阿來客棧雞煲火鍋 (已結業)

呢晚喺銅鑼灣留咁夜，皆因第日唔使返工去放假走去樓上火鍋店滾一滾，估唔到銅鑼灣地段都有價錢唔貴嘅火鍋原本想食湯鍋，但見佢有阿來新食法，就試吓雞煲雞煲超惹味，雞肉好嫩滑嚿嚿肉都掛汁，入晒味嗌雞煲可以用平啲嘅價錢嗌配料，仲以為等加湯先自己淥熟佢，原來係撈埋雞煲一齊煮廣島蠔幾十蚊有4隻好抵，撈埋雞煲食勁香牛氣沖天有牛腩、牛筋、牛舌同金錢肚，好肥美有肉香，索晒雞煲汁超正花膠係好吸汁嘅配料，一煲都落咗好多，好彈好滑清晒雞煲啲料，就請店員加湯底就可以滾吓鮮蝦雲吞，大大粒蝦喺裡面，皮薄餡靚老油條脆卜卜，吸啲湯底仍然好有口感烏冬滾起佢都好索湯味，口感好彈牙

打邊爐就話要圍爐取暖，咁雞煲又可唔可以呢？可能呢刻你會話夏天咁熱仲雞煲？Too naïve, too simple，我可以好肯定咁答你，就係要夠熱咁先暖到入心呀，如果唔係又點算係圍爐呢？👇🏻📌雞 煲 - ▪️ 馳名重慶辣雞煲 - $168/半隻  ▫️ 第一件事一定嗌返個「馳名重慶辣雞煲」先啦，雞件非常大份，而且一上枱已經好夠熱，直接食都仲得，肉質嫩滑完全唔老，好食；我揀左微辣，辣汁唔會太勁，加上芫荽、蒜片，洋蔥，反而好夠入味，正！📌炸 物 - ▪️ 鬼 馬 墨 魚 脆 - $62▫️ 呢個炸物「鬼馬墨魚脆」好有驚喜，外層係油炸鬼，炸到相當香口，裡面包住墨魚滑，口感彈牙，絕對係送酒一流。📌火 鍋 -▪️ 手 打 鮮 蝦 丸 - $56▪️ 手 打 牛 肉丸 - $50▫️ 食完雞煲仲可以加湯打邊爐，分別嗌左「手打鮮蝦丸」、「手打牛肉丸」，兩隻丸唔錯，蝦丸鮮甜爽滑，牛丸有咬口，過足口癮！▪️ 稻 庭 烏 冬 - $38▫️ 最後整埋個「稻庭烏冬」就岩岩好，整體我覺得性價比高，價單好抵食，兩個人share都夠飽，值得再去！

上網見到銅鑼灣開左間新火鍋店 鍾意滾下滾下既我 即刻約左我班朋友去試一試 一去到就見到餐廳既裝修都幾有風格 比較偏向和風 令到我地唔會覺得有壓逼感我地就揀左重慶雞煲黎做底 先食雞後打邊爐 我地叫左少辣 佢有別於其他雞煲 個汁無咁"杰"亦無咁濃味 但亦因為咁令到油膩感大大減低 食多幾舊都唔覺膩 雞件亦煮得岩岩好 入味之餘仲好嫩滑生蠔: 隻隻生蠔都大大隻 蠔味都幾重 而且食落口唔覺有腥味 台式貢丸: 有別於街市買到的質素 咬落去比較實肉同彈牙 肉味亦好濃郁珊瑚蚌: 非常新鮮的質素 淥十秒左右就食得 食落口爽口彈牙 好味道白鱔片: 係我既最愛 每一片都厚切 望落色澤紅潤 食入口亦都彈牙 稻庭烏冬: 烏冬簡直是火鍋的絕配 索哂湯底的精華 鮮甜的湯頭配上煙韌的烏冬 無得頂我覺得呢度都幾適合朋友聚會 餐廳長期播台灣歌 而且檯與檯之間比較鬆動 比我感覺好輕鬆