更出色、有機會一定要試試。蝦籽柚皮 - 柚皮好厚好大件、但想不到這樣

正如陳真所言,一大班人的生日飯局,地方最好就選擇一些私隱度高,例如會所之類,繼上年中出會所之後,今年的"雙星會",地點在中環的順德聯誼總會.兩圍人馬包下整個八樓大廳,菜式方面,爐兄同陳真兄一早安排好.這間會所有別港大,寧波,或者蘇浙等中環會所,門檻比較低,並不只限會員才能夠光顧,不過來之前,一定要預先訂位.否則就一位難求.開瓶費方面全免,一字長蛇酒陣是在所難免.是晚慶生局的菜式,貴精不貴多,打頭陣是淮杞螺頭湯.一聽到螺頭湯就大喜,小弟喜愛螺頭煲出來的清鮮味道,這一個淮杞螺頭湯,用上雞腳,瘦肉,淮山,杞子,螺頭來煲,味道當然清澈鮮甜不濁.侍者將湯渣另上,再點醬油吃,很美味.喝罷湯後,下一道便上煎焗魚咀,順德作為魚米之鄉,淡水魚極為豐富,所以順德菜之中,有不少河鮮菜式.面前的煎焗魚咀,便用上不知幾多個鯇魚咀.煎得色澤金黃的魚咀,外層酥化香脆,內裏也有點肉,而且很嫩,沒有一點泥腥味,魚唇邊更沾上一點膠質,極為豐富.差點黐住個口.這個煎焗魚咀,實在精彩.面對著順德聯誼總會,三千多一圍的炒桂花翅,當然不能與老字號如陸羽的相比,在沒有任何期望下,反而覺得不錯.做得乾爽不帶多餘油份,蛋身炒得夠滑,與