哥登堡餐廳

營業中

休息中

哥登堡重新開業那天，剛巧經過，所以就向朋友提議試試。店內裝修像是舊的，之前暫停時的內部裝修可能是修整廚房吧。無論是我們這些生客，又或是熟客，侍應們都熱心招呼，加友善嘅笑容，氣氛溫馨。點了兩份套餐 - 鐵板什扒餐($130)及咖哩牛脷飯($75)，餐湯有白湯(忌廉湯)或紅湯(羅宋湯)，餐包是烘熱的，好吸引。什扒餐有牛扒、豬扒、雞扒、煙肉、腸仔，很豐富(切開才記得影相)，選了黑椒汁，唔辣，可放心吃。咖哩牛脷飯的咖哩汁好香，牛脷有一兩件少許靱(只是少許)，但大部份都ok，且份量不少。什扒餐的甜品是啫喱，這頓晚餐很滿意，很有港式西餐的味道。

在土瓜灣開業四十多年的港式扒房哥登堡餐廳將於2024年3月底結業，引來不少食客大排長龍，到此享用最後一次的聖誕大餐🎄90年代的孩提時代，父母帶去尖東睇聖誕燈飾、去鋸份扒、飲碗酥皮湯，就已是美好的一個聖誕節。哥登堡餐廳的舊式裝潢，仍沿用舊式茶餐廳的桌椅，令我勾起小時候鋸扒的回憶！聖誕大餐只於12月22日至25日期間供應，26日才回港的我，只能選吃鐵板套餐啊！點了牛扒餐 ($160) 及牛柳餐 ($170) 各一，套餐還包括鮮油餐包、餐湯及餐飲，凍飲及特飲都不需加錢！羅宋湯足料，牛肉碎都有不少，味道香濃，嚐到牛肉香，茄膏酸香令人開胃。粟米忌廉湯的質感濃稠厚身，不會粉粉糊糊的。餐包微暖，外層微脆而包體軟熟，塗上牛油，牛油溶化在餐包內，滿滿牛油香。牛柳選黑椒汁，牛扒則是蒜蓉汁，黑椒汁微辣，蒜蓉汁充滿蒜蓉粒，兩款醬汁都香濃惹味而不鹹。牛扒及牛柳都選了5成熟，一切開，內裡都是粉粉嫩嫩，肉質軟稔得來又有點嚼勁，帶有肉汁！好吃！！惟薯菜份量不多。兩杯特飲是椰汁紅豆冰及凍花旗蔘蜜，紅豆冰的椰汁味香，紅豆粒微微起沙，不會過硬身。花旗蔘蜜的花旗蔘甘味與蜜糖甜味平衡。餐廳的上菜速度快，食物熱騰騰又好吃。侍應的

昔日少年時代還存在的懷舊餐廳，價錢實惠，兩個人來吃，午餐只需60元已經包了餐湯及特飲，我們點了咖喱牛舌飯，牛舌很厚身，份量很多，咖喱帶上椰汁，非常香滑而不太辣。黑椒牛柳粒炒麵，鐵板上，牛柳份量同樣十分多，牛柳非常嫩滑，炒麵底脆卜卜很好吃。

大隻仔今次覓食嘅店舖就係💥 哥登堡餐廳 💥 拱門設計，燈光昏暗，外面見唔到餐廳內在環境，帶有一種神秘感。餐廳已經係土瓜灣40多年，充滿歲月，再加上「哥登堡」三個字，感覺好似外國古堡餐廳一樣，十分吸引有趣。餐廳裝修唔多唔少都有歲月痕跡，但地方整齊清潔，座位唔擠迫，坐得算舒適。waiter 行動反應極快，一舉手就即刻有回應。👏👏⋯⋯⋯⋯⋯⋯⋯⋯⋯⋯⋯⋯⋯⋯⋯5⭐️ 超班3⭐️ 一般1⭐️ 差味道 ⭐️⭐️⭐️⭐️抵食 ⭐️⭐️⭐️⭐️服務 ⭐️⭐️⭐️環境 ⭐️⭐️⭐️⋯⋯⋯⋯⋯⋯⋯⋯⋯⋯⋯⋯⋯⋯⋯🔥 午餐 （主食 + 餐湯 + 飲品）$60😋 黑椒牛柳粒炒麵遠處見waiter拎住鐵板，出晒煙 「咋咋」聲行過嚟已經好吸引。估唔到牛柳粒咁淋身，好有驚喜，唔乾唔硬，黑椒汁好滋味，少少辣，洋蔥絲同青椒絲煮得夠淋，好清甜好好食。鐵板燒得好夠熱，好夠鑊氣，炒麵夠脆，少少燶，上枱後要快速拌勻，否則炒麵就會好快燶掉。😋 +羅宋湯 $0大隻仔好耐都未飲過咁好飲嘅羅宋湯，夠酸夠辣，味道超濃，蕃茄味重，配料亦多，有蕃茄、紅蘿蔔、椰菜、牛腩碎肉，仲有辣椒仔嘅味道。😋 +飲品 - 椰

係七.八十年代.喺嗰陣時去茶餐廳食嘢.係好高尚.茶餐廰唔會有好多.唔似依家咁.行兩步就有一間喺左近.我記得梁醒波係套戲裡面.叫咗隻豉油雞.用刀叉食.都唔知點樣食.左吉右插.足之飛咗隔籬枱.笑死我嗱.返到嚟現實生活點會咁呀！今日我哋食嘅餐廳就係嗰個時代生存到而家還在.真係松柏餐廳.早兩年前我哋都有嚟過.但今日我哋再嚟係一家人.因為我哋嚟食晚飯.如我哋早到咗五點幾未多夠六點就到咗.見還有下午茶餐.便改咗食下午茶餐牌.真係低食咗.晚餐價錢比下午茶貴好多！今日點餐如下：1. 黑椒汁牛柳～配餐湯.餐茶/熱飲或凍飲。2.黑椒汁牛扒～配餐湯.餐茶/熱飲或凍飲。3.黑椒汁羊扒～配餐湯/餐茶/熱飲或凍飲。4.黑椒牛柳麵～配餐湯/餐茶/熱飲或凍飲。註：呢餐由我嘅家人結帳.唔知實際多少。🚶🏻‍♂️👉📌哥登堡餐廳 (土瓜灣)土瓜灣馬頭圍道440號地下

行過俾呢間餐廳個門面同招牌吸引到，幾個晚餐menu又好似唔錯，始終港式西餐廳買少見少，所以就去試吓佢，點知一試就覺得自己呢個決定好啱餐廳環境環境唔算光猛，睇裝修、枱櫈同卡位就知呢間餐廳已經有一段歷史。望落去少頹，但係有一番風味。晚市係幾多人，咩age group 都有。服務侍應好chill，俾人感覺幾親切。食物我哋叫咗兩個晚市套餐，包湯、主菜、飲品同埋甜品。我哋兩個叫咗羅宋湯，分別試咗佢嘅咖喱雞球飯同埋焗鮮茄豬扒飯。飲品叫咗椰汁紅豆冰同埋熱花旗參蜜。甜品分別叫咗啫喱同埋雪米糍。羅宋湯冇乜特別，係幾大碗。隨湯附上嘅餐包就有驚喜，好軟熟同熱未飲晒個湯就已經上咗主菜，本身驚飲完湯啲嘢食會凍哂，點知開始食嘅時候仲係熱辣辣焗豬扒飯嘅炒飯底係傳統做法，冇三色豆，炒得乾身粒粒分明豬扒好林，好入味。鍾意佢冇芝士，邪惡感大減。咖喱雞球飯啲肉好juicy，味道唔咸，超好送飯不過，兩個飯份量超大，食到2/3就要投降…甜品方面，啫喱係青檸味，中間有幾粒應該係罐頭生果，係好耐冇見嘅combination。啫喱較硬身，唔會好似食咗陣風咁，好滿足雪米糍係雲呢拿雪糕，個芯係士多啤梨醬飲品方面，特飲椰汁紅豆冰同花旗蔘蜜

屋企人帶我去哥登堡 佢話以前讀書lunch去食 好想食番餐懷緬下 😄哥登堡好似花園餐廳莎樂美嗰類港式扒房地方唔算好大,入到去男侍應反應都好快帶位。價錢都幾抵,一個牛扒餐百六蚊左右啦連埋羅宋湯麵包嘢飲少少甜品。兩個人食total $330左右我哋叫咗兩個牛扒餐, 兩個都係5成熟 ,一個黑椒汁一個蒜蓉汁。另加五蚊可以加個細意粉。我要嗰個黑椒牛扒五成熟, 的確係五成熟左右, 如果百幾蚊一個扒嚟講, 塊牛扒已經超出應有水平😊 起碼有啲味同埋唔係淋滋滋。(好不幸屋企人嗰塊五成熟嘅蒜蓉牛扒走失咗手煮咗well done, 有啲鞋同埋乾 🤡🤡)二人餐另外送個沙律或者田螺, 送嘅冇乜要求,但都算有啲賣相。另外我覺得佢啲羅宋湯幾好飲呀 ! 都幾足料同埋好香濃! 飲品方面可以轉飲紅豆冰同埋雜果賓治!👍🏻整體嚟講幾有風味, 侍應都好親切 , 價錢好公道。

同老公一齊左就快七年，發覺原來咁多年黎都未試過一齊鋸扒😅因爲我地兩個本身都偏愛中菜。難得本來唔多食牛肉既我，今日突然好想大大啖食牛肉，所以放工就去左呢間舊式港味扒房嘆返個鐵板餐。原來打算食其他貴少少既西餐廳，但咁random食一餐又廢事破費。見到OpenRice呢度個紅湯咁足料，牛扒好評又多，雖然餐廳似花園扒王咁麻甩左少少，但平有平食，都應該絕對夠我過下口癮既！於是二話不說，放工就過左來。大概七點左右到(平日)，餐廳一半滿座，唔洗等位。餐廳格局似茶記，有卡位。裝修雖然舊，但都算打掃得乾淨，屬可接受範圍。餐牌: 第一次食，就梗係食返招牌鐵板餐。本身諗住揀大過塊面既T骨，但竟然賣哂🙁所以最後都係揀左一份牛仔骨同一份牛柳，兩個餐都配黑椒汁。前菜: 羅宋湯加餐包餐包唔多講，都係standard 野，大x樂同款。不過餐包上既時候係微熱既。羅宋湯就真係如其他食評所說一樣咁足料！好多椰菜同蕃茄，入邊仲有起碼四舊牛肉。雖然牛肉唔係好嫩，不過我覺得有肉已經算係好足料，對於保湯既肉我要求唔高，食唔食都冇所謂。而湯嘅蕃茄味就真係好濃。雖然飲得出係茄汁同茄膏嘅味，不過其實羅宋湯個做法就係咁，唔通真係搵一噸蕃茄

第一次來到這裡試扒餐。梳打扒唔係第一次食，我都係好喜歡這種比較易入口的口感。本人特別喜歡牛柳。所以見這裡有牛柳鐵板扒餐。就想試一次。雖然我係下午茶時間嚟。但都係下次先試下午茶☕️一個餐包括：一開始上的係紅湯和港式餐包羅宋湯超好飲很足料好夠味道🈵還有一些胡椒味餐包就不過不失合格收貨。主角上場。大大塊牛柳。這個價錢都算合格。薯菜唔算太多。但因為當下午茶食，對我自己嚟講都算足夠。這個餐沒有飯麵供應。男士就唔太建議試這個餐。雖然這個扒又厚又夠大。但這個扒餐太少汁。燒完後更加無咩汁留低。下次可能要提早講定比職員聽，叫佢哋多汁。有個開心位。就係特飲唔需要加錢。點了這個紅豆冰。其實就不過不失都算合格。因為當日都很熱。所以我飲得很開心。紅豆都算多。但奶就唔太足夠。但放心！餐廳有水供應。你問佢加水。佢哋都無黑面。朋友之後來到點了下午茶餐。西多士再加熱檸水。西多士炸得很差。一點賣相都沒有。價錢又唔算平。都要接近$40。普通茶餐廳根本唔需要這個價錢。本人建議去這間餐廳都係點扒餐高質。

上星期到土瓜灣做野，之後同同事喺附近搵食，見到哥登堡餐廳門口嘅餐牌，午市套餐好平，大約$45至$48，超值鐵板餐套餐$75，另外有一個鐵板套餐$120，下午茶時段仲平。哥登堡餐廳係一間舊式西餐廳，我好耐冇食過舊式嘅鐵板餐，所以入去試吓。裡面裝飾好古舊，係傳統嘅港式西餐廳。我哋點左以下套餐： 鐵板套餐牛扒$120，相對起佢哋好平嘅午餐，我係期望$120嘅鐵板餐一樣超值，可惜，無驚喜，牛扒尚算腍身，但冇乜牛味，好彩有佢個黑椒汁調吓味。吉列豬扒配楊州炒飯$45， 吉列豬扒係幾好食，但係個楊州炒飯就唔係咁掂，求求其其，當然一分錢一分貨，唔可以要求太高。 羅宋湯係一般港式西餐廳嘅味道，係我鍾意嘅味道，所以我覺得好飲。另外佢哋啲套餐可以選擇紅豆冰唔使加錢，如果無乜要求，喺香港能夠用$45-$50 嘅價錢食到咁多野真係好抵，好過去快餐店食啲一早煮好嘅食物。

一連2天幫襯左呢間老牌餐廳嘅下午茶，記得兒時每次搭車經過見到呢間餐廳都好有好奇心，長大後竟然住系附近甘就可以經常黎幫襯啦，今次主要介紹佢地嘅下午茶，超多選擇又吾貴，起碼佢全部出部都系即叫即整，吾似一般快餐店全部都預備好晒，第一日嘅下午茶我選擇左雞脾薯條，老公就選擇左吉列豬扒跟炒飯，跟飲品可以叫紅豆冰或涼粉冰都吾使加錢，好抵，第二日我同老公每人都叫左個鐵板餐，一個系牛柳，一個系羊扒煎蛋飯，牛柳好林，羊扒有筋，要扣分，但整體價錢真的抵，有餐湯+鐵板飯+飲品都系$65，吾使加一，相等於晚餐嘅一半價錢，贊

今日一個人係土瓜灣搵飯食，突然想食牛扒就黎到呢間老字號餐廳，呢間標榜不求最好，只求合格既扒房係我好多時一個人會黎既餐廳，因為平平地有扒据的確幾爽。一黎係餐湯，呢到羅宋湯帶有一啲微辣，味道濃厚。同湯一齊上既有大大個餐包，雖然冇深水埗飛鷹餐廳咁大個但都好大好鬆軟，另外牛油永遠放係熱餐包下面等佢個溫度變暖係一個好細心既做法。我個人最愛T骨扒，貪佢夠大件又有西冷同牛柳兩邊可以食不同口感同味道，不過今日塊扒好似有啲唔夠上色，食落冇平時咁香口，薯條蕃茄同雜豆係扒下面，佢地有隔閡鐵板傳熱既作用，怕牛扒愈黎愈熟既朋友記得先食牛扒同埋唔好撥開啲菜啦😁最後係呢到既甜品，係我兒時最愛青檸啫喱，呢到仲有得揀加唔加花奶，今次我就冇加啦～總結的確呢到唔係咩食材上乘，技術超班既餐廳，但作為扒房的確係抵食夾大件，正如佢地口號，係一間合格餐廳。最後要提我見到對面位客人食既西冷更加大夾厚身，下次可能要轉食西冷啦。

坐巴士常常經過哥登堡餐廳，一直都想試一試，今次難得順路，就去光顧了。甫到達，店外已有八、九名顧客，嘩，要等位，太強了吧？幸好兩個人不用等，馬上入座。店員全都極有效率，但不會令人反感，完全沒有趕客的態度，落單、上菜、收拾碗碟都十分快速，好！我們吃了～粟米忌廉湯：熱騰騰，湯很滑，味道不錯。羅宋湯：非常多蔬菜，微辣，很香濃。焗法式田螺：香草很香，想不到以六十多元可以有田螺吃，正！雞扒、牛扒薯菜：份量十足，好！吉列豬扒、雞扒意粉：吉列豬扒很香脆，絕對不是炸完放了很久才上桌，好！雞扒很嫩滑，啖啖肉，好！意粉則屬一般，感覺太軟了。飲品：選了椰汁紅豆冰，果真有椰香；涼粉什果冰因沒有涼粉的關係，所以只是一杯紅彤彤的糖水，味道一般。甜品：看餐牌是沒有甜品送的，沒想到侍應卻說可以選雪糕或啫喱，令我喜出望外，正！芒果雪糕是維記質素，啫喱則很有家庭感覺。總結而言，我很滿意這頓晚飯，以七十多元吃得如此豐富，真抵食！

身為90後的本小姐，當然對「港式扒房」不甚了解，而此餐廳之大名也是從雙親的口中得知，雙親常常把過往兩人在此餐廳拍施的羅曼史掛在嘴邊，雖則此餐廳於何時開業就不得而知，但也可得知也有相當的歷史。在一天的碰巧下，本小姐與雙親也剛好休息，於是本小姐就提議讓雙親重拾昔日的美好。當然，如此即興，理所當然的沒有book檯，但在是理所當然地，這「港式扒房」也是不可以預約啊。當天來是是平日的六時半左右，在心想將會驚見人龍之際，亦非常幸運，沒有人潮，而我們三口子亦可以安坐4人卡位，而全場亦不滿座，但可怕的事將會在往後發生。由於我的目的並非重拾昔日的美好，所以我的目光就集中在餐牌上，但大家也不用多看，看到你也會是很迷糊，因為餐牌上只有「牛扒」、「豬扒」、「雜扒」等等general term，在不停尋找本小姐吃開的「肉眼扒」之際，發現沒有類近的名字，但卻看到「牛柳扒」(但本小姐一向大食，細細份份的filet真的不太喜歡)，唯有退而求其次，就點了一塊牛柳扒，而雙親則點了牛柳扒及黑椒牛扒。不消3秒，餐包&餐湯立即奉上(這裡的侍應叔叔位位也手腳快快的，下單快，收碟收，帶客快，送客更快)，餐湯有紅白湯選擇，在參考各c

搬來土瓜灣近兩周，周周轉轉再加埋天氣炎熱，實在是提不起精神和體力探索新家附近的美味；上週末韋森特剛過太陽就急不可耐搏出位，約上友人前往土瓜灣算是小有名氣的港式扒餐廳哥登堡，這可是初次接觸港式扒餐！先前也有在openrice上稍稍瞭解過這家餐廳的來頭，包括時有在香港美食博客中看到介紹這家店的博文，看似大家也頗為樂意幫襯，總話晚市時間前往排長隊是免不了的“頭盤”，既然人氣如此之火，必有其賣點！心裡期望不經意間就被拔高不少~哥登堡 Goteborg 瑞典第二大城市，亦是座美麗的海港城市，不知老闆最初起這個店名是不是因為喜歡瑞典的這個城市呢？雖說是傳統的港式扒餐館，雖說名字頗有些北歐風情，但！怎麼看怎麼覺得這裝修從裡到外都十足東歐呢？圓形拱門，大大的浮雕招牌，偏土色系的主色調，菱形門欄，店內偏紅色的暖光氣氛，總有種土耳其餐廳的錯覺在。。。 特意避開中午就餐高峰時間，稍稍晚些到達，餐廳門口依然排緊隊，不過好在隊伍很短，幾乎也就三四輪的樣子；一眼望入內，店內著白色工作服的服務員穿梭于各張餐桌間，下單上菜買單行雲流水般，食客也大多都是舉家出行的形式，週末各個家庭都要出街聚餐一次，也是好多小朋友最期待