咖啡灣 (已結業)

今日同媽子行新都城時，路經見到有間裝修非常有心思，仲非常有聖誕氣氛的一間餐廳。我地真的因為佢個裝修吸引左入去，因為佢成間餐廳都佈置得好靚，真係每一處都係影相位🥳！而且非常另我有驚喜既係💁🏼‍♀️食物價錢俾我預期的便宜，好抵食，小食低至$28都有交易，不過我一打開餐牌已經俾佢個牛油香草煮蜆吸引住，仲要價錢都好合理。又有煙燻三文魚、蟹子、黑松露嘅意粉都係$78睇嚟值得一叫。好大碗的一碟煮蜆，佢個煮蜆湯簡單得黍好鮮甜都好香牛油味，而且成碗野都好多蜆，一點都冇吝嗇，$68真心覺得抵食，如果鍾意食蜆嘅話，你會覺得好滿足😋！非常好吃的意大利麵，食到我同母親大人舔舔脷，因為佢個義大利麵口感好好，非常適中；唔硬唔淋，剛剛好。而且每一條意粉都索晒忌廉黑松露嘅香味。非常欣賞此店食物的份量好充足，就連意粉上的蟹子都是滿滿的。最後，我地仲叫左份窩夫甜品，好味道👍🏻，真係非常滿足的一餐！

今日熊妹去完西貢同奧莉花師奶bb艾女同埋玉子同學淋仔玩，唔阻住家庭樂喇，車左熊妹出將軍澳，熊妹就當然拉熊大出黎食好西喇。向來喜歡吃西餐的熊妹一早睇中呢間《 Cafe Swan》，有all day breakfast，有沙律🥗，有意粉🍝，有burger🍔，有小食拼盤，有窩夫甜品🥞，咩都岩熊妹食，8點半黎到，正直晚飯時間，全場都幾乎滿座，好彩仲有二人枱，熊妹鐘意坐角落位，揀定食物等熊大黎。熊妹鐘意食沙律唔係咩新鮮事喇，見啲相都幾吸引，點左個煙三文魚沙律配凱薩沙拉醬，$68。都幾大碟既，煙三文魚有兩塊，鋪滿熊大最愛的蟹子，同好多沙律菜，不過凱薩沙拉醬略嫌少左點，未能每片菜葉都沾上沙拉醬，所有有點乾，不過熊妹點沙律都係當做有啲菜食下。熊大鏡意食意粉，熊妹又見到有熊妹近排愛上的明太子味道，仲唔係perfect match?櫻花蝦明太子煙肉意大利麵，$68。好大一碟，份量好多，櫻花蝦即係好似蝦米咁大的蝦🦐，無咩肉，至在有啲海鮮味；煙肉🥓切成細片，份量都幾多，幾乎啖啖可以食到；有好多日本🇯🇵木魚片，好香；意粉未算係妹最鐘意的7分鐘熟度口感，但都未至於好冧，大概10分鐘吧；重點的明太子醬好濃郁，每條意

呢晚睇完戲，同朋友諗緊食咩嘅時候，突然見到有間餐廳裝修得好夢幻，少女心即時湧現，朋友又想試吓，於是我哋決定食呢間啦! 入到去有靚靚裝飾同擺設，打卡就最啱。睇完 menu 之後，我哋決定先叫前菜同主菜，食完再諗吓食咩甜品。凱撒大帝沙律嘅沙律菜好新鮮，上面加咗沙律醬、麵包粒同煙肉，撈勻食令口感更豐富，唔錯! 櫻花蝦明太子煙肉意大利麵嘅意粉煮得剛剛好，夠彈牙，醬汁好惹味，食到粒粒明太子，鋪面仲有煙肉、櫻花蝦同木魚碎，撈埋一齊食會更香口，正! 香蒜帶子意大利麵有勁多炸蒜撒面，帶子都幾大粒，意粉炒得夠香，清清哋幾好味!本來見啲飲品同甜品都咁精緻，諗住食完正餐再慢慢嘆，點知啲主菜都幾大份，所以呢次試住甜食先。紅豆綠茶雪糕窩夫啲窩夫外脆內軟，食到蛋香又唔會過甜，熱熱嘅窩夫配上冰凍嘅綠茶及雲呢拿雪糕，冷熱交融，真係好滋味。題外話，食飯期間見到員工掃地，佢哋會推開啲枱櫈，小心掃乾淨每個地方，心裡不禁讚賞佢哋認真嘅工作態度。