Cafe Paradise (杏花邨) (已結業)

身為一個九龍人，好日都唔會過海，而今次偶然一次過海探親，竟然又遇上佢——Café Paradise呢間位於杏花邭商場內嘅分店，裝修十分有心思，以粉藍色為主調，配合旋轉木馬為主題，滿有童趣，加上臨近聖誕，再添置不少聖誕飾物，整間餐廳充滿聖誕氣氛今次又再挑戰set dinner點咗低溫慢煮羊架配薄荷汁先嚟前菜沙律&餐湯，賣相唔錯特別一提裒湯係菜花忌廉湯，幾香，飲落口感順滑，都唔錯之後主菜就上枱，都好大份擺盤好精美，仲陣陣飄香先講配菜，肉茄肉厚多汁，茄子、翠玉瓜都有經過烤焗，增加口感及風味，而且配色鮮艷奪目，好睇又好食薯蓉質感柔滑，雖然只有簡單基本調味，不過反而更加突顯薯仔應有嘅清香薯味，我鍾意~部份墊住羊架嘅薯蓉，沾上羊肉味道，更加惹味！羊架半肥瘦，外微脆內嫩滑，食落有口感，羊脂感覺唔肥膩，羶味亦唔太重，不論配燒汁或薄荷汁都各有滋味尤其是薄荷汁，食落味道好似點燒鵝嘅蘇梅醬，甜甜哋，中和咗肉類嘅飽滯感成個主菜，色香味俱全，相當唔錯最後到甜品——紅豆奶凍甜甜哋又綿綿哋嘅紅豆，夾埋淡味但香滑嘅奶凍，真係好啱KEY~為成餐豐富美味嘅晚餐畫上圓滿句號會經過杏花邨嘅朋友，有機會可以去試試呢間水準不俗嘅

忌廉湯呢個忌廉湯個容器好靚，望落就已經好吸引，但係食落就比較鹹，唔算太好食。沙律心形碗仔配上沙律亦十分可愛，但係啲菜就唔算太新鮮，而且有啲苦。辣肉腸薄餅辣肉腸薄餅嘅芝士都好足料好好味，都算不過不失。卡邦尼意粉卡邦尼意粉算係呢餐我覺得最好味嘅，有好多芝士粉，唔會太乾，意粉嘅硬度亦好適中，不過食太多就會好膩。黑牛、金牛可樂加朱古力雪糕以及忌廉加芒果雪糕嘅配搭一如既往咁好飲，而佢嘅小匙羹就十分有心思，匙羹頂有個小飲品裝飾，好可愛！紅豆奶凍紅豆同埋拉動嘅比例配合得好好，奶凍唔會太甜，紅豆味亦好突出。

老友搬左去杏花村, 叫我上佢屋企參觀下...可惜佢係地係無飯夫妻, 唔煮飯, 無廚房, 無得食!不過原來杏花村好方便, 朋友就帶我黎Cafe Paradise, 佢話佢成日都帶姪仔黎食!Cafe Paradise係一個旋轉木馬主題餐廳,真係岩晒小朋友黎食!而且食物價錢亦大眾化,簡直可以用平 靚 正 黎形容!套餐好抵食, 餐湯+小食+2個主菜, 仲有甜品跟餐茶,都只係HK$328兩位! 而且選擇頗多哩~凱撒沙律及甘筍忌廉湯就一般, 正正常常. 小食我地點左香煎墨魚餅,雖然煎得黑黑, 但入口唔油膩且啖啖墨魚粒哩,配上泰式醬, 非常惹美!千島海鮮滋味薄餅好好味, 批底厚薄剛好;海鮮不外乎大蝦蟹柳等等, 估唔到會有青口;芝士加上千島醬配合得天衣無縫!另一個主菜點左美式BBQ豬排骨,份量非常大, 足夠三個人食哩!燒排骨調味好好, 加上啖啖肉, 食兩條骨已經飽飽!套餐仲有餐茶及甜品, 甜品係紅豆奶凍. 少少甜配大大粒紅豆, 飽飽都食得落!

2018年10月2日。杏花邨。晴。呢日放工專登到杏花邨睇下波鞋睇完搵嘢食啦～經過呢間令少女心大爆發嘅餐廳門口擺咗大大個旋轉木馬，可愛程度極高入面不同角度都可以影到個旋轉木馬，打卡影相最佳位置餐牌上嘅選擇都唔少，另外散嗌嘅主食都可以加錢轉套餐，配搭都幾靈活就連drink menu都會有驚喜研究完一番，最終揀咗二人餐先來咗個忌廉湯同沙律湯碗上印咗「You Are My Sunshine」嘅歌詞，見到令人心情舒暢～蟹籽蟹棒忌廉意大利墨汁寬條麵一上枱就聞到好香濃嘅忌廉味食落去先品嚐到蒜頭同洋蔥嘅鮮甜墨汁寬條麵煙韌，麵質唔錯蟹棒真材實料，有鮮味，唔係用粉整出來嘅蟹柳，同蟹籽一齊令個意粉更出色黑松露雜菌意式薄餅批底係厚批，焗得幾鬆化批面有大量菇同芝士，調味亦唔錯而且非常大份，有6件，好飽肚最後仲有甜品－紅豆奶凍紅豆唔會太甜，亦唔會太腍奶凍嘅雲呢嗱味香濃，超級滑溜大推～