茶木‧台式休閒餐廳 (屯門市廣場1期)

營業中

休息中

今日2點幾同朋友到茶木食飯，先發現原來佢哋有下午茶，同埋比午巿晚巿優惠好多叫咗個招牌紅燒牛肉麵都只係$67，仲包一杯$38飲品（可補差額叫其他特色飲品），我就另外加咗$6叫脆脆黑糖瀑布珍珠奶茶🧋點菜一兩分鐘後我碗麵就到了，好有效率 嘩！好耐無食過，唔知宜家嘅水準點呢？我一向都超鍾意茶木嘅紅蘿蔔，今日嘅紅蘿蔔完全無令我失望，好好食，好清甜，軟硬剛剛好白蘿蔔都好好食，味道好清新，蘿蔔味都好重！希望佢哋可以考慮吓另加蘿蔔服務牛肉又點呢？嘩！食嘅時候簡直有感動嘅感覺！絕無誇張！肉質好嫩好軟，肥瘦度剛剛好，中間帶有軟軟的筋，陣陣嘅牛肉香味慢慢咁散發出嚟，堅·好·食麵底都好值得一讚！好煙靭有咬口，軟硬度亦剛剛好牛肉湯底一如既往嘅好！味道濃郁，牛肉味好香濃，簡直想成碗飲哂杯飲品超有驚喜！超靚超有誠意！我朋友都讚不絕口！味道又如何呢？出色！ 特別鍾意佢嘅朱古力脆邊，朱古力味好香濃同埋真係脆嘅飲品上面有層好厚好滑好香濃嘅奶，飲落有奶蓋奶茶嘅口感，讚！最高嗰三粒芋圓都好俾貨！整體來說，奶茶香，珍珠彈牙口感佳另外想讚一讚服務，協助我哋嗰位女職員好有禮貌好有耐性同好誠懇好愉快的一餐

茶木吃過數遍，屯門呢間都係第一次食。星期四嘅晚上8點半不用等，所以倆口子在毫無考慮下就坐進這間進膳。未坐落張櫈已有同事送上水來。附帶一句"唔好意思"....咁攪笑嘅，放低水係應該架喎，唔駛唔好意思真係好有禮貌喎。我們點了紅燒牛肉麵同草莓香草蜜糖磚塊。因為我地都找不到有什麼特別想食因為磚塊要等20至25分鐘，所以同時order就不用等那麼久了。結果，磚塊都只是在我們接近完成牛肉麵時就送上枱。其實之前餐牌上有一款黑糖綠茶磚。但現在被剔走了，有點失望。因為除了我是綠茶擁躉外，我覺得黑糖同綠茶是非常夾的。再提一次，店員也真服務很好，因為肯為我們不停fill水。再說回紅燒牛肉麵，這個真的不得了。我們很喜歡吃這個，原因是我們欣賞台灣嘅紅燒牛肉麵，牛肉淋又入味。而茶木呢個紅燒牛肉麵雖煮不足有十足台灣風味，也有七八成！湯夠濃，牛夠淋且入味！而且佢亦照顧到伴菜嘅白紅蘿蔔，亦很夠味。非常欣賞！

星期六放假出到黎當然搵d平時小食既野回味下啦 突然好想食台灣野，就去望下洗吾洗排隊，點知吾洗就入去lu ！ 每次黎都係食紅燒牛肉麵同肉燥台腸飯， 叫左兩杯野飲（黑糖珍珠奶茶、日月澤黑糖奶蓋）紅燒牛肉麵個份量好似愈黎愈小（佢個麵好味有小小煙韌口感、所以每次黎都一定會叫返碗）😂 肉燥台腸飯，我覺得份量都好多， 台腸好似食極都仲有😅 喱間煎得都香同脆脆地（因為食過the one)個間d台腸吾好食😫 黑糖珍珠奶茶同日月澤黑糖奶蓋都好飲，奶蓋可以再整得再幼滑d 👍🏻😋

很久沒有光顧過分店越開越多的茶木‧台式休閒餐廳，窩夫與蝦子餅去屯門分店試試看。看到這本以台灣美食為主題的餐牌，很想去台灣旅行啊！窩夫點了紅燒牛肉麵($74)，有三大塊牛肉，吃頭兩塊都很腍而且充滿牛肉的香味，吃到最後一塊肉質明顯不同，整體尚算不錯。除了牛肉，還有兩塊紅蘿蔔和一塊白蘿蔔，令整碗麵的營養更加均衡。蝦子餅點了炸雞排肉燥飯($66)。還加了甜品芒果香草磚塊蜜糖吐司($78)，水準依舊，吐司表層很脆，芒果也很甜。飲品方面，窩夫點了熱帶水果茶($38)，蝦子餅則點了水果冰紅茶($36)。

屯門呢間茶木都開左一段時間，今晚黎試下先 黎到都好多人排隊，等左大約半個鐘先有位我地先叫咸食叫左紅燒牛肉麵，個牛肉煮得好林呀！好香牛肉味！湯底好濃麵質煙煙韌韌，好正不過就略嫌份量細左d，呢個份量$73都幾貴。另外叫左個雞排肉燥飯，個雞排炸得好鬆脆呀肉燥飯好香同台灣食o既一樣最後當然要食甜品蜜糖磚啦！叫左草莓味蜜糖磚超超超好味呀！草莓雪糕好滑，個蜜糖多士好脆，糖度剛剛好！