程班長台灣美食 (已結業)

今日中午約佐朋友去荔枝角億利一樓既程班長度食lunch.因為呢間係熱門，所以我地一早11:30就拎佐位先，費事爆哂。我地各叫佐一款小食，❤️豆乳雞，台式炸雞黎，細細塊過口癮🤣❤️蚵仔煎，令我諗起台北夜市，不過呢間都整得Ok, 至少係即製😊😊😊👌🏻紅油抄手，同一般餐廳既差唔多，不過份量夠大。👌🏻泡菜煎豆腐，覺得一般。價錢平民，我地4個人share 食都係每人33元😆👍🏻

剛好和朋友有事做而來到荔枝角這邊一處我很少會前往的地區於是就來著名的程班長吃一頓晚餐～置於工廈裡的程班長並沒什麼特色裝潢是很草根式的飯堂樣貌～所以座位算不上舒適好坐，較為擠擁有著一種速食的感覺！兩位朋友分別選了紅燒牛肉麵及紅燒半筋半肉麵我就要了手工滷肉飯～另外點了些小吃，有紅油抄手﹑豆乳雞及蚵仔煎我們三個都是喝冬瓜茶丫～手工滷肉飯，明顯的半肥瘦的滷肉配滷蛋還有青瓜滷肉質感夠軟稔，但份量不算多，而且不夠甘香滷肉汁的份量及濃度尚可，仍夠撈一碗飯吃！朋友說她的紅燒半筋半肉麵，牛肉牛筋都夠入味牛筋稔滑得來又帶點咬口！豆乳雞，$32的價錢，但份量偏少炸得夠香脆，脆漿不會太厚內裡的雞肉夠嫩滑還帶有肉汁！面層撒上鹹香的味粉，夠惹味～～～紅油抄手，有10粒，size不算大，剛好是一口的份量肉餡不算多，皮的厚度尚可微微的辣，配上略香甜的醬汁，味道不錯～蚵仔煎，蛋香不太明顯蚵仔szie都算大隻但量不多質感軟稔煙韌，餅底配有生菜沾醬汁吃的味道夠滋味！冬瓜茶，沒加冰的凍冬瓜茶，夠原汁原味，味道夠濃甜度剛剛好，不會過甜～～～總的來說，小食的味道挺好朋友都說她們的牛肉麵好吃～就只有我覺得滷肉飯較為一般所以尚能給予

去開長沙灣，於是去咗程班長食晚飯。朋友介紹食台灣嘢，去嘅時候冇乜期望，都係諗住食下普通台灣菜，例如肉操飯，台式炸雞扒之類，但係都有驚喜。餐廳位於工廠大廈，餐廳外面有一個好大嘅「程班長」同埋好幾個奬狀，而內部裝修簡約。六點零鐘都有半滿座，一入職員用普通話打招呼同提供咗點菜紙，好有台灣風格。參考推介，試咗清湯半筋半牛肉麵，大腸包小腸，牛肉捲餅，紅油抄手同冬瓜茶。碗清湯半筋半肉麵雖然話係清湯底，但都見有少少紅油，微辣。湯底清甜，牛肉（係牛腩嚟嘅）「林」，口感唔錯，有D彈牙，唔韌唔鞋!大腸包小腸，即整嘅，熱辣辣。係劏開嘅糯米腸包住台灣香腸，加咗醃製青瓜片同甜酸菜。味道幾好，有甜酸菜食起嚟無咁制。牛肉捲餅都係即做，薄餅上鋪上薄牛肉，再加上鮮青瓜切條，卷成捲餅。薄餅外脆內暖，加上牛肉好好味，值得一試！至於紅油抄手，可能未能趁熱食，味道較普通，唔係太辣，食食下有咬咗啖麵粉皮感覺，因為收口位個皮有D厚。冬瓜茶標準，同係台灣當地飲嘅一樣香甜，是甜，但不覺過甜。整體嚟講，呢餐好好味。

今日午餐係附近覓食，億利係一間好多食肆嘅工廈，今次就嚟到程班長食 lunch。首先黎到嘅係紅油抄手，$33有十粒，size 唔算大，但勝在個醬汁好好食，除咗有辣之外仲有肉躁嗰類甜。之後係呢碗麵，同紅油抄手嘅水餃一樣size ，不過因為唔係辣，所以比較清，都幾健康。最鐘意係呢碗紅燒牛肉麵，小小辣之餘個湯好有牛味，最緊要係佢用牛展，所以鬆軟之餘又有啲彈牙嘅咬口。可以簡粗幼麵，我就叫咗粗麵，感覺有啲似刀削麵。唔會因為麵粗，令到外面淋 而內部煮唔熟，所以好好食，好有質感呢。總結，紅燒牛肉麵值得一試～

聽聞荔枝角工廠大廈裡面有間好正既地道臺灣麵食店...個個食完都讚不絕口！今次就慕名而來試試！星期六下午大慨13:45去到...一出電梯已見一條長長人龍正在等位！大大話話前面都已排咗成廿幾人...都幾誇張呀！不過好在裡面啲食客食得快...等咗半粒鐘左右就有位！我哋兩個人食...分別 order 咗三個小吃、一碗清湯牛腩麵、同一碗紅燒牛筋麵。啲牛一食落口就真係知功價，炆得好林好入味...好食到停不了！尤其是啲牛筋😋真係估吾到一間位於工廠大廈裡面...不用怎樣花巧裝修，只是簡簡單單佈置，單憑實力同口碑、已贏得不少食客!👍

午餐時間同同事到荔枝角 程班長食lunch。其實呢間台灣餐廳已經係出名，基本上同朋友講個個都識~一去到門口已經見到人龍，拎完飛大概等左15分鐘左右就入得 吾算耐!舖面面積吾大 一眼望得哂，我覺得最大問題就係餐廳入面實在太焗!!!!!! 空氣吾流通 食起野上黎真係有啲辛苦!呢到係半自助形式嘅，要自己出去排隊點餐 之後就可以等員工送上食物拉!自己叫左個滷豬排便當，只能說豬排亁 飯又乾，絕對吾推薦!!同事分別叫左牛肉麵同埋半筋牛肉麵，試過同事嘅麵就發覺自己單錯野。 牛肉麵味道非常濃，牛肉都好冧 好好味之後叫左一碟紅油抄手; 好香 有正宗麻辣嘅味道 好野味! 唯一缺點係皮太厚，若果皮薄D就prefer!另外叫左兩杯跟餐冬瓜茶，清清甜甜十分解辣同解渴

台灣地道小吃是本人的至愛﹐ 但奈何係香港真係搵唔到一間可以令我回味的台灣餐廳。機緣巧合經朋友介紹下﹐ 初次踏足荔枝角的工廠大廈, 去尋找台灣的正宗味道。一開頭確實有點兒擔心餐廳的衞生情況﹐ 始終開設在工廠大廈內。但當真正到達﹐ 才感覺這裡真的人氣十足﹐ 裝潢雖然簡單但很整潔﹐ 真的有如台灣小店般乾淨企理。我和朋友下午7點左右到達已經有十多人在外排隊等待。由於走廊沒有冷氣﹐ 空氣比較焗﹐ 貼心的店家亦為排隊的客人加設了兩部大風扇通風。等了大概10 - 15分鐘﹐ 終於有位了! 餐廳內大概可以容納50至60位客人﹐ 當大家在餐牌上選定所需的食物後﹐ 就需要到收銀台下單付錢作實。我們點了紅油抄手﹐ 紅燒牛肉面﹐ 蔥抓餅﹐ 坷仔煎, 牛肉卷及冬瓜茶。其中紅油抄手及紅燒牛肉面比較辣﹐ 可能個人不是太可以吃辣﹐ 但味道卻十分惹味!!坷仔煎用料十足﹐ 而且不論賣相、味道、配料亦同台灣夜市一模一樣! 雖說一份$35是有點貴﹐ 但在香港可以吃到正宗台灣味道確實難得。相對下蔥抓餅就比較一般﹐ 主要蔥味不夠濃﹐ 但不油膩這一點是需要讚的! 而冬瓜茶跟餐只不過$8一杯﹐ 賣點即製﹐ 真的不能與外面的台灣飲品店

不足一星期男友話要試其他小食，兩次都無叫正餐麵或飯，只叫小食已經夠飽肚，紅油抄手醬汁特別，充滿辣味，雞排賣相好乾身，沒驚喜的味道，鹵水豬大腸無冇豬臭味兼且夠「淋」值得一試，今次坐唔到唯一一張嘅二人枱，環境比較迫「硤」，要速食快⚡️

男友鍾意食濃味既牛肉麵,上網睇下有咩推介見到呢間位於工廈既店就去左試下啦,都係唯一一間我去過既工廈食店。因為我想試多d野,所以麵叫得一個,我估湯底都差唔多掛。男友覺得好食過士林台,士林台我個人覺得係清左d。而呢個濃味得黎d肉都冇肥膏，筋唔會好林有咬口既,正! 食左濃味既麵配個柴魚皮蛋豆腐清清地都幾好。我一向唔鍾意食皮蛋心既,但呢個我連埋豆腐,蔥同個醬汁一齊食覺得係一流!

好有誠意既一間台灣麵館今日放假, 下午出左荔枝角搵食 , 唔知邊度睇到介紹呢度有間好好食既台灣麵館, 所以就走黎試試.查實好少搵食搵到去工廈, 但凡事都有第一次.上到去, 已經見到舖頭真係有好多人等了.坐低後, 周圍望, 見到不同報道, 侍應大部份都係講國語, 唔知係咪全台灣人呢??今次叫左三款食物:一碟有成十粒咁多, 皮好薄, 入面既肉大大粒, 好軟滑, 加埋少少辣椒油, 真係好好味~~一個好豐富既便當, 用上木盒來盛載的一個便當, 同在台灣車站買到的packing 並無分別. 入面的餸料更豐富. 有炒蛋, 齋件, 菜蒲, 高麗菜 (即椰菜), 肉燥碎, 同埋一塊大大件的炸豬扒~~~米應該是用上珍珠米, 食落好軟身, 一粒粒咁.豬扒本身上面淋上秘製醬, 入口鬆化好淋, 好好味~飲加入肉燥更覺惹味, 可惜太少~~配菜入面有菜蒲, 菜, 食落又爽爽地, 唔洗齋食肉咁肥膩.總之就是很滿足吧!價錢雖然略貴, 但食完之後, 你會覺得係值既~早排先到銅鑼灣食過類似的麵食, 各有各好味!湯底有濃郁牛肉/骨味, 真係要花時間黎淆製.牛肉 (根同腩) 炆得好淋, 超入味!麵條都是每天新鮮製造, 好煙U

自問對台灣早種下很深的好感, 有時侯不經意的發掘到一些心水食店、人氣熱點、必買伴手禮等, 習慣會記下來, 慢慢堆積了很多...很多...曾言之鑿鑿每年都要到那邊旅行至少一次 , 從2012年開始, 承諾可算兌現了, 距離年底之行不遠, 心情自然更為緊張, 期待再逛盡這可愛可親的地方。數到名物, 當然要數牛肉麵啦! 馳名的店子多不勝數, 老字號好, 新貴也好, 每家總有一套獨門配方, 用最真摯熟練的手藝, 將美味帶到人面前, 感動人心。提起程班長, 名字一點也不陌生, 記得前身是在銅鑼灣二期附近, 跟糖水舖合租, 但嚐過後印象不那麼深刻, 未太廣為人熟知, 其後更無聲無息地結了業 。 以為就這樣不了了之, 誰知主理人的心卻未被打沉, 從中汲取教訓, 養精蓄銳。 去年開始轉戰工廈，這次顯然有備而來 ，選用當地食材, 食品設計充滿驚喜，風味地道, 主打的牛肉麵經過改良, 將人的味蕾道要俘虜。 一傳十, 十傳百, 成功掀起一輪佳話，確為人驚嘆，自此人龍不絕，人氣有增無減。朋友仔舊公司就在樓上，真羨慕她乘地利之便, 不時向我分享食後感、新消息, 更會傳給我誘惑度爆登的食物照, 自問無力抵擋,

我成日睇Facebook,d人話程班長既牛肉麵好好味呀，好地道呀，好似去左台灣咁等等等之類……今日就特登揸車去食啦！去到嘩……大排長龍，心諗一定好好味(羊群心理效應)，排隊時候我見到好多人都拎住條冰條食緊，我仲以為係對面鋪頭買，我心諗(對面都幾識做生意喎，係又熱又焗既走廊，開係對面既甜品鋪買雪條咁醒目咩，一定有生意，仲要程班長門口有個紙皮箱俾佢地放垃圾添，咩台灣人真係咁好?)諗完冇幾耐，程班長有個女侍應拎住一大袋冰條出黎派俾大家食，我本身去拎既，但我見到係綠豆冰條，我同老公都唔食既，所以唔好浪費人地既食物，所以俾番個侍應生，但我心諗(原來台灣人真係好好嫁，可能有人會等等下唔食會走，貪心既人會拎幾條走，但佢地都唔介意去免費派俾大家食)依樣值得加分Y(＾_＾)Y等左20分鐘終於有位啦，一坐低我就寫左個清燉半筋半肉麵，炸豬扒便當，红油抄手，單點小食滷大腸，冬瓜茶！湯方面雖然好清，但好油，牛筋好似半硬半淋，完全失望，牛肉唔係太過特別出色!後來我發覺我叫錯麵，我應該叫紅燒半筋半肉麵先岩，但太遲了(￣Д￣)ﾉ炸豬扒便當，可以入口唔錯，但唔係好好食既地步，豬扒好鬆軟唔會好似香口膠咁，啲飯仲有啲配菜