樂意點心

營業中

休息中

每次經過漢口道都見到勁多人排隊.我好好奇, 究竟有幾好食先可以令到有咁多人排隊呢？今次我叫咗個絕配套餐再加咗個點心.依度嘅茶都幾多選擇.有傳統嘅香片、普洱、菊花.排咗咁耐就梗係試吓啲特別嘢啦.我揀咗荔枝玫瑰茶.另外嘅白桃烏龍都幾多人揀.荔枝玫瑰茶飲落幾舒服, 有淡淡嘅荔枝味.啲點心好快就上枱.碧綠叉燒腸粉 (HK$28)個皮唔會好厚, 味道正常.都幾多叉燒.絕配套餐 （HK$68): 鮮蝦花甲粉絲湯 (+HK$10)都幾多材料㗎.不過我就覺得個湯味道偏淡, 同埋啲蜆好似洗得唔係好乾淨.籠仔土魷肉餅飯呢個肉餅飯份量都幾多.味道都OK嘅.係個肉餅有啲散.奶皇包 （+HK10)個奶皇包係有流心㗎, 好好食.蟹籽燒賣 (HK$19)味道正正常常, 同普通燒賣差唔多.依度嘅點心係幾抵食嘅.除咗個湯, 其他點心味道都係唔錯.依間餐廳都幾多韓國人幫襯, 有冇人話到俾我點解呢？

茶錢雖然加咗價，但都只係有$2加到$3，仲係甘抵😆☑️絕配套餐 $68 - 真係好抵😆😆😆 ☑️籠仔土魷肉餅飯雖然係套餐（單點$43），但份量同單點一樣甘大，肉餅都冇縮水，舖滿飯面，飯粒粒分明，較硬度剛好，而肉餅有咬口，吾係一舊粉，上面仲有芫荽蔥，撈埋豉油同飯一齊食超好味😋 🆗人參灌湯餃 呢個單點要$36，套餐吾食灌湯餃可以要燉湯。灌湯餃好大隻，包得好靚，但入面豬肉冇咩味。湯底清甜，雖然飲吾到人參味，但真係有條小人參係入面，另外仲有素翅。 ☑️鮮竹牛肉球 （2件）- $10套餐加配價$10就有2件，真係超級抵。牛肉球好大粒，正常發揮，軟糯得黎又有少少彈牙，點喼汁好好味。 🆗鮮蝦菜苗餃 （2件）- $10同樣都係套餐加配價，所以咁平，絕配套餐最多只可以加兩款點心。餃皮好黏，一拎起就爛左。但入面有大量菜苗，仲好綠，鮮蝦都大大粒、彈牙，味道主要都係菜味。☑️三色小籠包 - $30三款小籠包，每款一粒，外表已經好吸晴，黑色-黑松露、橙色-川味、綠色-原味，三款咬落都有爆湯，而當中黑松露味最為吸引，肉內撈左吾少黑松露，真係食到好香黑松露味，而川味就有少少麻辣，但又唔係會好辣，唯

就黎6點，同男朋友食個early dinner, 估吾到仲有88折，茶錢只係2蚊位！但個茶壺好靚，茶味都好香濃，沖咗3壺都仲有味。呢度啲點心好多都有二人份量！蝦餃燒賣果d可以2粒上。我地叫左上海小籠包，$25@3粒，都吾錯，綠色皮好等別，入面有湯。香茜牛肉腸 $26- 仲送左幾條菜心，肉吾少，但個皮比較黏。鮮蝦腐皮卷 $16 - 脆卜卜熱辣辣好正籠仔土魷肉餅飯 $43 - 正！每枱都有叫籠仔飯，真係係入面蒸熟，肉餅配埋芫荽蔥好味😋杏汁燉蛋白$26 - 杏汁偏甜，但蛋白好滑，好大碗，食到有d濟，但絕對唔會比甜品店差

唔講唔知原來漢口道都有間點心店🥰 呢間餐廳主打多款中式點心🥧 有招牌龍仔蒸飯，滋潤燉湯，精美點心，小食，飲品等等😃 餐廳環境十分乾淨同企理，裝修方面亦都落咗唔少功夫～ 雖然樓面唔大但都有幾個卡位😌 地點方便之餘上菜速度好快，見唔少客都係一個人嚟食，絕對係上班族過嚟食lunch嘅好地方呀🤭🍲 絕對套餐 $88籠仔土魷肉餅飯份量十足，土魷肉餅夠彈牙同嫩滑🫣 白飯吸晒啲精華，味道濃郁好好食呀🥹 必點之選，十分推介😉 雙雪南北杏燉排骨飲落去好清甜而且杏仁味夠濃郁🤤～ 十分適合愛粵式菜嘅杏仁控😉 鮮竹牛肉球好新鮮😱 啖啖肉，完全唔粉！鮮蝦菜苗餃皮薄餡多，大大粒好豐富😍🫔 碧綠叉燒腸粉 $26腸粉皮夠滑身，叉燒都幾腍😃 值得一試～ 🍞 蠔皇叉燒包 $16叉燒包熱辣辣而且會爆餡☺️ 好滿足！🥣 杏仁燉蛋白 $26 質感有啲似豆腐花～ 偏甜但好滋潤🥰

係尖沙咀搵野 係OpenRice 見到呢間點心係附近就試下啦😆叫左個一人餐 可以揀一款蒸飯+一款燉湯 $68加$10 可以另加點心 籠仔土魷肉餅飯一上見到超大籠蒸飯🤣 熱辣辣岩岩蒸起 豉油甜甜地 同個飯好夾 肉餅蒸得岩岩好 好鬆軟 一放入口唔使用力就會溶左 好好食😛 不過應該好肥haha🤣 飯粒粒分明 食落仲有淡淡既荷葉香味 另外仲有少少薑同蔥既香味 令個飯更加有層次 我個人好推介呢個菜式！😋😋❤️雲腿雞腳燉花膠 見到有花膠只係+$10諗住試下 點知都冇令我失望 花膠幾大塊 好爽口 成個湯好足料 仲有蟲草花同雞腳 豬肉等等 飲落好滋補既感覺😚香煎蘿蔔糕+$10 煎得好香口 蘿蔔糕好綿 亦都有啲蘿蔔條咬下👍🏼原隻鮮蝦腸粉$30腸粉皮好滑 唔似有啲茶樓會整到好黏 蝦好爽口彈牙😋都係必試！👍🏼合桃包$16奶黃包就試得多 就試下新野 又幾特別喎 入面餡料好香椰奶香味 同埋有好多合桃 口感好豐富😆蛋散$20最後叫多個甜品 我第一次試呢個懷舊小食😛好特別 岩岩炸起好鬆脆 甜甜地 而且好濃蛋香味 有小小似食緊鬆脆版既沙琪碼✨