花居酒屋 (已結業)

花居酒屋荃灣海壩街108-114號荃碧大廈地舖因為疫情關係，已經好耐無去過日本旅行啦，以前好鐘意去到當地係d 橫街窄巷搵D細細間既居酒屋食嘢，往往都好有驚喜，聽朋友介紹荃灣都開左間居酒屋，見到網上都好多好評，所以今晚就黎試下入到餐廳既感覺真係好似去左日本咁，週圍既佈置好靚，鋪頭唔大但感覺好舒服坐低左之後當然係要點菜啦，除左睇meun之外，餐廳職員仲會囉住一塊黑板上面寫住期間限定，上面包括左有d 最新鮮剛剛空運到港既食材，另外仲有近期好hit既芫茜系列壽司方面，我地揀左個壽司盛(10件), 同埋2份卷物，自己最鐘意就係吞拿魚腩和牛海膽卷， 肥美嘅吞拿魚腩上面再加上海膽，食得出餐廳有火炙過，將成個卷物更加昇華左，必試呀 蒲燒鰻魚--- 好肥美嘅鰻魚配合埋醬汁簡直一流，餐廳好有心思喺鰻魚底部墊住一嚿熟蛋，如果夾埋一齊食，口感都唔錯海膽松葉蟹黑松露蒜汁炒飯---呢個都係必食item, 望見大大舊海膽已經覺得好吸引食落仲有陣陣既黑松露同埋蒜香味，真係好正輕燒帆立貝芫茜凱撒沙律---自己本身唔鐘意食芫茜，所以就無食d菜，只係試左舊帆立貝，好鮮甜。。而朋友係芫茜既超級fans, 佢就讚口不絕，話

最近疫情好似無咁緊張，終於可以同女友一齊安心少少咁係外面食返餐！在係網上搜羅期間，發現荃灣新開左一間日本餐廳，都好似好多人介紹，所以就決定試試一探究竟。呢間「花．居酒屋」就係荃灣鐵站5分鐘既路程內，我搭巴士係大河道落車，同呢間餐廳介只有數步之遙，非常方便。就係咁，我地就懷著探秘既心情選擇左呢間餐廳。

疫情嘅關系，去唔到日本旅行，所以搵左間新開嘅日式居酒屋慶祝拍拖紀念日。去到餐廳門口已經feel到個種日本嘅氣息，入到餐廳，裝修同佈置都令人感到置身於日本嘅居酒屋之中。居酒居應該有嘅必備菜式都有齊，款式好豐富，刺身、壽司、手卷、卷物、玉子燒、天婦羅、爐端燒等等，價錢親民。 竹壽司盛合，總共有9款，用料上乘新鮮，每一款都相當吸引，食落就知啲刺身好新鮮，完全無腥味，仲好鮮甜。必試！每次食壽司都要食吞拿魚壽司，所以都單點左碎蔥吞拿魚臍壽司，足料肥美！天婦羅盛合都係有9件炸物，有炸蝦、秋葵、冬菇、番薯、茄子同南瓜。天婦羅炸皮唔會太后厚，夠哂脆口。溫馨提示，天婦羅要趁熱食～見串燒選擇都好多幾吸引，就點個紫蘇黑豚腩試試，惹味香口。和牛烏冬係堅魚湯底，好足料，烏冬同牛肉嘅比例差不多一樣，但略嫌湯底偏鹹。