喜膳燒

營業中

休息中

成日經過呢條街但都唔知呢棟大廈下面係間串燒店😯見佢價錢都算親民，就入咗去試試佢～一坐低店員就放低咗辣汁🌶呢個汁好好食，有啲泰式嘅味道～呢度嘅串燒好得意，會用一塊熱石板㷫住啲串燒令佢唔會咁快凍，所以一有食物嚟，店員就會放上塊板度😆逐一講吓叫咗啲咩食啦🤣芝士響鈴 ($22) 外皮非常脆，入面包住滿滿嘅芝士，好正🤤鹽燒雞軟骨 ($38) 調味啱啱好，好爽～而燒雞皮 ($36) 就燒得好脆，啲雞油勁香🤣燒牛肩胛 ($48)同燒牛舌 ($49) 啲肉一啲都唔韌，軟淋有肉味～ 鹽燒韮菜 ($19) 非常惹味🤤食串燒必點！燒黑豚肉龍躉卷 ($59) 口感好得意，龍躉份量都唔少呀～燒白鱔 ($68) 都算幾肥美，燒一燒迫返啲油脂出嚟😚而明太子雞翼 ($48) 有好多明太子，都幾辣架～我哋仲叫咗個海鮮，燒馬來西亞大蜆 ($88)😆啲蜆雖然唔算勁大隻，但係都好鮮甜，又冇沙👍🏻仲有個我最鍾意嘅焗牛油蒜蓉雜菇 ($45)～份量都唔少，牛油味好香🤤飲品就叫咗個益力多沙冰 ($48)～超級濃嘅益力多味！😚配埋串燒都幾夾🤣冇諗過尖沙咀都有串燒小店😆宵夜過嚟食串燒都幾正🤣

🐚燒馬來西亞大蜆 ($88．8隻)超級鮮甜完全無沙 熟度剛好 帶有海水味很juicy🤤⠀🦐海花蝦 ($78．2隻)蝦肉彈牙新鮮 加上燒烤的香氣正😋⠀🐟泰式鹽燒烏頭 ($148)用錫紙包住烏頭 出面再加好多鹽去燒 烏頭肉質不算嫩滑 可能稍微燒得太耐 不過魚入面鑲咗好多香料 充滿香氣 再配上泰式醬汁 味道不錯⠀🐐紐西蘭羊架 ($78)放在鐵板上KEEP住熱溫度 好香羊味又唔會羶⠀👅海鹽燒皇牌牛舌 ($49)厚切牛舌 燒得夠軟腍⠀🐥燒雞軟骨 ($36．2串)燒到香脆可口 唔會太多脂肪⠀🍜日式胡麻醬烏冬 ($72)胡麻醬份量剛好 加流心蛋 蟹柳 青瓜絲🥒粟米🌽好開胃⠀🥤益力多沙冰 ($48)濃濃的益力多味 超清涼✨

今日揸車過咗嚟尖沙咀接女朋友收工，我地今日揀咗朋友介紹呢間位於尖沙咀寶勒巷度食串燒呀。原來餐廳都幾近地鐵站㗎，由N2出口行幾分鐘就到，早知唔揸車😅 咁近唔使餓親女朋友呀。講下環境先 餐廳門口擺咗一行既Bar枱 可能太早去關係，唔太多人，但夜D去好適合同朋友摸下酒杯底傾下計，留意番佢地收1:30㗎 唔會太晏去呀Haha我同女朋友揀咗入去食。餐廳入邊既擺設都好靚，加上靚靚的柔和既燈飾坐得都幾舒服 。好了，我地開始揀野食了，入面都有好多種類俾我哋揀，女朋友有選擇困難症，所以全部由我包辦，我要推介大家既係「海鹽燒牛肩胛」「海鹽燒王牌牛舌」「燒豬頸肉串」<-呢個一定要揀(沙嗲汁)「燒珍寶大扇貝」其他都過不失 唔錯飲品就揀咗益力多沙冰 我同女友都試過好好飲，佢唔太甜又唔太淡調味調得好好總括嚟講 串燒如果可以多番dd醬汁就好了Btw下次會飛甩女友，帶埋成班Fd 飲吓嘢食下串燒摸下酒杯底👍🏼👍🏼

短短嘅一條寶勒行，最有記憶點當然係馬會同麥當勞啦，但其實兩旁都有好多酒吧同埋食肆，有啲甚至係樓上鋪添。今次去呢間喜膳燒就喺馬會行前啲嘅一座商廈地下，位置唔太當眼，所以事前睇過好多食評都話此店好隱世，個人認為唔算難找，只係藏身角落中，比較隱蔽而已。小店地方唔算大，有幾張高枱高櫈，酒吧格局。食物款式不少，有海鮮、肉類、丸類、炸物、蔬菜、涼拌、烏冬、飯、小食等，定價正常，同一般香港食到嘅串燒店差不多。串燒部份可以自選調味或醬汁，例如秘製辣汁、沙嗲、BBQ、和風醬，唔係淨係得孜然粉、辣粉呢！飲品方面以酒類較多選擇，而且星期日至四惠顧，生啤有買二送一優惠，收工黎同朋友飲兩杯，食幾串，吹下水都唔錯鱈魚乾：點單後，店員就送上鱈魚乾，原來係送嘅，魚乾烤得香脆，點左酒嘅朋友可以佐酒。燒馬來西亞大蜆 $65：共有8隻，蜆size唔算好大，但蜆肉飽滿冇沙，配上自制泰式酸辣汁，鮮味十足法式牛油蒜蓉焗田螺 $38：田螺焗得夠香，薯蓉滑溜，份量適中，唔會太飽膩煙肉什菇芝士意大利大蘑菇 $48：材料夠多，芝士味香濃，口感豐富，大菇唔會燒得太乾身，食落非常juicy，好食燒秘製牛仔骨 $42：牛仔骨幾厚肉，而且燒得幾

今日同幾個朋友聚舊，一放工就黎到朋友住嘅附近食野，行啲橫街窄巷搵下野食咁，跟住行過寶勒巷見到呢間舖頭好似新開喎，於是就決定去呢間喇。燒珍寶大元貝大元貝一上檯果下真係令人讚嘆好大隻呀，肉質厚實，用小小嘅蒜蓉調味都夠晒鮮味，而且仲可以揀辣或者唔辣架。燒美國珍寶蠔蠔大大隻又夠鮮味，即使無加任何嘅醬汁都夠晒鮮味，而且師傅仲好細心咁整埋帶子位，我地都可以直一啖入肚。孜然燒山賊雞翼雞翼燒得好脆身，孜然香味又夠濃，加埋啲醬汁，入口又唔會太乾而且食都好方便沙嗲雞肉串餐廳可以揀四種口味去整肉串(bbq, 和風, 韓式辣汁, 沙嗲), 而呢個雞肉入口夠嫩身，沙嗲醬入口唔會好咸，而且同雞肉好夾，真係好醒胃照燒汁燒雞腎餐廳用嘅燒汁係師傅每日用6個鐘去煮架，雞腎入口夠口感又唔會乾，配埋餐廳獨有嘅醬夠惹味又帶有小小甜味，真係同一般嘅餐廳用燒汁都幾大分別海鹽燒秋葵秋葵燒到唔會太焦面，內裡依然保持到一定嘅濕潤，而且唔會太咸稻庭烏冬（豬骨湯）+糖心蛋半熟嘅糖心蛋，一啖擺入口，令人滿心滿足，烏冬入口都算唔錯，份量足又唔會太淋益力多沙冰益力多沙冰打得岩岩好，唔會太甜，入口都算充滿益力多味法式焦糖燉蛋法式焦糖燉蛋蛋味夠足，食