十二味 (LADDER Dundas) (已結業)

之前已經食過黃大仙同尖沙嘴嘅分店，今晚就嚟到旺角分店，相比另外兩間，呢度舖面較細，坐位較少。不過正正可能係因為地方細，侍應的招呼更見殷勤，經常主動加水，上菜速度也快。簡簡單單叫左幾款食物，埋單人均$180，仲可食埋甜品，真係好飽。主菜： 小辣 水煮牛肉($158)滿盆嘅乾椒同花椒，視覺被征服了，心諗：會唔會辣到食唔到呢！夾了一小塊牛肉，慢慢放入口……好香嘅辣味，但入口無難度，牛肉非常嫩滑，味道只係微辣，送飯一流。食到盆底，有不少寬粉，頗煙韌爽口，但沾滿了湯汁，味道較濃，啱嗜吃重口味人士。驚喜係竟然有油墨菜，雖然菜面充滿油光，但夾起稍稍滴走葉面嘅油，好好味！小食：炸串套餐 ($58)有羊腩筋、腸小腸、香口牛。個人最喜歡羊腩筋，有嚼勁，帶小小羊羶味，配上孜然粉，美味可口。羊小腸炸得十分脆，脆得像吃蝦條一樣。酸辣無骨鳳爪($53)開胃前菜，酸辣味平衡，鳳爪爽脆，食到索索聲，如果再多一點點辣，相信會更好食。伴碟有很多青瓜，變相多碟涼拌青瓜嘅小食。甜品：紅糖糍粑($48)非常好吃嘅經典川菜甜品，糯米條炸得金黃，名乎其實嘅外脆內軟；面層舖滿黃豆粉，增加了不同口感，亦多一份黃豆香。嗜甜者，不妨蘸多一

夏口炎炎冇咩胃口，最岩歎住冷氣食川菜，又酸又辣，刺激味蕾每一寸。之前經過十二味黃埔店見到好多人排隊已經好想試下，估唔到今次機緣巧合下朋友帶左我去旺角店品嘗。旺角店位於樓上鋪，店面好細，可以容納人數唔多，因為冇訂座，我地等左大約15分鐘先有位。入座時店員提醒餐廳用膳時間限1.5小時。值得一提，成為會員有9折優惠。涼拌土豆絲酸酸辣辣，越食越想食，土豆絲爽脆，係一道唔錯既開胃菜。酸菜魚（+寬粉）好大一盤酸菜魚！酸菜魚既湯底係整道菜既靈魂，第一時間試下個湯底先。湯頭酸辣惹味，越食越過癮，味道同內地酸菜魚專門店的有7,8成似，呢個辣味岩岩好，似乎更迎合香港人口味。魚肉彈牙嫩滑，唔會一夾就散，味道恰到好處，冇腥味，不過有幾片魚肉上有1-2粒魚骨。酸菜份量頗多，味道唔會過酸或過咸，我地全部食曬，一點都唔浪費。加$26有寬粉，口感煙軔，份量較少。乾煸肥腸唔好見到咁多辣椒以為會好辣，其實辣度比酸菜魚低。爆炒後既豬大腸好香，又唔油膩，不過稍為軔左點。一道唔錯既下酒菜。一邊飲酒，一邊係辣椒堆入面找尋每一舊肥腸。乾煸四季豆有辣或有唔辣，任君選擇，我地揀左唔辣。四季豆炒完仍保持爽口翠綠，味道咸香，好快清曬。但欖

天氣開始凍，除咗打邊爐，食辣都係一個唔錯嘅選擇。講起辣，四川麻辣嘢當然係其中嘅代表，今次就去咗旺角嘅「十二味功夫」，呢間鋪頭唔算大，但人特別多，等嘅需要係LIFT門口排隊，侍應們有時都會經過呢條「通道」，所以有啲逼。最後等咗大約20分鐘就可以入座。等咗咁耐，當然要試呢間鋪頭嘅主打「人見人愛酸菜魚」+「寬粉」、除咗酸菜魚外，仲叫咗「招牌自選香鍋」及「紅糖糍粑」，而飲品就叫咗「桂花冰釀」。上菜時間都好快，而且好大碟！其實呢三款都夠3-5個人食！「人見人愛酸菜魚」，魚肉嫩滑無骨唔腥，湯底小辣夠麻，酸菜份量十足，味道出色！「寬粉」充分吸收湯汁，開胃！「招牌自選香鍋」，點咗小辣，無乜辣味，而且無乜麻味，不過就好香孜然味，而且勝在夠大份。「紅糖糍粑」，糍粑外脆內軟，紅糖重黑糖味，我覺得呢款菜色係必叫！「桂花冰釀」，個酒樽外型超級中國風，味道唔錯，而且有啲似「酒釀桂花丸子」入邊嘅糖水，不過份量偏少。總結，「人見人愛酸菜魚」同埋「紅糖糍粑」係必試，食得辣嘅最好叫少辣就唔係幾夠喉，其他嘢食有待之後挖掘。

酸菜魚 $228+粉味道不錯，加配左個粉，不過魚嘅份量真係幾少，3個人食少少就無哂夫妻肺片 $68少少麻辣，味道唔錯涼拌皮蛋味道比較淡，唔太入味，可能我個人鍾意濃味啲紅糖糍粑 $48炸起就上菜，外脆內軟，仲熱辣辣，配上黃豆粉同黑糖漿，好食

之前去過尖沙咀分店，今次就黎試下旺角分店。餐廳裝修簡潔，成間餐廳得2個侍應，職員服務態度冷淡。❤️人見人愛酸菜魚 (辣) $208 +寛粉 $22味道好豐富，吾係淨係得酸同辣，魚都幾滑，寛粉有咬口。❤️川式口水雞$68辣味吾會掩蓋雞味，肉質好滑好入味。❤️清炒萵筍絲 $68愈簡單既餸菜愈考功夫，軟硬適中，但味道略厭單調。❤️蔥油拌麵 $38麵質較淋，蔥油幾香。❤️紅糖糍粑 $48依個甜品食幾多次都吾會厭🥰，一碟8塊，外脆內軟。❤️哈密牛奶 $28哈密瓜味吾係好假果啲，解辣一流，值得一試。

見到有折就諗住去呢間！一直都好期待之前係深圳食過酸菜魚之後係香港一直想食翻咁岩見到呢間！環境都幾衛生同幾有特色都幾靚嫁首先要叫既梗係酸菜魚啦！有唔辣 少辣 中辣 大辣選擇嫁！我同男朋友都怕辣所以都係食少辣好啦！上菜啦！俾我想像中大好多！仲要湯底酸辣岩岩好啊！最鐘意係佢唔算太油岩曬次次食完好油既野都會肚痛既我！再見到好多人推呢個望落覺得好普通但食落真係超正內軟外脆加埋好香既豆粉同蜜糖下次一定再試！但要加一 不過無乜特別服務連紙巾都要加錢就覺得唔算合理但食物質素唔錯

油麻地區新起的大廈成座大廈都只係去到2樓餐廳營業到凌晨2點餐廳分店多我已經係第二次嚟食啦食過酸辣魚覺得好好食今次邀請咗朋友一齊嚟食大年初四 都係加一新年快樂餐廳人流唔多餐廳座椅數目大約30人左右人少少傾計都暢快啲點咗三道菜一酸菜魚朋友唔食得辣叫咗走辣酸菜魚真係好酸最後叫加咗碗白飯食yummy冇骨開胃二干炒鍋七餸炒一鍋雞軟骨娃娃菜蝦寬粉蓮藕土豆魷魚炒得唔錯夠香但下次要order少油三炒麵48hkd有點乾身黏埋一齊飲品方面柚子茶750ml 正熱情果梳打750ml正仲可以2人share熱檸檬水免費甜品紅糖糍粑48hkd

食物味道: 呢度辣嘅食物可以選擇走辣，以酸菜魚為例，可以要微辣或唔辣，我們選了微辣，的確只係微辣，容易入口，所以不嗜辣嘅人都接受得到，呢度最值得欣賞嘅其中一樣，就係火候夠，同你落單之後，就聽見廚師開爐煮野，爐火嘅聲音猛烈，你就知一陣出嚟嘅食物幾夠鑊氣，幾咁熱騰騰嘞。 食物份量: 主菜份量大價錢: 扺食環境: 今年一月十八日新張試業，地方新淨企理，餐廳不算大，大概40個位，可能新開張，星期日晚飯時間都唔多人，大概有10個客，所以坐得舒服，而紅色為主的裝修，仿佛提醒大家，提供的食物都是辣辣的。服務: 殷勤，亦經常幫我地添水。回頭指數(10分滿分): 10分

魚香茄子這個魚香茄子很惹味，茄子、肉碎份量夠多。而且不太多油。佐飯一流。每逢到餐廳或大排檔吃飯，總會叫一煲魚香茄子，香辣開胃。小時候總以為魚香茄子煲內是有魚的，十分抗拒。可是，自從試了第一口，就愛上了，後來才知所謂的魚香，其實只是加入了切碎的鹹魚，是整道菜惹味的主要來源。乾煸四季豆以大火快炒，四季豆燒至表皮略帶焦黃，乾身而不失原味。夫妻肺片四川最經典的小吃之一。這道菜有牛舌、牛肚。辣而不辛、麻而不嗆。蔥油拌麵熱辣辣的麵條，香噴噴的蔥油四溢。紅糖糍粑糍粑是用糯米蒸熟搗爛後所製成的一種食物。慢火煎香，蘸紅糖糖漿同食。完美!

喺大陸成日食川菜都不外乎係酸菜魚，水煮魚等等非常辣同惹味嘅菜式。而喺香港，為左迎合香港人口味，通常都唔會食得返係大陸食嘅果種惹味嘅辣度。今次係我第一次食十二味，佢係港島開到成行成市，終於佢踩入旺角開舖店舖唔大，但裝修好有中國特色。食川菜當然要食辣，極度勸喻唔食得辣人仕要先經訓練先好試食川菜今次我地揀左酸菜魚我地揀左小辣，已經有好大進步嘅我竟然覺得小辣都好辣，有驚喜食得勁辣嘅人仕應該會覺得好正！通常香港食到嘅酸菜魚只會食到辣椒嘅辣味，呢個有啲大陸水準，湯底都能夠食得出酸菜味，仲越浸越辣至於魚方面，店家用左鱸魚，好滑無骨唔腥，份量都好充足，very good仲有萵筍同埋菇作配料添！蒜泥青瓜又估你唔到咁好食，落左白醋同埋大量蒜泥，青瓜特登切到好細粒，所以蒜泥可以完全沾滿每一口青瓜酸酸味味非常開胃！最後黎個甜品真係完美作結，細細舊少食多滋味，炸到脆卜卜嘅外皮，再加埋軟熟嘅內裡，外邊沾上黃豆粉再點埋糖漿，係完美嘅熱食甜品！其實有啲似糖不甩，但就係脆卜卜嘅外皮加左分但如果個糯米糍嘅口感再煙un啲就好啦蜜瓜牛奶有豐厚啲牛奶口感，非常creamy，唔知係咪用左日本蜜瓜呢，outcome出嚟超級甜😂係超

新落成的Ladder Dundas的第一間餐廳，是十二味功夫，也就是我愛的川菜。滿室紅牆，用上翠綠色餐具形成對比；掛上燈籠🏮，營造中國風。豪不猶豫點了我的川菜三寶 。第一是酸菜魚$198這裡用上鱸魚，嫩滑無腥，魚及酸菜份量都十分多，少少辣，不過酸，開胃！第二是口水雞，這個口水雞不太辣，皮薄肉滑，不能吃辣的朋友都吃了幾件，所以別給它那紅油嚇怕。最後一定要以紅糖糍粑作結！糯米粉糰炸得軟糯，深深被這qq的口感迷惑，外面裹上黃豆粉，再淋上糖漿，完美！