安娜餐廳

營業中

休息中

元朗人一定都識嘅舊式扒房。甫進餐廳，見座無虛席。有年輕情侶，有一家大細，也有銀髮老友… 呢間舊式扒房營業多年，依然深受歡迎。餐廳內裝潢富年代感，燈光偏黃稍暗；男女侍應服裝充一，西裝馬甲背心。我同我老公分別叫咗，牛柳餐同西冷牛扒餐一齊食，揀選咗黑椒汁。餐湯一致揀咗羅宋湯，湯料足，夠味！估唔到連餐湯都有嚿大大塊牛肉，個湯嘅底味幾重牛肉香 食完個湯唔口乾，應該無乜落到味精。牛柳接近全熟，大小和厚度與西冷相比，較為細塊同薄，肉質鬆軟，我幾中意個黑椒汁偏辣。西冷有筋比較難切。但做到七成熟呢個位值得一讚。地方空間頗窄，切牛扒要就住就住手踭打交。整體來講，都幾OK! 老公話耐唔耐嚟食一次都唔錯。順帶一提，只收現金，記得去食之前㩒定錢喺銀包。

安娜餐廳，懷舊風主題扒房，除咗扒之外，每晚有個是日晚餐，$68，抵食。第一次嚟食，19:15嚟到，門口有人等位，我哋3位唔洗等，不過呢啲預咗坐得逼，差唔多背脊貼背脊，卡位以外嘅枱都係擺得好密，同埋唔坐得耐，唔會出聲趕你走，但會收野收得好快，同埋搵人過嚟搭枱。人人都有嘅餐包，唔熱亦唔脆餐湯羅宋湯，好足料，幾濃餐湯忌廉湯唔算太稀洋蔥汁牛柳夠淋夠軟熟，幾香5成熟洋蔥汁西冷牛扒夠淋，少少筋7成熟扒餐+$10有意粉，本身個底有薯菜薯菜好香，飽滿，就算浸左汁都好食意粉唔係白雪雪冇汁，有啲茄汁，所以唔會乾晒咁上枱是日晚餐，洋蔥豬扒意粉+吉列石斑個名同個樣都似茶餐廳，但$68嚟講算唔錯，算好抵食豬扒唔會有好勁梳打粉味吉列石斑，幾大塊，唔算厚粉，脆，但石斑係彈牙口感唔係軟熟是日晚餐嘅甜品，可揀啫喱或者雪糕，兩樣都冇得揀口味，咁岩今日啫喱係最鍾意嘅青檸味，可以揀要唔要花奶餐飲凍檸茶走甜好夠酸

早排拍拖去元朗dinner諗唔到食咩行行下經過《安娜餐廳》想起之前經過都試過有堆人排隊望過餐牌又覺得幾好啊据扒唔會有太多選擇，而且價錢又平於是入去座，見到都3/4 full當時大約8pm都不用等位我地叫了2個餐一個係西冷牛扒餐 （五成熟）- $107wa，一上菜見到勁大塊嘅扒好嫩滑！好juicy ！真係剛剛好5成熟肥瘦適中，肉質咬落好有口感，真係好好食另一個餐就係免牛柳餐（五成熟）- $116wa，又係好好味！真係大件夾抵食一啲都唔低質，CP值極高兩個set都配薯菜，配菜就正常發揮但值得一提，我好喜歡佢地既羅宋湯羅宋湯係真材實料，香濃超多料，有肉碎香味係偏濃郁既味道(但我超鍾意)兒家出面好多羅宋湯都係水稀稀...另外個set仲有餐包，係烘咗既多士一叫完餐就好快上多士，好香脆，自己搽牛油🧈成個set餐都係$100頭，超掋食

安娜。。。呢間老牌餐廳，響元朗真係好有歷史，已經唔知對上係咩年代嚟喇，終於趁寶貝改咗補習時間，攞飛等佢啦！門口勁多人。。原來有等位，都有等外賣。等到寶貝補習嚟我都有枱，好彩唔係等好耐坐低真係好似返去以前咁，唔同嘅係佢地已經無用格仔枱布喇因為餐牌唔係多嘢揀，所以好快落單，好快上嘢食。。。由於食物好快上，大約一個鍾就食飽走人，一路都有人入座，真係利害呀！

好耐冇食過安娜餐廳，所以一放假就搭車入嚟食啦，提提大家，要早啲嚟因為到咗食飯時間就超多人，要等位㗎啦幾十年懷舊既裝修，別有一番既感覺一坐低叫完餐，阿姐就極速放低咗塊多士羅宋湯咁多年嚟每次幫襯都一定會叫，滿滿既蔬菜同埋牛肉既香味，濃淡度十分之好鐵板黑椒牛柳咁多年嚟到都一定會食，份量十分充足，大大份，牛柳軟淋淋一啲都唔會痴牙正呀鐵板什扒餐入面有雞全翼、豬扒、牛扒、煙肉、腸仔、薯條份量十足，啱晒啲大胃王嚟幫襯

今日喺元朗食晚餐。去咗安娜到食牛扒男朋友叫咗個7成熟嘅黑椒西冷牛扒餐，我就叫咗7成熟嘅黑椒牛柳餐。主菜到之前有多士同羅宋湯。多士烘得好脆但係又唔會燶。剛剛好。羅宋湯味夠濃又夠足料我食嘅7成熟黑椒牛柳，肉汁好夠而且好夠濃。好好味呀仲要都好大塊下，我食唔哂至於男友就叫西冷，都係7成熟跟黑椒汁佢塊西冷又係好大塊西冷都好夠淋。好好味。成數又剛剛好。正！有多士、湯同牛扒，我個餐貴啲都係$116，好食又唔洗食完自己洗碗。抵過我去超市買牛扒返去自己煮

兩個人卡位搭枱唔洗等位👍🏻扒房當然全場鋸扒，我地都唔例外。一份牛柳5成熟，一份西冷7成熟。上菜速度極快，收菜速度亦快。-餐包係熱嘅脆嘅-羅宋湯係熱嘅多菜嘅味道普通，無羅宋湯應有嘅辣味-7成熟西冷牛扒，味道偏咸，肉質係林嘅，質素似凍肉公司貨價錢過百仲要加一-全餐最差嘅就係牛柳，味道好咸，肉質係梅嘅，5成變十成仲要係過老un嘅，價錢係百一二未加一作為一間扒房但係啲扒絕對仲差過茶餐廳，價錢同貨質味道唔成比例，而且人多到全場爆滿，唔知係咪因爲咁所以咁嘅質素。員工態度都可以，咁忙都無黑面，收餐速度快唔洗張枱無位擺野食👍🏻雖然舊式嘅食肆已經好少，但係唔應該加價貼地但食品品質差到咁，絕對唔會再幫襯

極具香港飲食歷史價值唔係d新餐廳懶懷舊咁扮舊，係真材實料，從裝潢，擺設同物品都滲透歲月的痕跡。西冷扒餐：西冷扒+牛油多士+餐湯+飲品是日常餐：海鮮焗飯+火腿沙牛+牛油多士+餐湯+飲品+甜品先上餐湯，大大碗。多士，薄薄一片，好dry白湯：粟米肉碎忌廉湯，好浠又冇沒味道紅湯：好正有幾塊牛肉大量菜，味道濃。沙律，是火腿雞肉薯仔，極一般。主菜黎啦大大塊牛扒，又大又厚，一人很難獨吞吧，要求五成熟就是五成熟肉夠嫩。薯仔在扒下面，淋哂又充滿油，很愛吃薯條的我最討厭這樣港式薯條吸汁什麼的都是廢話，薯條就該脆脆的海鮮焗飯，外觀跟預期有差距，但味道卻很正常，而且很欣賞料放下面，飯在上面，這樣炒飯就保持乾身不是濕濕的料也不少，大塊魚柳，魷魚等。但最失望的竟然是基本港式飲品，凍檸茶沒茶味，有苦澀檸檬，及混不了一起的糖水，似涼茶加了糖水。一個字，難飲。一小球朱古力雪糕，會咬到冰碎🙈典型港式餐廳，逼，上菜速度又快，根本不可能同時在同一檯兩個餐上齊，逼人吃很快的感覺。僥倖的是，我們坐四人檯剛好沒人搭檯才可稍為緩和港味道港特式，這裡環境份量絕對地道。

週日中午揀咗安娜，好耐無黎，門口同內裝都係一模一樣，時光倒流二十年都一絲不變😮😮望下週圍，大廳頂個圓燈應該係同讀書年代一樣，仲有個水吧啲磁磚都係廿年前個款🤟🤟叫咗午餐黑椒牛扒🐂🐂飯同常餐洋蔥豬扒🐷🐷 同廿年前無變，9秒9上枱，忌廉湯少少稀，出名既好似係羅宋湯，不過都偏酸，我記得以前有周打魚🐟湯，好濃魚味同有餅乾襯，呢家無咗lu跟湯仲有烘多士，點下湯既咬包既舊式食法呢家都少咗🙄常餐真心太豐富，有主菜豬扒跟飯/薯菜，仲有一個副菜腸仔加薯條，汁同扒老實講無乜特別，不過不失；黑椒牛扒飯個汁夠香加小辣，撈飯一流，仲有塊牛扒生熟剛好，比好多元朗西餐廳都處理得好👍飯後常餐仲有雪糕，雲呢拿味好香滑，但個心仲有少少冰❄️❄️老老竇竇，佢個價唔貴，但有樣嘢好得意，餐廳樓面有成9個人，足夠有餘，下下行過都好友善地想收走你啲嘢，可能人做慣平日午市學生餐，手腳快到無轉灣😁😁聞說豬手同鐵板係名菜，下次有機會再黎重拾舊歡如夢😇

連續兩日元朗工作，隊友都帶我哋去食呢間舊式扒房西餐！門面、裝修都好像時光倒流咁，加上聖誕節裝飾都係舊式嘅！舊式都一個點好有風格！當然桌椅真係舊嘅，比較殘！我哋坐卡位，時間唔多，隊友話呢度出名出菜快，我哋3個都食全餐1400上多士，1420已經上甜品！仲要菜色好多都咁快！全餐（$57+10%）牛油多士：脆不過較乾，浸湯好啲餐湯：有白湯或紅湯，我飲羅宋湯好味，湯夠熱，材料好多，飲落酸酸地開胃前菜：薯條扒腸仔，三色雜豆正常，最普通嘅雞肉腸仔（BBQ嗰種）有煎過，鹹香好味！波浪薯條🍟淋咗！一般！洋蔥牛扒飯：洋蔥汁足料，好多仲爽口嘅洋蔥條，牛扒預咗唔係靚扒，肉質幾鬆，不過有筋，一般，白飯起塊，撈汁都要壓鬆翻先撈到！甜品：第一日嘅雪榚只有一種呍呢嗱味，第二日就有朱古力同呍呢嗱，我食牛古力，超喜歡個金屬雪榚杯，好可愛！雪榚只係普通水準！懷舊風味贏咗！啫喱：提子啫喱好大杯，店員無問就上菜時已落花奶（第二日隊友食，嗰個店員有問落唔落花奶）味道大路正常！餐飲：熱檸茶，呢種瓦杯在80年代嘅電視劇成日見到！茶底濃而不澀！好味！第二日都係全餐，唔同嘅係前菜同主菜！前菜：奄列：好大份，奄列滑，入面餸菜好多！薯條今

有好野當然要開心share..😎有記憶以黎第一次入元朗😂行左半日南生圍，腳仔都軟🙈(體力差到一個點🤐)當然一個豐盛嘅晚餐係唔少得嘅😋搵食其間見到勁多車龍(友人說 有車人就係鍾意揸車入元朗搵好嘢食🤔🤔)七點幾已經見到間間餐廳都人山人海😱終於比安娜既扒吸引左我😂😂😂(到底我有幾肚餓🤔😂) 我地一行三人 大家都行左幾個鐘，咁岩見到佢有櫈擺門口就齊齊擔櫈仔坐低等位😂 一路坐一路傾計所以時間都過得好快，大約等左20分鐘就可以入餐廳。入去坐低一陣間，夥計就好熱情咁行埋黎 用同熟客傾計既口吻提醒我地快啲落單，唔係有排等😳肚餓既我地都好快咁揀左想食既野 ..有選擇困難症嘅我揀咗餐廳精選 最出名嘅嘢應該唔會差得去邊啦😂 要咗個紅湯配鐵板黑椒汁牛柳盛惠$117羅宋湯不嬲係我嘅至愛，但係呢個羅宋湯絕對係有驚喜，平時最多只係見到餐廳象徵式落啲肉粒甚至肉絲起湯入面..但安娜係大大舊肉比你😍😍毫不吝嗇蔬菜以至牛肉唔會因爲人流多而煲得唔夠時間就上枱，剩係見到碗湯已經覺得餐廳誠意十足！十分鐘後鐵板就上了...五成熟既牛柳比友人叫既西冷稔滑，份量都好足 大大件，一定滿足到食肉獸們😈 不過略嫌黑椒汁咸左啲🙈🙈有機會一齊要

作為元朗人九十後,次次經過安娜門囗都勁多人等位,今日下午心血來潮諗住黎潮聖一下「懷舊老扒房」,好好彩竟然唔駛等位,一推門口就感受到個果殺氣一班四、五十歲既叔叔姨姨待應,我同男友就比安排坐四人雅座,唔駛兩分鐘馬上就有人一齊「搭枱」今日叫左個黑椒牛扒意粉餐(包左一杯飲品,餐包,湯)主菜最唔得,以為鐵板上,點知膠碟,重點係D意粉,好似粗麵,煮爛哂,牛扒大部分都係根位,根本係食唔落,咬唔到!!!!!!!!!!!!!!!!!!!!!!!!!「懷舊老扒房」90s真係接受唔到,質素冇,人情味見唔到,食唔飽!絕對再冇try try既機會

今日有朋友入黎元朗探我，問有咩好介紹⋯聽屋企人講「安娜」不錯，所以就帶佢去試試了⋯首先去到都係等左一陣間就有位了，但佢地既服務質素就認真麻麻..食方面唔試由至可，一試把幾火⋯朋友order既牛扒三文治...朋友覺得個包同塊扒好薄...同佢期望既有出入...味道都麻麻地...冰、檸檬多過茶既凍檸茶:茶淡而無味...啲冰太多令到好難篤爛檸檬黑椒牛扒意粉:可能因為煮定...所以意粉有點凍...啲汁有點"杰"...牛扒有點韌...但佢個黑椒汁有驚喜幾辣下同野味...跟餐羅宋湯:此湯不錯好野味...都有幾多蔬菜...跟餐既多士:呢塊包都係薄到喊...no good 真心覺得俾屋企人老點左...

羅宋湯 : 不同於一般茶餐廳/快餐店的羅宋湯 , 材料幾足, 仲有牛肉 , 少少酸幾開胃幾好味。 西冷 : 够大件 , 雖然黑椒汁不如評論說般的好味 , 黑椒味唔係話咁濃 , 但亦ok , 牛扒 order 咗5成熟 , 結果係 7成左右 , 都 acceptable ;牛扒應該係冇落鬆肉粉 , 對港式牛扒來說係少見 , 但肉質有啲硬 , 筋都唔少 ,整體都唔錯。 台佈 : 看似普普通通 , 摸吓好多一粒粒咁, 感覺唔係咁乾淨 ! 

今晚約7點半到, 可能2位關係, 都算好快有位, p.s. 齊人至可入座....店員禮貌OK, 地方都坐得好迫, 未入前, 上左黎呢度睇見推介係牛柳餐, 於是叫唔同汁料...試下, 先黎個多士, 無特別....再黎紅白湯......紅湯好有驚喜, 好足料...如果濃小小蕃茄味更好...白湯無特別.....等多陣, 2份牛柳黎到....鐵板都熱...倒D汁都仲(炸炸)聲,但大家同樣叫7成熟牛柳, 但生熟程度都幾大分別....一份見紅, 一份全熟.....牛柳好林, 但覺得應該落鬆肉粉...我奇怪我果份牛柳, 切出黎係一層層肉既....懷疑係鬆肉粉關係.....唔太肯定