新蒸武門 (已結業)

今日又約了朋友去觀塘吃好東西。朋友說去工廈吃飯最好預約，所以訂了枱。餐廳位置不算大，但很容易找，7點左右已有滿滿的食客。八寶茶沖完好幾次水還是很有味道。雖然有套餐選擇，但最終還是選了散叫食物。天氣有點涼爽，所以點了是日燉湯。燉湯十分足料，我連瘦肉也吃掉。點了個佛山薰蹄，夠爽，夠凍，不會油膩。蟹肉扒西蘭花上面滿滿的蟹肉和蛋白，西蘭花翠綠。今次有3個人，所以叫了半隻沙窩雲吞雞，但是份量比想像的大，如果4至5個人吃都足夠。重點是籠仔蒸斑頭腩，配有有豆卜及粉絲，還可以加20元配炒飯呢！臨走前見到個男明星仔和家人們來吃飯，哈哈！

今晚跟屋企人一行四人去了觀塘吃飯，簡簡單單，回歸平淡，叫小菜食飯。本來有四人餐，但經商量後大家都想試其他餸菜，反正價錢又不會爭大遠。八寶茶：有甘草、胎菊、紅棗、杞子等材料，味道清淡去油膩，還有甘草的回甘味。籠仔蒸斑頭腩：斑頭腩肉多骨少，蒸很剛好，非常嫩滑，加上蒜蓉一起蒸，最底層的粉絲吸收了蒜蓉及頭腩的味道，非常好吃。鎮江骨：鎮江骨已燜到骨肉分離，鎮江醋味香濃，另外紅蘿蔔燜得很入味，完全吸收了鎮江骨的味道，又軟又諗。冰鎮鮑魚四隻：鮑魚爽口彈牙，味道似素鮑，配上青瓜做成冷盤，非常適合夏天食用。三色拼盤五香牛展：切得很薄，肉質煙韌，味道較淡。佛山薰蹄：切得很薄，肉味徧淡，但很有較口。花雕鴨舌：酒味濃郁，鴨舌很爽口。蟹肉扒西蘭花：西蘭花非常翠綠，蟹肉較少味道淡，另外還有蛋白茨汁，非常清新。總結：所有餸菜味道比較淡，可能是因為健康的關係，所以很有阿媽煮餸的味道，食完不會口乾要飲水，完全零味精，價錢跟茶餐廳差不多。

觀塘工廈出名多野食, 仲要越開越多, 真係不得不黎觀塘多多搵食呀, 今期比我發現左一間標榜不加味精小菜餐廳, 就不妨去拜訪下先~~ 餐廳走簡約風, 以紅黑及棕色為主色調, 坐位闊落, 地方乾淨~~ 坐下先黎一杯八寶茶, 罕見有八寶茶飲, 感覺好清新同甘甘地甜甜地, 有助清滯又夠養生, 好啱女仔飲呀~~ 姬松茸節瓜螺片燉豬展                    HK$38呢個湯又足料又夠火喉, 仲不油不膩, 趁熱品嚐一啖, 真係超級清甜同滋潤, 飲落又的確無味精味~~冰鎮鮑魚       HK$116估不到呢度竟然有鮑魚食, 雖然唔算大隻, 不過食落都幾彈牙呀~~ 三色併盤 (五香牛展, 佛山薰蹄, 花雕鴨舌)     HK$118呢個冷盤都不錯, 其實幾啱送酒飲, 可惜我地唔太好酒!! 個人最喜歡花雕鴨舌, 花雕味不太重卻帶出少少酒香, 作為小吃不錯不錯~~鼓油皇蝦4隻            HK$98蝦都算大隻, 係隻數少左DD!! 食落都好爽口同惹味~~籠仔蒸斑頭腩                    HK$138呢個招牌菜又點可以唔試呢? 以蒸籠上, 一籠都有成十幾件, 份量

原本約了這位同事在復活節前吃韓國菜, 跟她來一場韓國之旅預賽, 可惜她病倒了, 出發前也未能相約, 故待她回來再約, 但她已不想吃韓國菜了, 皆因旅行期間日日炸雞、韓燒等等, 吃到有些悶, 亦有些熱氣, 所以今晚要吃清啲, 帶了我去一間以蒸烹調方式為主的餐店。蒸出鮮味, 岩我口味, 當然不用考慮啦!都有一段時間沒有走入工廈覓食, 每次來到工廈都好像入到迷宮一樣, 我總是會失去方向, 要找一段時間才可, 的確是一位路痴, 哈! 終於找到了! 門面的設計如武俠片的竹林般, 跟店名好貼切。拉門而入, 張張鮮紅色的通花椅子, 很搶眼呀! 設有多張二至四人枱, 亦有兩三張大圓枱, 地方不算大, 但擺放得整齊企理, 枱與枱之間亦有一定距離, 坐得都幾舒適。每枱已放了兩份“武林秘笈”, 是菜式秘笈才對! 設計清晰, 一份是2、3、4人套餐, 而另一本就是單點菜式。雖然2人套餐經濟實惠, 足足有八道菜式, 但實在太豐富, 我們非大食之人, 為免浪費, 還是單點吧! 分別有肉類、海鮮類、時菜類、飯/麵類、冷盤類和燉湯, 選擇也不少。 **************************每枱除放了“武林秘

今晚不想煮飯但又想食住家飯,係openrice打"無味精",查到這間多人讚好的飯店, 很快就去吃了。1月1日這天,我們7點幾到,在出發前30分鐘打去訂了位,去到即時有位了。我點了多人推介的菜式,原本想點3個菜,但見到這2道菜時,見份量很大,足以夠我們吃,而且吃得很飽呢!點菜前每人都有這個養生茶:首先上菜是這個: 雞肉好滑又熟,少少鹹,清淡又健康,雞肉不多肥脂肪,我連雞皮也吃掉。第二道菜是這個: 有香濃的蒜味,有有豆腐卜和粉絲,斑頭腩有部分蒸老了,但整體都挺好。再點2碗白飯~今日好開心發掘到健康美味的住家飯式菜館！外出吃飯就是愛選無味精健康餐廳！經我敏感的身體吃過後,這家真的無味精,我吃完沒有口乾,哈哈!日後會再光顧,希望推出更多健康菜啦!

朋友話想食啲特別少少既野，但唔想食咁多集團式既餐廳。諗左好耐，先記起觀塘工廈開左好多餐廳，咁我睇到呢間標榜健康，少鹽少糖少油無味精既餐廳「新蒸武門」，咁我地就去左試下呢間餐廳。😝開頭難左少少搵餐廳，因為原來openrice個地圖係錯左嫁，但地址又岩既，結果行黎行去先搵到呢間餐廳。☝🏼去到餐廳門口已經見到好多餐牌擺設，餐廳裝潢都唔錯，簡簡單單不太花巧，主要用上暖色為主，有種溫暖家中既感覺，桌與桌都幾寬敞，不會有好迫促既感覺。😊🏡一入到去，店員都好有心機介紹食物，結果我地點選左「是日燉湯：蟲草花杞子花膠螺片燉豬𦟌$39/盅」、「籠仔蒸斑頭腩/時價$138」 、「香菇杞子北芪銀山焗雞/例牌$78」、「蟹肉扒西蘭花$88」、「土魷馬蹄煎肉餅$78」。😋🍚🍘🍖🐓🌳🐟🦀「八寶茶」睇落大約有紅棗、山楂、圓肉、杞子、菊花、胎菊、烏龍茶、甘草。一坐低就一人一杯，用左中國古式既茶杯，幾特別咁。飲落幾香菊花味，微甜。聽聞睇完會寧神安睡的作用。店員加完熱水就提示我地焗幾分鐘就可以飲嫁啦，有野樣都幾值得讚，店員會不時添加熱水。☕️「是日燉湯：蟲草花杞子花膠螺片燉豬𦟌」用上中式湯盅盛載，湯料睇落好足料，有蟲草花、杞

阿媽話成日出街食, 食埋咁多味精落肚無益呀, 但對於我地呢d一日三餐都出街既既香港人黎講, 無可奈何之下又可以點樣?! 聽朋友介紹呢間主打家庭飯路線既食店, sell無味精餸菜, 地點係工廠大廈內, 都唔算難搵!裝飾以黑紅色為主調, 唔會太多人, 環境幾舒適呢度提供二, 三及四人套餐, 當然亦有散叫, 望落價錢幾親民, 餸菜款式都好媽媽會煑既餸, 想食花巧菜既呢度就唔會搵到啦!落單後, 侍應送上呢杯養生八寶茶, 味道飲落順喉, 飲時聞到菊花既香味, 比較飲普通中國茶更為特別及驚喜食晚飯時, 我好喜歡有湯飲, 咁先似食住家飯嘛, 侍應推介今晚既原盅燉湯係松茸螺片燉豬展, 價錢超抵($38), 熱辣辣奉上, 見得出湯料十足, 飲落味道鮮甜, 絶唔係"例水"味道, 超推介!散叫了幾款小菜, 呢款係侍應推介蓮藕煎肉餅 ($78), 厚厚肉餅煎得外香, 一口咬落去感到肉汁爆發, 味道唔太咸但用黎送飯就一流, 果然無介紹錯!呢款香菇杞子北芪銀山焗鷄 ($78), 以中藥料入撰, 有點似金針雲耳蒸鷄feel, 鷄肉食起時食到紅棗既甜味, 底層以金菇及粉絲索吸鷄肉流出既精華,千萬唔好漏食呀!籠仔蒸斑

之前在網店訂了些葡萄酒,約了好友在這天放工後到觀塘區APM附近的工廈一同取貨;其後好友說不如逛逛駱駝漆大廈二期,順便走走看看有什麼平靚正的好東西,於是便到裡面轉!大約逛了一個小時左右,好友暫時都找不到心頭好,並且說有點兒累,不如找個地方歇歇腳,順便吃個晚餐,這個我當然極之同意!此時正在一樓,就順道逐家餐廳去看看,轉了一圈後,好友很快有了決定,就是以無味精為主打的私房住家菜,新蒸武門!初聽這名字有點搞笑,卻又帶點霸氣,餐廳老闆可真有心思!哈哈!入內坐低後,以一間面積不算大的食肆來說,其內部有偌大的空間感,應該歸功工廈內樓底較高,裝潢帶有一股中國風:紅色的牆壁上佈滿著竹捲簾,那仿燈籠型的吊燈提供了適當的亮度;加上座位擺放與相隔相當寬敞,坐下來覺得十分舒服!之後就看看餐牌了,有著中等的選擇量,不知有哪些是最值得一試,便索性問店員;店員指出餐牌上的特寫照片都是主打菜式;於是我們研究了一會便依其來點菜,之後好友看到了有甚為喜歡的土魷馬蹄煎肉餅,當要馬上落單!下單後不久很快便先來燉湯;此湯由內到外都十分滾燙,需要慢慢地品嚐,也正因如此,更能試出真味來!這燉湯以鮮甜味濃厚而醇和顯示功架,除了爽滑的蟲

姐在觀塘區上班， 有日她帶小編去了一間她平時午餐會去吃的工廈小店吃中菜， 因為她很欣賞其中菜館的貨真價實，食物質素又不錯，一直秉承着健康，謝絕味精的宗旨為食客烹調私房住家菜。 私房菜「新蒸武門」位於觀塘一工廈， 餐廳地方寬敞，裝潢雖沒有特別講究雅緻，但感覺整齊舒適。 這裡主打是中式菜，基本的菜餚都一應俱全，有冷盤、肉類、海鮮類、時菜類等。 首先來的便是最令我欣賞的是店家自家製的特色八寶茶， 八寶茶顧名思義當然是以八種材料沖調而成， 可見的材料有菊花、雛菊、杞子、圓肉、甘草、紅棗等。 而且用的器皿並非一般的茶具， 而是有茶碗、茶托、茶蓋三件套的器皿，難怪八寶茶又叫作「三泡台」啦。 茶具精緻有特色，一看便想起古裝片裡皇上、皇后👸🏻御用的茶具，賞心悅目之餘，😍 味道喝起來香甜可口，滋味獨具，回甘中滲透着微微的酸味， 店家真的很有心思，連茶芥出品都相當有誠意呢！☺️ 很久沒有回家吃飯，不是因為工作太忙， 便是工作完一天回到家都已經晚了。 從前媽都會煲定老火湯，每次晚回家，都會看到有個保暖壺裡放在餐桌上。 但搬出來住以後，喝媽咪親手煲的湯機會小得很， 所以便一人叫了一個招