Running 燒 (已結業)

唔使同埋晚市同樣分成2個等級 成人價錢由$216到$391 豐儉由人 特別時段仲會有全單7折雞牛豬羊海鮮都有齊 齋係豬已經有10種🐚想重點講講海鮮 試咗扇貝鮮甜彈牙而且肉質鮮嫩軟韌 完全唔會乾乾柴柴🐮牛肉就當然揀我最鍾意嘅鹿兒島A5和牛！雪花紋理清晰 脂肪分佈十分均勻 切到好處口感有嚼勁而且有濃郁嘅牛肉香氣 油香四溢🥚溫泉蛋香蔥紫菜飯呢款同樣係mvp 要講句“last but not least啊”日本米飯粒粒飽滿 上面撒咗大量紫菜碎 味道鹹鹹香香重點最頂頂放咗隻溫泉蛋 戳破流心蛋黃令整體更濕潤 而且蛋香味都好濃郁 唔會話得死鹹味配翻上面講嘅燒鹿兒島A5和牛增加油香 令層次感更豐富食落更加係大滿足🤤

雖然疫病肆弱，但屈喺屋企太耐，忍唔住要照出黎食野。餐廳位於彌敦道726號，衛生情況唔錯，門口有消毒劑，職員提醒食客要清潔先入。環境比上次寬敞咗，唔知係咪刻意安排。醬料吧既醬料有唔少款式，例如有醬油、蒜蓉、韓式辣醬、烤醬、海鮮醬，有辣有唔辣。醬油牛五花肉 (⭐⭐⭐⭐⭐)醬油牛五花肉係全場最正，必定要食。薄薄嘅一塊牛，煮幾秒就已經熟，熱辣辣非常入味，重點係醬汁，口感冇得彈。生蠔 (⭐⭐⭐⭐💢)幾鍾意個生蠔，雖然朋友話怕生冷嘢，但係最後點咗覺得唔錯，幾新鮮。韓式麵 (⭐⭐⭐⭐⭐)熱食方面，仲有韓式麵，相對較辣，唔食辣嘅就預咗要飲多啲汽水解辣。面身硬度適中，非常有咀嚼感。如果韓燒完未飽可以叫。雪條或西米露 (⭐⭐⭐⭐💢)甜品方面，有雪條或西米露，不過太飽，西米露食咗半碗就冇食喇，少少浪費。餐廳仲提供一塊蘿蔔，用嚟做刷潔淨，如果未夠仲可以叫請餐廳職員換。好細心，哈。~~~~~~~~~~~~~~~~~~~~~~~~Running 燒 旺角彌敦道726號9樓推介菜式：醬油牛五花肉、燒雞翼👍🏻衛生頗佳👍🏻肉類鮮味👍🏻款式頗多

一班朋友GATHERING，最開心莫過圍住個爐一邊食一邊吹水。除左打邊爐之外，韓燒都係一個非常不錯的選擇。因此要等個FD放工，唔可以早食，所以食唔到優惠時段。唔緊要LA~~~~~到韓式食店必然可以食到幾款前菜，雖然我唔太鐘意食辣野，不過個芽菜酸酸味味咁，都幾開胃。飲品除左酒要俾錢之外，都係可以自己去雪櫃度拎，種類都充足。職員好好，一坐低就介紹下有咩食，同邊度拎野飲醬料。特別提醒我地唔好燒果塊蘿蔔黎食，係用黎清潔個鐵板。餐廳燒肉的種類都好豐富，豬牛都有，最正係連扇貝、生蠔都有。雖然扇貝燒完會縮到細細粒，不過勝在係放題，當然就要係咁加單LA。個蒜蓉芝士生蠔好正，芝士蒜蓉融同D蠔味配合得天衣無縫，大家記得要試下。除左肉之外，都有唔同小食可以選擇。炒粉絲值得一試，因為真係好入味，口味彈。另外要試下原味炸雞、炸魷魚鬚，新鮮炸起脆扑扑。當你燒緊肉，等緊熟果時就可以食住D小食先! 其餘大蝦都可以一試，D蝦大大隻，唔會覺得霉。燒到後段就可以燒D菜食下，中和下無咁燥，生菜都好新鮮。賣單俾錢時重可以俾客揀食枝雪條AR.... 好正! 

再次同朋友黎食韓燒，抵食又好味！午市、晚市7:20pm前結賬、或9:30pm後入座，都做緊7折優惠，今晚計番每人都只係$175，就可以任燒各款海鮮同肉類。海鮮種類非常多，有生蠔、扇貝、帶子、大蝦、燒酒蝦、多春魚、魷魚鬚、魷魚圈……落單之後，好快就送上黎，擺盤有心思，睇上黎好新鮮，樣樣都大大隻，輕輕燒熟一食，好爽口清甜。牛肉有肥牛，薄薄地，好快就燒熟，肉汁好香甜。其他部位好似牛肋骨、牛柳粒都唔錯，醃咗少少，但唔會搶去牛肉原來嘅味道。豬肉特別推介豬頸肉、豬腩肉，肉汁非常豐富，而且好厚，好有口感。雞肉有調味雞肉、辣味雞肉，調味果款有少少鹹，辣味果款就剛剛好。羊肉有羊脾、羊西冷，我比較少食呢啲部位，原來係咁好味，唔會好膻。燒到咁上下，可以叫啲粉麵飯同小食。我叫咗一份炒年糕，好煙韌，個辣醬好濃郁，之後用黎做燒肉嘅蘸醬一流。又叫咗柚子味炸雞，甜度適中。最後有甜品，我揀咗椰子雪條，燒完野食食啱啱好。中途想飲飲品可以係櫃度任拎，可樂、汽水、水果茶……非常抵食既韓燒放題！

好耐冇食韓燒了，肉肉肉肉😍😍看看價錢啦！今日係星期三，我地係任食110分鐘 $248點餐紙，其實仲有2張係for 自費酒架！我地就唔叫啦 所以冇影肉來了 ，排到幾靚啊！打個卡先其實仲有前菜！哈哈，個人幾鐘意佢個泡菜！而白蘿蔔大家唔好食呀 佢係用黎洗個「獲」架！我地洗到咁燒肉啦！除左肉都有幾種海鮮，試試佢個人覺得最讚嘅係d蝦！而蠔都不錯！但呢2樣野加埋蒜蓉就perfect所以大家記得自己去拎醬同蒜蓉佢都有野飲任飲呀 都算多選擇。最後每人有一樣甜品我叫咗呢個！！個人覺得有一點唔好嘅就係佢太早送黎 d野食都未燒好，搞到有少少溶咗食得有點狠狽！其他都不錯呀。。。。 下次可以再黎食過

呢間韓燒裝修走型格工業風，有粗獷 o既牆身、嵌o左鐵線o既磨砂玻璃、黑色o既鐵框同鐵絲網，仲有鐵桶做凳(有箍筍o既，d 凳可以打開揼d 袋入去)，令到d 抽氣管巧妙地完全融合o左o係個整體設計style 入面。鋪頭細細，無乜油煙，感覺好乾淨。一邊有兩部大電視，其中一部成晚環迴播住K-pop mv，睇住d 囡囡勁歌熱舞，食慾都大增啦！什菜沙律最早o黎，超大o既一碗(見圖中同筷子o既比例)，最初我expect 就是平時出去食飯跟餐一個飯碗仔咁dur dur……不過今日會食咁多肉，都要啪番d 菜平衡下o既。等肉熟，食住d 小食先。韓式炸雞少不免一定要點啦，仲點o左炸餃子同魷魚鬚。呢d 炸物真係好高水準，強烈推介，最初我以為係咪自己未有其他o野食覺得肚餓咋﹖但之後特登點多一round，真係好好食，一d 麵粉/油膉味都無，充滿鹹香，值得一試！ 燒肉食得喇，雪花牛仔肉油脂分布均勻，厚切豬腩肉好juicy，燒完都唔會成舊乾爭爭鞋澀澀咁。豬腸豬耳呢d 比較冷門o既o野都有得食，特別鍾意佢d 豬腸，鹵水汁醃得好入味好正呀！海鮮係是次晚餐o既重點之一，佢d 海鮮只有晚市先有得食o架。大蝦大大隻啖啖肉，扇貝

發現咗一間可以喪燒海鮮嘅韓燒店，未見過一間韓燒店有咁多海鮮燒，仲要任食，叫幾多就俾足幾多，一啲都唔孤寒。今日主要狂攻四款海款，大蝦、帶子、扇貝、生蠔!!攻呀攻~~大蝦，大隻又彈牙，仲要冇黑頭，睇到啲蝦膏就知正帶子本身已加左少少調味，光滑、柔軟、有彈性，爽口又鮮甜，呢個係必食之選。加上燒得快，擺上去燒一燒，兩面都好快封煎好，外皮脆口。扇貝，都唔細，連殼燒都要燒幾耐下，係好食，但好考耐性。生蠔，好鮮甜，燒完都仲有好多蠔汁，要一淡飲埋佢先正，但都係要燒好耐。如果唔連殼燒，好快就熟，蠔汁盡失，所以要食好野都係花啲時間。喪燒~豬大腸係我嘅必食推介，如果係食豬大腸嘅朋友一定要試，厚度適中，好快就熟，最重要係燒完兩邊都好脆皮，好正好正阿珠媽靚湯，日日唔同。以為係頹湯，但今日係牛骨湯，好香濃牛骨味，飲左三碗。雜菜沙律，成塊面咁大碗，出乎意料。不過我自己一個人食晒，一邊食肉一邊食沙律，燒完成餐都唔覺飽飽滯滯。韓式炸雞，雞肉幾嫩滑，多肉汁。烤肥牛，刨得好薄，燒幾秒就食得爽~最後有甜品，食韓燒最好當然配返韓國甜品，唔係好想食本地頹頹雪糕囉食完野，講返個環境。一般韓燒店嘅裝修，枱數唔多，得十幾枱，要食就要預早

呢度應該開左唔係好耐，八點鐘上到你唔使等位就有得坐，入到去同其他食韓燒嘅感覺差唔多，但枱上面沒有放題紙畀你寫想要幾多，我哋一開頭都唔敢嗌好多，每樣都叫咗兩件佢又真係會比兩件啱啱好你，所以唔會擔心食唔曬。飲品嘅選擇都好多，同埋有一個自助區俾你自己拎醬汁，但係將汁選擇就比較少，以辣醬為主，燒烤醬嗰啲就冇喇，同埋有麥茶飲。 跟住就講下食物啦 ，首先有熟食，以簡單款為主。泡菜煎餃－個皮會比較厚 但係好脆口 個餡料都幾好食 辣辣哋嘅感覺。炸雞－食落感覺會比較似日式嘅炸雞 有原味同埋辣味揀 辣味就有醬汁會比較惹味八爪魚－好脆口 但我果隻比較細 唔係好食到八爪魚的口感 年糕湯－嘅年糕好煙靭 個湯有啲胡椒湯嘅感覺 韓式冷麵－雖然冇配菜 初初嚟到見到咁大碗心諗一定食唔晒 但結果食下食下 食曬 因為凍凍地好舒服 韓式刀削麵－個口感有啲似比較薄身嘅烏冬 蔬菜方面： 蔬菜都好新鮮，但係切得比較薄所以燒嘅時候比較容易乾身，個人就鍾意食燒南瓜。肉類方面：有好多選擇，豬牛羊雞都有好多唔同嘅款式，我哋好多都叫咗少少嚟試，質素同你畀幾百蚊食嘅韓燒唔會差唔多，自己最鍾意嘅係厚燒五花肉，肥同瘦嘅比例啱啱好，但係就比較大舊所