Pici

營業中

休息中

其實之前都已經幫襯過Pici，今次再去係食生日飯，第二次再訪驚艷了我🍝前菜🌽🧀 黑松露焗芝士上桌就聞到香噴噴嘅芝士味，超級邪惡！芝士焗得好均勻，表面金黃香脆，夾埋濃濃嘅黑松露味，食落去每一啖都係罪惡感！(in a good way~)😋🍖 秘製肉丸 肉丸大大粒，秘製醬汁香濃，有少少甜味。配埋佢每枱都會比嘅麵包食，絕配👍。🥗 紅菜頭沙律 呢度菜可以話係Refresher。紅菜頭甜甜地，配埋酸酸嘅醬汁，再加上啲堅果同芝士碎，口感層次豐富😌。🐟 吞拿魚牛油果他他 新鮮嘅吞拿魚，配埋creamy嘅牛油果，仲有少少酸酸嘅紫椰菜提味，真係好開胃😋，呢個大推。主菜🌽🍤 大蝦海鮮濃汁黑細麵 呢個真係海鮮愛好者嘅天堂！大蝦鮮甜彈牙，黑細麵吸滿咗濃郁嘅海鮮湯汁，每一啖都充滿海洋嘅味道，好滿足😍。🧀 黑胡椒芝士手工圓麵 真係好香濃！黑胡椒嘅香氣同芝士嘅濃郁味道perfect match，手工圓麵彈牙有嚼勁，每一啖都好滋味😋。🐄 慢煮牛面頰寬帶麵 呢個真係無得輸！係牛味好重嘅pasta~ 牛面頰煮得好軟腍，配埋濃郁嘅醬汁，食落好滋味。甜品🍮🍮 意式紅莓醬奶凍大大大大推呢個甜品！奶凍滑溜creamy，紅莓醬酸酸

📍Pici呢間人氣意粉嘅餐廳大家應該都唔陌生，專食手工意粉🍝同friend叫左個二人套餐（晚餐）：包2款前菜、2個意大利麵同2杯飲品🍹價格為$488/ 2位【前菜 Starters 】🧆秘製肉丸 Homemade Meatballs一共有兩粒，個size有拳頭咁大🫣肉丸比較淋身，食落肉質鮮嫩多汁；仲配埋蕃茄醬汁🥫一齊食，酸酸甜甜，特別醒胃，做前菜一流😆🍴巴馬火腿 Parma Ham前菜黎講呢份幾大碟，鋪滿晒成個碟～大概有六至七大塊，味道咸咸地，超級啱攞黎送酒食😌【意大利麵 Pasta】🍝經典千層麵 Lasagna Classica （+$15)外層焗到焦香，食落好酥脆，內層又會保留到麵應有既濕度，好juicy🤤最出色嘅係有厚厚既芝士，仲有啲拉絲既效果；配上肉醬，呢個組合絕對係perfect match!🍝意式辣肉扁麵 Tagliatelle Nduja呢碟會配有意大利香腸同車厘茄，醬汁辣辣地，幾惹味🌶️同時扁麵既面會有芝士絲，所以食落好 creamy 帶有少少咸味🤏有多重既味蕾體驗😌✨但食得多會覺得有啲膩，最好就同幾個朋友仔share住食😝【甜品 Dessert 】🍨提拉米蘇 Tira

平時食開Pici既dinner，難得平日放假，可以同媽媽食到Pici既lunch❤️ 一坐低睇menu既時候，侍應生會遞上杯水同俾一袋切片小法包，仲有拎個碟仔倒油同黑醋，比客人點包食～ 小法包口感偏硬身，如果餐廳會焗熱俾客人食會比較好🫶🏻平日Lunch menu有3個set揀，包一杯無糖紅茶。我揀咗set B，前菜三選一，揀咗秘製肉丸。主菜三選一，揀咗胡椒芝士豬臉頰煙肉扁麵。甜品二選一，必揀Tiramisu ！！！秘製肉丸肉丸大大粒用牛肉同豬肉製成，肉味香濃。肉丸配搭蕃茄醬汁，甜甜酸酸，幾開胃。👍🏻胡椒芝士豬臉頰煙肉扁麵呢間主打手工意粉，佢哋嘅意粉一定唔會令人失望！成個意粉有勁濃郁嘅芝士味！鹹香嘅胡椒芝士同脆口嘅煙肉，同意粉一齊食，超級好味！意粉軟硬度適中，唔會太硬！💕Tiramisu 一定要食！！！❤️ 口感軟滑，濃郁咖啡味，但唔會覺得苦！食晒成個都唔會覺得膩，實在太出色😍😍😍

One of the best meals in 2022❤️快閃沙田，發現新城市有bookmark已久嘅Pici！Lunch set 有唔同嘅價位。點咗3 coarse 嘅Set B，豐富啲，同埋有更多意粉選擇。前菜點左秘製肉丸。朋友笑言話睇下同IKEA肉丸有咩分別。肉丸用咗牛肉同豬肉，口感綿，包含肉汁。調味方面有蕃茄醬同埋巴馬臣芝士，味道偏酸。輪到主打手工意粉，我選擇咗胡椒芝士豬面頰煙肉扁麵 Fettuccine alla Gricia。話係食過最好食嘅意粉之一絕無虛言，甚至比J牌更好。扁麵每一條都沾滿左醬汁，極之creamy，同埋有濃郁芝士味。雖然用咗好多芝士，可能因為有胡椒、煙肉等微微微辛、焦香、鹹香，整體味道唔會太膩。麵質當然做得好好，軟硬度適中。甜品見到Tiramisui 已經心心眼。忌廉較有厚度，而忌廉同手指餅比例亦剛剛好，好鐘意呢個texture。酒味同咖啡味恰到好處。缺點係太好味，一羹一羮好快食匙。明明用pasta已經令我會再encore，偏偏連甜品都咁驚艷，絕對榮登我2022年最喜愛餐廳之一。

依間野個位置都幾僻，我要問人先搵到。都係果啲特定餐單，無乜款揀，全部都係麵- 頭盆麵包：一早Pack好，凍冰冰，應該要烘返熱俾客人會好啲囉！- 前菜秘製肉丸：兩粒大大粒，有啲芝士起面做裝飾，賣相幾靚裡面多肉汁幾Juicy- 前菜吞拿魚他他：個醬汁好味，有少少牛油果，勁多吞拿魚粒，出色- 主菜辣豬肉寬帶麵：個辣味好奇怪，我唔喜歡，寬帶麵幾煙靭- 主菜黑松露細扁麵：真係好清，岩哂食素嘅人，一片片黑松露令成碟意粉高級左- 甜品Tiramisu：好好味，好濃咖啡味，好滑好想食多一杯其實依個先係主菜- 餐飲 Cappuccino：個泡打得好實，非常出色一定要飲

平日午餐時間walk in，好快就爆滿叫左2個Lunch set枱面有呢袋麵包，幾得意🥖先黎個餐湯椰菜花杏仁素湯，好香椰菜花味，杰得黎都夠順滑，但比較淡口，bb都岩飲個隻，如果比多2粒鹽會更好，提下味。秘製肉丸不過不失既肉丸，睇落好似好濃郁，食落剛好經典牛肉醬闊帶麵醬料同秘製肉丸好似一樣，同一種味道，麵質偏硬有咬口意大利青口闊麵呢個比較失望，好單調既蕃汁味…整體黎講係甜品比較滿意👌🏻提拉米蘇意式奶凍

聽講啲意粉好好食 所以今次就揀咗呢度同我朋友食生日飯🎂因為驚大排長龍所以早咗一個鐘頭到 但係因為係閑日夜晚所以都唔算太多人 所以就放低咗個蛋糕 再喺商場行吓先 職員服務態度都好好 好樂意幫我keep起個蛋糕🙏🏻💙跟住行完返嚟大概等咗10分鐘就有位入得～眼見餐廳唔算好大 但係設計都好Grand 而且仲有一個位置可以見到手工意粉製作 我哋三個人就安排咗卡位今次叫咗個set for 4 🥖一開始嚟咗啲麵包 都好正宗咁有橄欖油同埋黑醋🥗STARTER 揀咗 (1)秘製肉丸 肉味好濃 又唔會太鬆散 點嘅茄汁都好香👍🏻👍🏻 (2)炸魷魚 份量幾多 細細粒咁慢慢食 味道就正常 唔算話好outstanding (3)吞拿魚牛油果他他 非常高質素 兩個配搭得好好 食到唔想停👍🏻👍🏻👍🏻🍝PASTA 揀咗(1)意式辣肉貓耳朵麵 超級好食 個面超級有咬口 手工製作真係唔同啲 味道亦都啱啱好 唔會覺得太辣但又夠味 係我全晚最滿意嘅熟食💖(2)慢煮牛肉闊帶麵 個麵條都係出色嘅 但係呢一款牛肉個肉味我個人唔係好鍾意覺有少少so(?) 我食咗幾啖就冇食了😣(3)龍蝦麵 個龍蝦啲肉好嫩 一啲都唔似係配一個意粉嘅龍蝦

今日除夕，自己Lunch搵間好嘢慰勞吓自己先果然無令我失望，每樣嘢都好出色我叫咗Set B 3個courses秘製肉丸其實之前食過一次除咗意粉，呢個肉丸都出色肉丸除咗豬肉，仲加咗牛肉比起淨係豬肉，味道更加有層次蕃茄醬都食得出有茄蓉茄醬嘅酸中和番Parmeson cheese嘅膩Fettuccine口味係辣豬肉醬呢度最出名就係手工意粉，名不虛傳比起其他地方嘅手工製作意粉呢度小好多麵粉味，無乜粉感多咗隻牛油味，好香連埋帶小小辣嘅豬肉醬真係惹味又過癮如果再辣多丁丁，我可能會比100分Tiramisu本身我叫Panna Cotta收到朋友訊息叫我一定要試呢度嘅Tiramisu所以我改咗order，好彩我聽咗佢講！因為真係好好食芝士custard嗰部分真係creamy，好綿滑咖啡Spongecake嗰部分，雖然吸晒咖啡嘅精華但唔會好濃味，搶咗custard嘅味道兩邊配合得好好，真係好食仲有砂糖喺可可粉上面小小脆脆地，又甜甜地整體全部嘢食都高質同正宗香港九龍新界都有分店推薦大家想食手製Pasta嘅可以試吓呢間Jan B重點推介(今次每樣都推薦呀，揀唔到~)

2021年出街第一餐🍴嚟咗沙田新城市廣場呢間pici 食個靚lunch 😋🥰 假日午餐set 有頭盤/主菜/甜品/飲品 價錢好抵食。🥗頭盤：秘製肉丸及松露白濃湯🧆秘制肉丸: 原來秘製汁即係蕃茄醬肉丸，鍾意食肉丸嘅朋友可以試吓。🍲松露白濃湯：OK好飲，湯入面喺松露碎上，由於松露磨碎咗，更加突顯到果股松露嘅香味，慢慢滲出，湯較creamy💓🥩主菜：慢煮牛面頰寬帶麵及Taglioni Prawn 🐄慢煮牛面頰寬帶麵：見到係手工麵已經加晒分，食落好有質感，麵質有彈性😋加上配埋牛面頰呢種咁特別嘅材料，汁同都完全勁match👍🏻🦐Taglioni Prawn：呢道菜既手工麵係比較幼身，麵質同樣有彈性，而且大蝦同有啲蝦仔都食得出好新鮮。🍮甜品：Tiramisu 及紅莓奶凍 🌟黎呢度梗係一定會試Tiramisu 出名好食，幾乎台台客人都係叫呢款甜品，食落真係冇令我失望。🍼紅莓奶凍，唔知係咪因為食完一個咁好食嘅Tiramisu，奶凍變得無特別。🍹飲品：Fruitti 冰茶及羅勒檸檬冰茶🍓🍋兩杯都唔錯有手工麵食，算係唔錯既價錢，食到我地都好滿足😋。

喺新城市仲係好和平未有亂咁拉人嘅時候曾經同朋友試到訪過pici，聽講佢哋嘅lunch set好抵，睇吓係咪先！Lunch set 分三個價位，有唔同嘅前菜、意大利麵同埋甜品選擇。首先前菜肉丸味道濃郁，配上蕃茄醬同芝士非常開胃！生牛肉好軟嫩，不過咸咗少少，配上火箭菜同埋芝士會中和返少少。而意大麵我哋揀咗意大利貝殼麵，醬汁微辣超極為惹味，麵質煙韌一粒接一粒好快食完！而最令人驚喜係意大利牛肉寬帶麵，非常香濃嘅牛肉味配上充滿口感嘅意粉，最愛係依款！最後仲食咗個香滑嘅Tiramisu收尾，Pici嘅lunch set真係高質！

之前見好多朋友黎過呢度食生刨黑松露意粉，身為松露控當然要試試，所以就係週末lunch時間出到沙田市中心試試！我跟友人大概1點幾去到唔駛等位，餐廳比想像中大，有bar枱、卡位、普通2至4人枱都有！門口位置仲可以見到廚師即製意粉！Lunch呢個時間去到有lunch set，$168有前菜、主菜、甜品同飲品，價錢都唔算太貴！點餐後，店員會先上麵包同埋橄欖油加醋！麵包雖然係法包，但係外脆內軟！前菜-田園沙律，沙律面有很多芝士片，而沙律撈了橄欖油加醋，份量充足！前菜-秘製肉丸，這裡的肉丸肉碎分明，內裡還有點軟骨，茄醬唔會太酸，面頭還灑上芝士碎！經典千層麵(+$15)，千層麵非常熱，食既時候要小心，肉醬的肉碎好有口感，唔會一pat咁，芝士都有好多！細扁麵(+$30)，今日黎既重點！呢個細扁麵就係生刨黑松露意粉啦！黑松露味唔係好重，不過意粉本身都撈了白松露醬，意粉都幾creamy，感覺有點漏！整體唔重松露味，有點失望！Tiramisu 同意式奶凍，前者唔會太甜，有少許酒味，味道不錯！後者紅莓醬都幾酸，奶凍幾滑，奶凍可以中和返紅莓醬的酸味！總括黎講，餐廳食物味道都算唔錯，不過松露就有點失色！店員服務都