Marco's Oyster Bar & Grill (彩鴻酒店)

營業中

休息中

喺佐敦站行幾分鐘，嚟到彩鴻酒店1樓嘅 Marco's Oyster Bar & Grill，餐廳環境優雅，空間闊落，裝修有啲似舊式嘅美式餐廳，感覺舒適，而且仲有live music，一邊食嘢一邊聽音樂，好有氣氛呀！啱晒同朋友聚會同慶祝紀念日呢～✨美國厚切極品黑毛豬鞍扒豬鞍扒肉質厚身，鮮嫩多汁，仲好煙韌，配埋熱辣辣嘅薯條，份量十足！✨純正意大利卡邦尼意粉🍝卡邦尼意粉🍝喺餐廳嘅招牌菜，廚師喺我哋面前即場烹煮🍳，金黃色嘅卡邦尼意粉味道香濃，啖啖都充滿煙肉芝士🧀️嘅咸香。✨香橙酒煮班戟🥞伴雪糕 以橙皮絲同橙肉製成嘅醬汁煎煮，加上法國嘅Grand Marnier 香橙甜酒，廚師即席上演咗一場精彩嘅火焰表演，蘸汁連住橙皮一齊食，班戟🥞柔韌可口，甘甜美味。

最近好想食生蠔，今日老公喺佐敦見客，所以決定夜晚去試吓Marco’s Oyster Bar & Grill。臨近聖誕🎄，餐廳佈置十分用心，濃濃的節日氣氛，既有情調，亦十分浪漫溫暖。Cartiera (South Africa) $28Four Season (France) $38職員介紹咗哩兩款生蠔🦪俾我哋，果然無介紹錯！兩款都好甘甜，鮮味十足，帶有淡淡海水味，質感綿滑。個人較鍾意南非的，味道更為清新。美國厚切極品黑毛豬鞍扒 $268大塊厚身，份量驚人。豬肉味香，肉汁豐富，肉質鮮嫩，一啲都唔嚡唔韌。點上惹味芥末醬，味道更出色。薯條都不錯。純正意大利卡邦尼意粉（選用意大利煙肉和36個月醃製芝士）$198好有驚喜！職員會將cheese wheel同爐頭推到客人旁，再show time！職員用火槍將芝士加熱至溶化，火光熊熊，視覺效果一流，然後再將意粉放到cheese wheel裡跟芝士攪拌，每一條意粉都沾滿濃郁的芝士，絕無欺場！意粉除芝士味道香濃外，亦煮到al dente嘅口感，十分值得一試！朱古力心太軟 $52雖然已經好飽，但甜品真係不能少！最後我哋揀咗朱古力心太軟。朱古力蛋糕熱辣辣香噴