日本野 (銅鑼灣廣場二期) (已結業)

上次去隔離既Mini Friday見到呢間個名幾得意，呢次約朋友去開cwb就一於去試下😋。6點半去到都未full，不過之後都開始慢慢多人，建議可以先book定位🤓。座位都幾闊落，環境唔錯。Menu選擇唔算好多，不過基本日本野都有齊晒，魚生、石燒、定食、甜品等等都有✨。🔅石燒霜降牛小排 ($238)牛小排有10片，每片都唔算薄，細細片好方便燒。自己燒可以控制熟既程度，鍾意嫩啲就2邊燒到變色就可以食😋，燒太耐就會偏韌。另外有醬汁同鹽等等調味，個人推薦點少少鹽會令牛味更濃👍🏻。🔅大阪風吉列豬扒定食 ($138)吉列豬扒有兩塊😍，份量都幾多，啱啱炸起仲熱辣辣。炸豬扒既火喉都控制得唔錯，幾香脆又幾嫩，食落唔會好膩。🔅心太軟配雪糕 ($78)心太軟係朱古力味，配薄荷朱古力味雪糕，呢個組合比較少見😳。心太軟大約有拳頭咁大，好香朱古力味。留意返心太軟要等20min，所以記得就住時間叫起😄。💬定食有蛋(溏心蛋/溫泉蛋)，仲有湯/沙津揀，加埋飯好豐富🙌🏻。呢次同朋友叫左牛同豬share食好滿足😎，下次再試埋壽司、丼飯呢啲🤤。

💛#良心小店 💛🔥自己牛肉自己燒旺角💯人氣日本野係銅鑼灣都開左分店喇 餐廳非常闊落 枱與枱之間間距大Openrice book位有折•••••••••••••••••••••••••••••🥩石燒霜降牛小排 $158 (7.5/10)用上美國特級prime牛小排，油脂均勻，肉好嫩有肉汁～有一兩舊有筋，但都可接受嘅。有幾款調味醬汁俾大家沾，示乎大家既口味😋。晚餐定食會配日本米飯、🥚溏心蛋/溫泉蛋。 溫泉蛋送🍚飯一流!➕追加小食 《🥗和風炒野菜$48》～••••••••••••••••••••••••••••••🍱蔥吞拿魚碎三文魚籽丼 $128 (7.0/10)魚生份量多到滿瀉🤤幾乎啖啖飯都俾啲料覆蓋住 三文魚籽爆汁好juicy 略嫌吞拿魚味道偏淡 😗魚生丼CP值好高 如果唔係要求好高質素既話，呢個質素對得住佢既價位🤗••••••••••••••••••••••••••••••🍣火灸三文魚 $26三文魚火灸過表面好有魚脂香～🍢炭燒帆立具 $78大大隻帆立具 平時食帆立貝最怕食到痴牙 但係佢地整得爽口彈牙 無痴牙既問題😆😆