喜來稀肉 (已結業)

太耐冇食烤肉, 今晚放工同丫妹去左旺角食喜來稀肉, 店舖設於地庫, 沿樓梯行落去, 前菜跟爐邊蛋免費任食order左【喜來烤肉】HK$138 每片牛都切得好薄, 卷成花形, 賣相吸引。稍為燒幾秒就食得, 肉嫩, 沒有過份調味, 烤至金黃, 有焦香又不會覆蓋本身淡淡肉味。【生牛肉拌飯】HK$105生牛肉色澤嫩紅新鮮, 質地有彈性, keep到本身肉汁, 有唔少蔬菜絲, 另有一碟韓式辣醬, 將所有混埋一齊食, 口感有層次, 雖然我將整碟醬加入撈埋, 但都唔太食到辣味, 個飯有d微溫, 間中食到食埋凍食生牛肉, 味道唔錯! 

今日係媽媽生日，因為呢間嘢係唔接受電話訂位，所以我上星期就去親身訂咗上星期六同佢嚟食，點知……佢話約咗阿姨佢地去食飯，所以我就唯有早幾日又去多次改時間~今日我因為好準時收工，所以就收工行咗陣先去拎位，所以大約7點45分我就已經可以入座因為呢間店唙地庫，所以電話完全收唔到(可能關我個台事呱)，我通知唔到大少同我父母我己經入座，好彩佢地都自己識入嚟搵我牛肋骨肉 - 呢個我覺得唔好好似平時一般咁燒，要不停好似炒咁嚟整，就唔會過熟，會Juice好多，好味好多烤調味牛排骨 - 呢個超好味，不過大少有啲燒過龍，有啲燶，但係因為醃得好入味，所以基本上完全可以忽略啲燶，到我接手燒埋其餘兩片，完全唔同味~~XDXDXD雞排骨 - 唔知點解雞脾肉，韓國人會叫排骨，好得意，呢個有少少辣，但係當然唔係辛口嗰啲辣，只係用嚟帶起味道嘅小迎味，個雞排骨就算燒完都重好Juice喜來烤肉 - 呢個一片片排到好似朵玫瑰花，佢一片花瓣有幾片牛肉，因為好薄，所以一放上爐，好快就己經熟咗一半，我見佢熟就即拎起俾大家食，媽媽話呢個好好味，我都覺，不過可能因為我燒得啱啱好，所以先會咁好味XDXDXD生牛肉拌飯 - 媽媽睇完星期日小