泰海鮮 (已結業)

很早就預訂了位，也很順利的安排到室內位置。出外到一直「幫襯」的關財記購買海鮮。再拿到餐廳「加工」第一道 - 豉椒炒聖子配米粉聖子很新鮮，肉厚厚的，配上豉椒汁加添惹味。如能再辣一點就更過癮。米粉沾了豉椒汁，不錯，但很快就淋了第二道-砵酒焗蠔蠔都是大大隻，稍微炸過令外面脆口一些，咬下外脆內軟再到鮮，好味。味道調得剛好，不錯。第三道 - 腐乳通菜不過不失，沒有驚喜第四道 - 生炒骨排骨炸得好，甜酸汁也不錯，就是普通一點第五道 - 白酒忌廉煮蜆配烏冬底蜆很肥美，大大隻，可惜是白酒忌廉味太重，把鮮味都蓋了，特別是酒味太濃，食下帶酸，浪費了我的蜆。第六道 - 咖哩炒蟹蟹肉滿滿的，正！咬下也是啖啖蟹味。咖哩汁不錯，不會太濃蓋過蟹鮮味。如質地再濃一些「杰」一些掛在蟹上就更佳第七道 - 豉油王鮑魚鮑魚超彈牙，火喉剛好，豉油味濃，惹味第八道 - 清蒸海班魚是一流，很滑，蒸得剛好，如蒸魚豉油再做好一些薑蔥再多一些就一百分了整體而言：外購海鮮一如既往的鮮、靚、正加工烹調火喉控制剛好，但味道還需努力服務地道但也很親切

對上一次入屯門三聖食海鮮已經係4、5年前既事。記得果次去街市買完海鮮，再拎去附近酒家煮，價錢一d都唔平，兩個人食左千幾蚊，唔平得過市區好多。今次跟係屯門長大既好朋友黎食，竟然有意外驚喜。係街市買左元貝、桶蠔同花甲，跟住去左屯門友介紹既泰海鮮煮。買左10隻元貝，用蒜蓉粉絲蒸，大大隻，好鮮味彈牙，粉絲索左汁好惹味。買左兩細桶蠔，平時牙媽係屋企煮多數都係整薑蔥煲，簡單d。出街食，無理由又食返薑蔥煲蠔架，就試下砵酒焗。蠔邊好脆，隻蠔肥嘟嘟，咬落中間多汁肉嫰，濃濃砵酒味，超好食。不過一定要趁熱食，有隻擺耐左先食，蠔邊已經淋哂，嘥左。買左兩斤花甲，好似食西餐甘，揀用白酒忌廉煮，再加烏冬。花甲好鮮甜，啖啖都有白酒味，好正。平時食西餐，通常都係比麵包你索埋個汁食。原來配烏冬重好味，又飽肚d 。再叫左個芝心蝦丸，一向好少食熱氣野，但朋友話好正，即管一試。果然係好好味。蝦丸大大粒，表面包住平時食凱撒沙律上面既麵包粒，咬落脆卜卜，咬到中間，蝦丸彈牙爽滑，再爆出流心芝士，三重口感。熱氣都唔理得甘多，食左先算。今次買材料再加埋煮，每人都係$200左右，價錢平過係市區，食物新鮮美味，真係唔錯。

入西貢食海鮮就試得多，朋友約去屯門食海鮮，於是就入左三聖食下海鮮。去左泰海鮮食左好多野呀，選海鮮係在那間關財記揀靚海鮮。坐落叫左白酒忌廉煮花甲加烏冬底，個汁正到可以送幾碗白飯呀、另外個砵酒焗蠔都係超正，冇諗過會咁好食！一個人可以食幾隻！不過要留肚食蒜容粉絲蒸扇貝，粒扇貝大過隻碗，飽到差唔多冇空位食其他菜啦。點知個蝦刺生上菜時就又忍唔住食食食啦，朋友仲叫左飽魚呀超正！到長長的蟹腳了，估唔到咁多肉都幾鮮甜。忍唔住食返幾條油麥菜中和返再飲啖賴尿蝦蕃茄薯仔湯，啖湯鮮甜到不得了，仲有個鼔油王蝦頭同大蟹蓋蒸蛋，正到暈，d蛋仲有d紹興酒味，極度推介呀！總括黎講好有驚喜，下次要一家大細入黎食飯會好掋食好開心，多人食可以叫多d餸，好耐冇試過咁食法啦

曾經到此食店吃過多次海鮮，很欣賞其烹調的技術，所以今晚相約家人在此嘗冬至飯。由於大部人都外出吃飯過冬至，所以我們提早相約5:00pm吃晚飯。我們陸陸續續已到達食店，一行13人，被安排到一張大枱，這張枱較適合10人坐，但由於其他枱已被訂所以只能無奈地接受。安座後，部分家人往三聖邨海鮮街選購海鮮，他們一共選擇了7款海鮮：蝦、桶蠔、蟹、瀨尿蝦、聖子、龍躉、花甲，侍應生先量度一下每款海鮮的重量，之後我們再告訴侍應生每款海鲜的煑調方法。坐了不久，第一度菜餚白灼生蝦已上枱，基維蝦的呎吋雖然不算大，但勝在爽口鮮甜及彈牙，喜歡吃辣的沾上辣椒油更為惹味。接著椒鹽瀨尿蝦亦送到, 瀨尿蝦的呎瑪是超巨形, 長度比起我的手掌還要長, 所以廚師將其切開一半, 椒鹽瀨尿蝦最惹的地方, 便是鋪滿在瀨尿蝦面的炸蒜粒, 瀨尿蝦蘸上蒜粒一起吃, 非常美味, 另外辣椒和椒鹽的份量恰到好處, 微辣且夠味, 外穀炸得香脆而肉質鮮甜爽口。還未吃完瀨尿蝦, 另一碟豉油皇蝦碌亦相繼奉上, 蝦碌色澤金黃色, 豉油入味, 蝦肉鮮甜爽口。吃完2碟較油炸海鮮, 送來了一碟較為清淡的蒜蓉粉絲蒸聖子, 聖子夾着蒜蓉粒、香葱一起吃份外惹味，粉絲沾上

好友生日, 知道主角鍾意食海鮮, 友人提議入去屯門三聖邨食海鮮, 一直也知道那裡有不少海鮮檔, 可以自己選擇, 再交俾食店煮. 我地先去海鮮檔選海鮮, 款式也有不少, 又生猛. 最後我地選了幾樣, 便交俾泰海鮮同我地整. 首先是白酒忌廉煮花甲, 加工費每斤$64. 平日食花甲好少以忌廉來煮, 這個帶西式的煮法, 感覺幾特別. 花甲的肉質幾鮮味, 也夠彈牙, 入口時多了一份忌廉的香滑口感. 估不到花甲和忌廉也幾夾, 而且可以用這個汁混在白飯一齊食. 豉椒蟶子皇煎米粉底, 加工費每斤$58, 米粉底加$60. 我地鍾意食濃味, 所以點了這個以豉椒汁整蟶子. 蟶子已經起晒殼, 不但啖啖肉, 而且夠大隻. 肉質夠爽口, 由於以豉椒整法, 特別惹味, 又夠配胃. 當然不能錯過放在蟶子底的米粉, 部份還脆身, 有部份就吸收晒豉椒汁, 非常入味. 砵酒焗蠔, 加工費每桶計, 小的$62, 大的$88. 我自己好鍾意食蠔, 所以特別要求點這個焗蠔. 蠔夠大隻, 以砵酒焗, 時間控制得不錯, 蠔不會太硬和乾身, 仍然保持着多汁, 嫩滑, 仲幾入味. 這也是我首次在屯門三

前幾天約了四位舊同事去三聖食海鮮，我提議去新開不久的「泰、海鮮」店，因老鄉已光顧了多次，而該店之出品也很出色。幾位舊同僚是沒有到過，故他們可以有個新的嘗試。老鄉當然首先去海鮮街的海鮮檔選購海鮮，然後交由泰、海鮮烹調，該店自來海鮮之加工費也相宜。當晚菜式有：白灼蝦、碎炆石斑、豉椒炒蟶子、砵酒焗蠔及該店必食豬扒。白灼蝦可以說沒有厨藝功夫可言，只要蝦是新鮮就好味了。碎炆石斑是將原條新鮮石斑切碎，用炆斑腩方法去煮，此次炆得香脆適中，夠鮮味可口。豉椒炒蟶子炒得很夠味道，很好食。砵酒蠔焗得很乾身香脆。必食豬扒不愧為該店之招牌菜，確是美食。