火薈中日火鍋

營業中

休息中

朋友約我到火薈中日火鍋，位於太子花園街239號嘉慶苑1樓。 餐廳是一間型格高格調火鍋店， 座位舒適，空間感十足，店員服務有禮。 餐廳又散叫，也有套餐， 我點了鮮茄薯仔濃湯鍋、鮑魚龍蝦海鮮餐$338位、帶子刺身$98、雪梨茶$48。 📍鮮茄薯仔濃湯鍋 ～ 套餐包括湯底， 有五款可以選擇， 我揀了鮮茄薯仔濃湯鍋， 蕃茄味濃厚，酸酸甜甜是一個開胃的湯底。 📍鮑魚龍蝦海鮮餐$338位 ～ 套餐有新鮮龍蝦、 蟶子皇、大連鮑魚、 海中蝦、沙白蜆、 安格斯牛肉、 招牌手打三寶丸、稻庭烏冬、 即炸響鈴和田園雜菜籃。 所有海鮮都非常新鮮， 而我最喜歡就是龍蝦， 肉質鮮甜美味。 安格斯牛肉口感幼嫩，牛味濃郁。 招牌手打三寶丸，口感Q彈。 還有烏冬、響鈴和雜菜籃，套餐很豐富。 📍帶子刺身$98 ～ 味甜肉厚， 鮮味柔軟。 📍雪梨茶$48 ～ 自家製雪梨茶味道清甜，解渴消暑。火薈中日火鍋性價比高， 火鍋配料新鮮選擇多。 🏷️溫馨提示～ 整個用餐體驗均屬個人分享意見， 只作參考😊。

我諗香港人10個有八個都鍾意打邊爐同埋食日本嘢一餐飯點樣可以滿足呢兩個願望呢？就係去有日本嘢嘅中日火鍋店！呢間火薈我留意咗佢好耐喺太子警署附近嘅花園街今次終於有機會同朋友嚟試一試鋪頭都幾多座位仲有一間VIP房如果人多book呢間房食團年飯做冬都得!一睇Menu梗係咋咋淋揀個湯底先啦店員熱情推介椰子雞鍋湯底係用椰子水煲出嚟未滾已經聞到好香嘅椰香味如果鍾情椰子味嘅朋友仔就一定唔可以錯過啦等湯底滾之前梗係嗌啲刺身食下先啦我哋嗌左個刺身拼盤樣樣都好新鮮呀打邊爐嘅食材都相當吸引牛頸脊好香好滑好有牛味仲有佢嘅蝦子墨魚滑又滑又彈牙！另外想大讚嘅係佢哋嘅服務係非常之周到我哋食完湯底啲雞搞到隻碟好多雞骨店員會即時上前幫手換過隻新碟俾我哋呢個價錢有咁樣嘅服務真係非常之抵呀

星期日同朋友行完花園街，見到這間「火薈中日火鍋」，又攰又肚餓不用細想一於入去邊一邊先，入到去感覺環境清幽，店員還要為我們安排了靠近窗邊的位置，雖然風景是市景但是感覺很寧靜很舒服，之後店員為我們介紹了他們的湯底，最後我們揀了海南椰子雞鍋。海南椰子雞鍋 $238 (新鮮椰子，絕無添加)海南椰子雞鍋，用原個新鮮椰子汁做湯底，加上半隻雞和椰子肉，味道不但清甜感覺非常潤喉，還未開始火鍋湯已差不多飲完。刺身拼盤 $298 (三文魚，帶子，甜蝦，魷魚配蟹子，深海八爪魚）甜蝦香甜膠口有質感，帶子細嫩鮮甜質量高，魷魚切條和蟹子混合在一起，入口脆卜卜。手打雙拼丸 $98 （牛丸，墨丸)手打雙拼丸，真材實料不但爽口彈牙而且牛味濃郁，墨丸非常足料鮮味十足，好食到停唔到口。鮮蝦雲吞 $68鮮蝦雲吞，自家製作餡料十足，鮮蝦大大隻和豬肉比例剛剛好，粒粒都好似乒乓波那樣大，非常抵食。新鮮大肉蟹 $238新鮮大肉蟹，肉質鮮嫩絕對是新鮮才會有的甜味，打開蟹蓋一看蟹糕豐富，一睇已流晒口水。脆鯇骨腩 $78脆鯇骨腩，切得比較厚身食的時候非常過癮，魚油豐富充滿魚香味。大魚頭 $78食大魚頭，當然要食魚咀皮滑肉厚，夠晒新鮮一啲腥

位於太子花園街的火薈中日火鍋，在鬧市的一點點寧靜，窗口位望內街幾舒服！如果有朋友生日仲有折添👍🏻海南椰子雞鍋$238店員說這個不是普通的湯鍋，而是原汁原味的椰子水，所以特別清甜，雞鍋滾後每人先來一碗然後才加入火鍋湯。湯底入口真的特別鮮甜，感覺很潤喉而且雞件很嫩滑刺身拼盤三文魚，帶子，甜蝦，魷魚配蟹子刺身新鮮，尤其帶子柔軟鮮味，甜蝦夠大隻膠口，魷魚煙煙韌韌蟹子卜卜脆，很配合韓國降霜牛肉$178韓國降霜牛肉只有八塊很矜貴，幸好切得不算太薄牛肉味十足，油花均勻入口滋味新鮮大肉蟹$238大肉蟹來到還是生猛，肉蟹很多膏，蟹膏甘香鮮味，蟹肉細緻鮮甜👍🏻脆鯇骨腩$78脆鯇骨腩是我最愛😍如火鍋店有必點😆脆鯇新鮮爽脆，有骨有腩厚薄剛好，肉質夠爽脆即炸響鈴$48即炸響鈴炸得夠鬆脆，放入湯底三秒就食得稻庭烏冬$42稻庭烏冬不是冰塊出，是煮過鬆散的。所以放入湯底滾起就可以，很滑溜，要快食！

前排病咗連續幾日無食過嘢落肚，一路病個陣就一路諗住好番要打邊爐，補償番病個陣失去嘅美食！趁好得七七八八，即刻衝去食火鍋！距離太子地鐵站好近，門口外面有好多錶位，泊車超方便一坐底就有款前菜送，雲耳青瓜，麻辣口味嘅～羅宋雜菜牛尾濃湯鍋見佢隔離有個讚好公仔就叫咗，一試個湯底就覺得無叫錯。同媽媽煮嘅蕃茄無分別，真材實料，啲料多到個煲咁大都無咩位淥野食🤣韓國降霜牛肉份量唔多，但質量一流！輕輕淥一淥就食到，有番啲厚度唔似其他餐廳薄到食唔出。肉味香濃，入口易咬開，肉質好腍，油香亦係口腔四散即炸響鈴呢個真係唔係間間火鍋都會遇到咁高質！真係即炸，一上枱個下聞到陣豆皮香，香到想即刻就咁食🤤 浸湯一秒就食得，食個下又脆又腍又爽嘅口味，好正！！！鬼馬雙星之前係另一間食過同款菜式就回味無窮😋 係油炸鬼包蝦滑，啲油炸鬼會煮腍咗同吸咗啲湯，而個蝦滑就好爽口，入面仲有紫菜，成件餸唔洗煮好耐，湯底叫得好就必定好味😋稻庭烏冬份量都幾大～ 見佢個邊變透明就要即刻食啦菜心苗如果可以去走埋菜嘅花心就更好～佢另外有個二百幾蚊嘅套餐其實仲抵食，不過我哋食食吓先見到，嗰個套餐又有幾款海鮮，又有牛，又有其他火鍋配料，小人食嘅話可以叫呢

火薈既沙嗲湯底真係好好味，食完令人無法忘記！食過咁多間都係要番火薈食！火薈店服服務超好，坐低就力醬油箱比你，個麻醬真係超香濃，必落！之後叫左湯底同材料就可以開始打邊爐喇！今晚落著微微細雨，坐係窗邊同老公一齊滾滾下，真係浪漫過去西餐廳打邊爐最愛叫油麥菜，蔬菜好新鮮！每次老公必定要叫依到即炸響鈴，超燙口香口脆口！一浸落去沙嗲湯底再力番出來，再食落口個下，真係正到係無法珍容！老公自己可以食到成份稻庭烏冬又係必食之選，餐廳係超warm幫你解凍，所以滾一滾烏冬就入味可以食其餘的山根，丸類也不錯，貢丸很香，值得一試！食火鍋必定要叫的牛肉，火薈既牛肉係真手切！全部蝴蝶切法！最後兩個人食左8百幾好飽好滿足！一食火鍋就會唔小心叫太多，因為樣樣都想食d！餐廳食物份量都算多，我地叫既野食其實足夠3個人食

做了平民這麼久的我，決定，今天要吃一下太子級的料理。這家火煱店能襯得起我了吧!本太子在平日的晚上前來，裡面的人不多，不需要等待就能進去了。這家是一家中日韓的火煱店，潢裝看起來也頗具東亞的特色吧!說起火煱的配料，本太子或多或少也有選擇困難的症狀。所以就直接選了這個賣相不錯的鮑魚龍蝦餐。主菜來前少不了醬料，這麼多選擇也足夠滿足我了。至於湯底的選擇方面，有清湯，蕃茄湯等，本太子就選了芫茜湯。凳凳凳凳!!海鮮駕到!!根據菜單的描述，這裡有波士頓龍蝦，日本大元貝，大連鮑魚，中山鱔片和廣島蠔，相當豐富。注意這裡是二人的份量啊！所有的材料很快都被端上，包括安格斯牛肉點上配醬，很正啊!招牌的三寶丸稻庭烏冬，沒錯，就是正宗稻庭味道~還有田園蔬菜籃~要說到最深刻印象的都是這隻波士頓的龍蝦了，看看是多麼的大，大口吃起來是啖啖肉，十分的滿足。大元貝和鮑魚也是本太子十分喜歡的，看看大元貝和鮑鮑是多麼的肥美就知了~哈哈 這麼一餐情侶來吃就最棒了。至於價錢方面要留意一下茶芥每位10元，醬料每位15元的。

覺得文章不錯請給我一個『讚』作為鼓勵喔！  小妹今次帶大家陪我一齊慶祝生日，生日梗係要食豪小小既啦 黎到太子【火薈中日火鍋 】，今次連埋我四個人來吃 環境舒適清靜，店內有包箱，私隱度高。 首先叫左招牌海龍皇濃湯鍋$338，真係超級正啊，裡面有大肉蟹、海蝦、大蜆和火箭鮮魷。 真係超足料，食起上來好惹味鮮甜。  好細心一早整碎了，這樣比較容易吃。  茗茶$10一位，每人盛惠$15的醬料  即炸響玲 $48 一份六條，上枱時微溫，其實即食都一樣正，非常之脆，放在湯滾幾秒，已經把湯底吸收。  本地手切鮮肥牛 $288 好新鮮味濃郁，牛肉油脂分佈平均， 食落去個口感真係吾同，仲好大碟夠4個人食，滾十幾秒就最嫩滑。  蟹子墨魚滑$78 非常彈牙而富有鮮味，用支竹棒撈勻啲蝦滑同蟹子 再落鍋就唔會浪費啲蟹籽 脆魚鯇 $58 魚肉顏色勁靚碌兩下就食得，差不多無碎骨要吐出黎。  手打雙拼丸（$78）必食推介，揀左豬丸同埋牛丸大大粒，個size仲大過粒乒乓球。  牛柏葉$48 牛柏葉份量很多，爽口很好吃。  韭菜餃 $58  蜂巢豆腐$36 跟火鍋非常配合，吸收了火鍋濃湯，味道更加正。  唐生菜$35 幾

今日收工約左朋友食飯，一早選定呢間火鍋店，之前已經黎過，覺得幾有質素，於是同朋友一齊再黎。火鍋店位於酒吧街附近，位置關係，平日黎唔會太多人，環境寧靜又舒服。不過週末最好都係先行預約，生意幾好的。除左有卡位、大枱，佢地都有房，房間坐到十幾人，幾闊落，問過最低消費都合理，有一班人不妨考慮餐牌供應幾款套餐，有海鮮類、有牛肉、有象拔蚌等，價錢唔同，人均二百零起，都唔錯，不過我地上次已經食過套餐，加上同行朋友唔食牛肉，所以今次決定單點。湯底方面有接近15款，例如海鮮、龍蝦、蟹、椰子雞、麻辣、特式五行鍋等，定價$68-338。配料方面有小食、牛、刺身、海鮮、豬雞羊、手打丸餃、蔬菜、粉麵等。飲品選擇就唔多，係汽水、王老吉同竹蔗茅根。醬油 $15/位、茗茶 $10/位炸魚片頭 $48喺等緊鍋底滾起之時，我地點左一份炸魚片頭食住先，一共八件，即時炸起，熱辣辣，再配上酸辣醬，點會唔好食啊。胡椒豬肚雞鍋 $138/半隻雞我地揀左【胡椒豬肚雞鍋】，半隻雞，見天氣涼涼地，有啖湯暖下胃。半隻雞已經預先放入湯底，裡面仲有豬肚、鹹菜等，加上重胡椒味，煲滾後都一人飲左碗先開始打火鍋。雞肉份量唔少，幾好肉地，而且都幾入味

雖然任飲任食形式的火鍋店開到成行成市，不過有時也會遇上用料參差的店鋪。太子的火薈中日火鍋主打高質食材打邊爐，所以也吸引了我預留增肥quota來一試  XD這天早來了，所以人客不多，7pm過後就開始多人了。這裡坐得舒服，一點也不覺得擠擁，加上枱面又夠大，可以放到大量食物。看完餐牌後，就發覺套餐似乎比單點更抵食，所以今次就點了C餐。以同區來說，價錢確實是偏貴，不過試完後，就知道食材也是與價錢成正比。這裡提供各式醬料，自行混出最適合自己的口味，另外溫馨提示一下，醬油會收$15一位，茶錢則是$10位。今次我們兩人就點了C餐火薈精選餐 (每位$208)，另外再加多兩碟單點，這個份量其實多了點，兩個人食一個餐其實已經很足夠。鮮茄薯仔湯底帶有濃濃的蕃茄味，酸甜又開胃。湯底絕對真材實料，裡面真的有很多蕃茄薯仔，打邊爐時這些食材還可一齊煲著吃。美國雪花肥牛雪花肥牛肥瘦勻稱，如雪花般的細緻油花分佈，脂肪比例平均，切得薄片，肉質細嫩。平時我都不算特別喜歡吃牛肉，但難得今次的肥牛算是高質，靚肥牛肉質腍而不韌。鮮雞件 (半隻)雞肉滑嫩不鞋口，沒有絲毫雪味。雲吞併水餃外皮厚薄剛好，不會太厚，薄皮口感嫩滑，不會吃到