秋香 (康景花園)

營業中

休息中

朋友住附近話想試左好耐，所以得閒就約埋另一個陪佢試呢間黃店😝。位置都幾隱蔽下，但意外地都幾多人，好彩book左位😎，朋友仲order定大蜆煲🤤。🔅螢光魷魚沖漬 ($48)幾特別，好爽口😋。🔅粟米沙律 ($68)見到隔離枱叫好似幾正所以跟機😝，又真係好好食。粟米本身都甜，但加左醬同芝士就香好多，不過價錢就有啲貴。🔅唐揚墨魚咀 ($68)最鐘意食呢個！墨魚咀勁大粒🤣，大過墨魚丸！炸得好香好脆但唔油膩，份量都唔算少。🔅辣酒煮大蜆 ($148)蜆都幾多，幾大隻，無乜沙唔錯。🔅上等豚肉煲仔飯 ($138)因為朋友唔食最出名既鱔，所以叫左呢個，黎到已經聞到好香飯焦味。雖然得四舊肉，仲偏肥，不過撈埋隻蛋同蔥無得彈。肥肉都煎到好香，爆quota都照食😋。💬有加一服務費，價錢比較貴；但fusion菜又幾特別，同埋附近無乜呢啲咁有feel既居酒屋，都唔錯，不過建議book位先👍🏻。

一去到呢間餐廳就覺得門面同裝修好靚~~~基本上樣樣野都好食,全部都好推介！如果去開屯門好值得去試下！😇不過記得一定要Book位呀～🍴白鱔煲仔飯用日本越光米,同港式煲仔飯有少少唔同,白鱔好厚好肥美,煲底仲有少少飯焦🤩🍴火辣黃金螺有啲似辣酒煮螺,個汁少少辣好好味呀🤤🤤🍴秋香牛腩煲牛腩煮到好淋,亦都好入味,可以做生菜包咁食🥬🍴威士忌生蠔係用日本生蠔焯一焯個面, 然後再噴威士忌上去, 好香酒味😆🍴粟米沙律個名咁普通,本身以為係牛油粟米啲friend原來係烤左嘅粟米加沙律醬再加好多芝士碎, 所有野加埋超級match😍🍴燒牛舌芯厚切牛舌, 肉嫩多汁🤤🍴免治雞肉棒係自家製嘅,個面幾脆, 個餡都好足料😋一定要yam埋個生蛋豉油

📍屯門 -#秋香——-白鱔煲仔飯-唐揚墨魚咀-粟米沙律——-係新界裡面搵到一間餐廳 適合同朋友仔聚餐嘅好地方 呢間餐廳嘅氣氛真係好好☺️ 入到裡面坐好舒服 成間餐廳好有feel 好適合收工同朋友一齊食下野傾下計relax一下 💕-講一講呢間秋香啲嘢食先 因為第一次去 覺得點都要叫一個煲仔飯試下🤤 所以我同朋友就揀咗個 #白鱔煲仔飯 每塊白鱔都好大件 咬落去啖啖肉有肉汁 連埋生雞蛋撈飯加埋啲蔥 真係好好食😋😋 雖然個飯冇飯焦 不過夠好味🙈 -我地叫左兩款小食 #唐揚墨魚咀 #粟米沙律第一次食咁大粒墨魚咀🤣 佢啲炸粉唔厚 係粒墨魚咀大粒 咬落比較韌 要慢慢咬嚟食 同平時細細粒嘅墨魚咀口感唔同 中意食炸墨魚咀嘅朋友 可以試試 幾特別😎 另外叫左一份粟米沙律🌽 呢個小食都幾多人叫 附近嘅枱都見到人地嗌呢個小食 佢個沙律醬我覺得比較特別 好似加左紅椒落去甜甜地 表面放左大量芝士碎 食落好有層次感 一啲都唔膩 推介👍🏻

住大西北既朋友話呢間隱世居酒屋係屯門必試 長期高朋滿座 好彩朋友一早訂左位, walkin真係有d難度位置對於區外人黎講都真係幾偏僻 好彩朋友帶路先搵到 門口十分易認 大大隻字 裝修都好特別 由於天氣太熱 未叫野食要先叫酒水下下火 呢到提供各種各類香港製啤酒同日本酒  一行4人叫左極大量野食 (有d食完先記得影haha) 好有趣既粟米沙律 一條條咁食魷魚一夜干 超超超超超好食 肉質極嫩 味道極鮮白鱔煲仔飯 豬腩肉煲仔飯 兩個煲仔飯各有千秋 但我地4個都鍾意肥豬肉煲仔飯多d另外重有一堆串燒，小食 但唔太記得d名haha 牛舌極推薦 但黑糖枝豆就甜得濟了整體黎講成間舖氣氛好好 店員都幾nice又會同我地吹下水人均$350左右 (食到極極極飽) 質素同價錢成正比但開係呢個街坊位就有小小偏高消費

依度餐廳似啲日式居酒屋，比啲人放左工或者放假可以同班朋友黎吹水chill下🥳但係佢mix左啲港式風味，大玩fusion菜式👀但係餐廳位置真係比較穩世，本身係屯門區已經係大西北嘅角落，仲要唔係市區位置，如果係搭西鐵係屯市站落嘅話要步行廿五分鐘左右嫁，想食都要比啲誠意😂**********<粟米沙律> $68依個粟米沙律係成條連芯切到一舊舊咁舖係底，上面就放左大量嘅芝士，仲有美乃滋同沙律醬，第一次食咁樣嘅粟米沙律，出奇地有驚喜，好好食！🤤**********<免治雞肉棒> $42<牛舌> $34串燒黎講就唔算特別出色，個牛舌就中等水平啦，而個免治雞肉棒似係自家製嘅，配左個月見醬油汁，食落都ok嫁！**********<白鱔煲仔飯> $178白鱔煲仔飯係重點啊，個味道唔似傳統港式煲仔飯咁樣，帶啲日式風味，個煲仔飯有四大舊白鱔，係厚切嫁，大舊過平時啲串燒好多，不過都有少少骨要小心啲😍同埋依個煲仔飯個底係有飯焦嫁，正！

隱藏於屯門民居的小店，裝潢很有風格，大概是老闆是星爺粉絲，所以店名為「秋香」，但裝潢卻似是居酒屋，跟餐牌提供的食物一樣，日式為主，但廚師推介卻是煲仔飯，加上十多款手工啤，絕對跟fusion完全匹配！說回食物，雖然選擇不多，但每樣都很吸引，兩個人點了招牌白鱔煲仔飯、黑糖枝豆、粟米沙律、免治雞肉捧、串燒雞翼、牛舌、厚切豬腩肉。鋪滿巴馬臣芝士再加沙律醬，跟炸過的超甜粟配合得何其完美，鹹鹹甜甜有層次，必點！把黑糖跟枝豆一齊煮，把本來平淡乏味的枝豆添上一點黑糖甜味，跟坊間的平凡枝豆帶來不一樣肥美新鮮的大鱔加上珍珠米放在黃銅煲內煮，比一般煲仔飯少了炭烤味，但卻添了彈牙口感，讓白鱔的油份跟蛋黃混合一起吃，更加提升了珍珠米的味道和口感，白鱔新鮮肥美肉厚，喜歡吃鱔的人不容錯過，價錢雖略貴，但吃過之後就明白絕對值得！串燒雞翼加上秘制醬汁一齊燒，皮脆肉嫩，好吃！串燒牛舌、豬腩肉牛舌雖然多汁但偏靭，厚切豬腩肉肉汁滿瀉，一層肉一層脂肪，爽脆的豬肉又不算十分膩，可以一試！總括來說，隱世fusion小店絕對值得支持，下次想再試其他煲仔飯！

睇到網上介紹呢間隱身屯門既中日式居酒屋，環境睇落唔錯，而且泊車都好方便，所以就去一試。呢間居酒屋地方細細，但成間餐廳佈置都好有味道好CHILL，而且餐廳員工同店主都好NICE &FRIENDLY，成個感覺好RELAX。每樣食物水準都好好，但價錢就唔太便宜，似尖沙咀居酒屋價位，但整體都物有所值。粟米沙律–網上好多人都推薦呢款，好得意，係原個粟米切件再拌特製沙律醬汁，味道不錯甜甜地幾開胃。燒桂花蚌–燒烤火喉好好，保留貴妃蚌鮮味又有少少辣味蒜香，好惹味。燒茄子–燒得好JUICY又厚肉，又係有少少辣味調味，而且唔會好似坊間燒烤店咁好油膩。燒雞皮–食過好多間居酒屋、燒烤店的燒雞皮，呢間算係整得好出色，係完全燒到脆身，而且唔油膩，好似食緊薯片咁。燒一口日本甜薯 - 味道不錯，但相較其他菜式略為普通。白鱔煲仔飯 - 呢度既主打菜式，白鱔肉質肥美而且飯又香又入味，睇落以為份量好細但其實食完會好飽，因為白鱔好厚肉又夠油香，所以會有點飽肚。剩係黎飲下酒、食下串燒都好正，呢間店值得再三回訪。

聖誕之前冇乜搞作， 諗住起屋企附近搵下有咩食， 搵到呢間叫做秋香嘅餐廳😆裝修係屯門嚟講係好有特色， 而且佢裏面嘅佈置都係based on<唐伯虎點秋香>呢套戲嘅，其實都幾有趣😂入到去見到個餐牌其實唔係好多選擇，咁樣都係好嘅，唔使睇完又睇🤔我哋嗌咗個粟米沙律，點知嚟到真係成片粟米上，而且係和暖嘅！我覺得幾好食可以試下跟住叫咗兩個串燒牛脷同雞腎不過不失🙄 然後當然要試佢嘅煲仔飯>>白鱔煲仔飯同埋豬腩肉煲仔飯！其實兩個煲仔飯個飯底都係冇味嘅，豉油味都唔係好出 我覺得佢哋買得貴得滯， 反而全晚最驚喜係麻辣象拔蚌！好夠味道真係幾好食總括嚟講就算我最屯門都未必會再返去，佢真係賣得太貴喇！ 其實行轉角位都有煲仔飯食，人哋都係買78蚊

雖然立冬了，香港最近才有點涼意，捉住秋天的尾巴，去chill 一chill,周五晚在屯門餐廳林立的光亮乾淨的巷尾給我找到這間隱世的高質餐廳～裝潢由里到外都很棒很用心，猶如身在外國，可謂屯門的世外桃園！應該是老板吧，很帥的外國人，但仍可以廣東話溝通，也很親切，會給點餐建議。推薦菜式太多了，有粟米沙律🥗切成細長條，方便入口，鋪滿芝士和沙律醬，是很開胃的前菜，也很好送酒！燒茄子，有四款調味隨菜上，任君選擇，一次滿足不同口味～串燒選了我最愛的雞翼，和五花肉（店家起了個好名字叫波板糖，看圖就聯想得到）大啡茄也很進味～再來個小菜，免治雞肉棒，可好食了！照燒汁不點也行，燒得很香，雞肉入面混了點雞軟骨，口感更佳！當然配生蛋混一起更加滋味～重頭戲是豬腩肉煲仔飯，燒得金黃色的厚切五花肉，半肥半瘦太吸引人了，上面還有蝦米，明太子和蔥花做配料，太惹味了，底下的飯有香香的飯焦，混雞蛋一起食，太好吃豐富了這味道！配著老闆推薦的sake，很relaxing 的跟朋友過了周五晚，個人很少打滿分，這次給是超值了，居酒屋的感覺，很合適三五知己邊飲酒邊聊天享受美食，畢竟環境很舒服，可選室內/室外用餐，照顧到吸煙的，門外還有

早排睇網站介紹呢間新開既居酒屋，主打中日fusion菜，係融合左多國風格既清吧。店既裝潢正如其名‘秋香’，當然同周星馳有關聯，店內掛左幾幅出自電影中既經典金句。中式既碗筷，居酒屋常見既伴酒小吃，仲有煲仔飯，配搭新奇創意。面頭鋪上芝士同千島醬，香甜惹味，粟米切細食用方便。底下藏左小心機，以香茅墊底，味道充份滲進粟米中，食起黎有淡淡既香味，幾特別。黑糖同枝豆出奇地夾，入口甘甜既帶微微焦香，食落更香口。底下滿滿黑糖，用料毫不吝嗇雞中翼串燒，燒得岩岩好好嫩，細心地預先剪開骨位再燒，好易食。我最愛既一道菜，帶泰菜風味。肥瘦均勻既豬肉碎拌入洋蔥、檸檬葉，夾喺生菜中塗上柚子醬，清新得黎口感豐富。同脆片一齊食又另一種食法，好似食梗Nachos咁主打既煲仔飯果然名不虛傳，三塊大大既雞肉、臘腸膶腸，非常豐富。煮煲仔飯既器具都好講究，做到飯焦香脆不燶。面頭有蔥花同生雞蛋拌勻食用，令飯粒更濕潤更香口，加上半焦半綿既口感同臘腸香，正呀好惹味食完咁多肉類黎返杯清茶，菊花茶清香馥郁，柚子蜜份量恰到好處，清甜不漏。朋友既野莓蝶豆花，雖然係梳打但唔會太甜，加左蝶豆花感覺健康啲

早前聽朋友介紹屯門有間餐廳叫秋香，名字好特別，以為喺中菜廳，原來喺fusion 菜，有中式、日式及泰式料理等餐廳細細間，座位不多，牆上掛左一幅唐伯虎詩詞，另一邊擺放著唔同類型既酒，好多選擇最鐘意㨂酒杯呢個環節淸酒唔太dry, 甜甜地，容易入口粟米沙律滿滿芝士碎喺粟米上面，賣相吸引粟米十分juicy, 爽脆，芝士唔膩，好惹味柚子豬豬肉碎用生菜包住，加小小柚子醬一起進食，味道十分清新牛肋條煲仔飯牛肋條份量多，大件，咬落唔靭，牛味濃，飯一粒粒，乾身，口感唔錯，食到最後重有香脆飯蕉

上網見到屯門有黑暗中進餐 感覺好得意 同女朋友一齊去試坐低侍應比左兩個眼罩我地 上野食之前會提我地戴上眼罩 戴上眼罩之後 侍應會話比我地知餐具係邊 碟野食放係邊個位 食果陣覺得好驚 因為咩都睇唔到 開頭都會用餐具最後都選擇用手 明白到視障人士平時食野有幾困難 係一個唔錯既體驗食完個黑暗中進餐之後叫左啲串燒同煲仔飯試左員工介紹既免治雞肉棒/威士忌生蠔/粟米沙律/白鱔煲仔飯食到好飽👍🏻👍🏻總括黎講：環境：⭐⭐⭐⭐食物：⭐⭐⭐⭐係個位置難搵少少 會再返轉頭食

住左係置樂都有幾年，有次經過呢間秋香見佢裝修都幾靚，好特別下咁，又開左係冷巷咁有性格，就約左個朋友再落黎睇下咩料原來係有煲仔飯食既，仲有啲串燒，小食咁，聽店員講佢地有啲時令既新菜色，係海鮮黎架！仲要每日都係限量，我同個朋友作為海鮮狂就唔執輸啦😂叫左個白鱔煲仔飯同麻辣象拔蚌，頭盤就叫左個粟米沙律，順便叫左啲串燒過下口癮😆之但係一食呢啲又香又辣既野就會好想飲酒，見佢成個水吧成堆酒，乜都有，生啤手工啤sake威士忌，連燒酌都有，忍唔住喇飲返2杯啤啤佢先，啲手工啤好特別包裝好靚今舖真係飲飽食醉，坐得又舒服，睇怕之後都會成日落黎飲返杯😋

上次聖誕食完聚福樓 離去時發覺這間外觀吸引的秋香 一查發覺是新餐廳 而且和聚福樓是同經營的 就萌生了興趣 今日就同老公TGIF晚餐啦沒有訂位便直接衝到店子 7時多 原來已滿座 已滿座 已滿座（包括門外追加的桌子也滿了）少有的沒有訂座就闖店 今天真的大失策 好心的女店員不忍我們失望 說將店子放預約簿的矮桌子加給我們 問我們是否介意不太舒適還有要坐門外 當然不介意嘍有好料就開心！粟米沙律 $68 店員推介 賣相口感和味道都驚喜的一道 以為是些粟米粒+醬的沙律 誰知是熱的 粟米烘得香脆 加上七味粉 芝士碎等 開胃清新！黑糖枝豆 $30 枝豆配上黑糖 而且微温 佐酒一流（但咱們當晚沒配酒 還是興致勃勃）而且份量特多 打算當頭盤 結果是主食快ko還沒吃完～串燒大啡菇 $26 OK整晚最遜色的一道 因大啡菇還是很濕潤 帶不出其香味 建議店家做普通燒冬菇或釀大啡菇會更搭配牛舌 $34 燒得夠香 厚而不韌牛粒 $36 牛味濃郁 燒得香 但略有少少韌 秋香牛腩煲 $188 牛腩燜得入味並夠淋 配有生菜等又有點脆口而解膩的效果 不錯豬腩肉煲仔飯 $128 冷颼颼的風底下 配暖笠笠既煲仔飯就最夾啦 煲仔飯配

近排天氣寒冷，一心想來試這裡的雞酒的，怎知原來每天限量供應，已經被預訂沽清，只有望門興嘆 ，想吃的話，記得要先打電話來預訂。店門旁的秋香字畫坐下先點杯威士忌嘆下，以14年的single malt來說，可以算是十分不錯的。配以同樣在上枱時，會噴上威士忌的，鲜甜肥美，唯價格略高。店中的標記~詩詞字晝老闆介紹的清酒，微帶甜味，十分容易入口，適合三兩知己享用。免治雞肉棒燒得香口， 配上蛋黃醬油的醬汁,更加美味。第一次吃用黑糖煮的枝豆估不到原來好好食，好啱喜歡甜食的我，用來送酒十分適合，而且要讚一讚，上桌時是熱辣辣的。室內的燈飾，與姉妹店聚福樓如出一竅。用銅煲來煮煲仔飯比較特別，不知是否這樣，所以煲仔飯沒有飯焦，有點失望。白鱔夠大夠肥，但可再燒久一點，會更香口。有超大量生葱，撈埋煲仔飯吃都幾好味。秋香牛腩煲， 選用韓式食法，可以用生菜包著吃，牛腩煮得夠淋，味道亦很好，可惜不夠熱。另外白色一片片的不是洋蔥，是茴香來的，個人覺得同牛腩並不太夾，唔知點解要放。 老闆說一定要試，所以請我們吃的粟米沙律，估佢唔到原來係熱食嘅沙律，有少少似美國風嘅燒粟米，加上芝士沙律醬辣椒粉等調味，十分惹味，的確值得一