宜家家居餐廳及咖啡室

營業中

休息中

今天來這裏吃午餐，從前覺得這裏很便宜，但結帳的時候，其實個人來講都很貴。今天來到這裏吃香烤燒羊架， $59 ，配薯蓉，羊有三件，但加埋薯仔蓉也不飽，所以另外配了五粒肉丸， $13 ，這個價錢很平，汽水$7 ，無限添飲，這個最抵。

去開沙田宜家買嘢，順便食埋晚餐，見到個餐牌都幾吸引，有羊架，又有龍蝦仔通粉，小食拼盤又吸引，所以叫咗這3款食，羊架幾好食，但有啲騷味，但可以接受，龍蝦仔通粉，講真得個抵食，唔會覺得好食。但最喜出望外就係小食拼盤，拼盤食物豐富及抵食，雞翼唔太乾，腸仔又出奇係好食，薯角亦都唔差，整體有80分。

是日和少奶到沙田行宜家，趁時間尚早，不太多人，來吃個早飯。兒童餐：$15，包一盒蘋果汁和一個有機茄醬意粉。蘋果汁不太甜，茄汁味道是典型西式意粉茄醬口味，即是蕃茄加香草煮成的，食慣這類茄醬的，應該會喜歡。雖說是兒童餐，但很多大人吃，因為份量不多，可再吃其他食品。羊架：要$39，不算平，但味道真的不錯。新鮮烤好，由廚師切給你。生熟程度恰到好處，肉帶粉紅，但又不滲血水，而且很冧，不會韌，亦帶少少肥膏(我最鍾意)。最重要係羊肉味夠濃，相信是優質貨，當然，廚師的手勢也很重要。愛吃羊的，一定會鍾意。肉丸：$19有10粒加六個new potato，太多人講過啦，毋需再講。汽水：$7一杯，無限添飲，抵啦。可惜只有百事、七喜、忌廉和橙汁，沒有可口可樂。雖說是自助式服務，但職員態度也算不錯，即使面對d麻煩客人(例如人地的煙三文魚放在雪櫃比你自取，有d客自己行過左又要個職員攞比佢；又或者有d客搬張椅放在走廊位置放東西，阻人出入)，員工都唔會面黑，抵讚,！