Holly Brown Coffee Roasters (已結業)

年三十晚同男朋友屋企都無飯食，所以行年宵市集之前喺附近搵咗間餐廳。當晚人流唔算多，但係有駐唱歌手吸引咗我入去。我哋點咗一個大蝦帶子牛扒set加一個意粉，set有包飲品同甜品。牛扒正常質感，大蝦都算爽唔係雪藏味。帶子意粉都係正正常常，忌廉汁味道唔會太濃。當晚dinner set嘅甜品係柚子Cheesecake，味道OK但就好似喺冰格拎出嚟咁硬掘掘。另外唔知當晚侍應應該係新嚟，落單時問咗牛扒係幾多安士，佢窒一窒咗之後再去問，不過態度都算良好。全晚最欣賞嘅係駐唱嘅兩位歌手，唱得好好聽！

大前日(24-9-2023 Sun)正日生日,同老公約埋前日生日嘅男友人RK一齊慶祝,我經Openrice訂位,同寫明要生日送Danish Toast優惠,我哋3人嚟到坐低,啱啱對正冷氣機出風口,睇完menu,決定要兩個set dinner同散叫.1. $50.00嘅洋甘菊茶呢個係茶包,飲落,點解有薑嘅辣嘅?唔通個女仔落錯單,俾咗檸檬草薑茶我?答案係我埋單,睇到張單真係落錯.味道:3分2-3. 老公同RK set dinner中嘅餐飲,凍檸茶同加$12.00嘅凍朱加力咖啡呢兩個佢哋都冇咩comment,不過都見佢哋係大大杯.4. Set dinner中嘅餐湯或沙律係雜菜湯同田園沙律,老公同RK都揀咗湯,睇見顏色好深,我飲一啖,味道好唔同,接受唔到,老公話應該有欖,噢!咁我唔啱飲喇.味道:1.5分5. $138.00嘅regular11”夏威夷Pizza原本我係要small嘅,但個女仔話只有7”,提議我要11”嘅呢個,咁就要呢個.呢個新鮮出爐,熱騰騰,但睇見啲料唔多好求祈,食落,係冇乜千島醬味,味道亦唔濃.味道:2分6. $398.00嘅美國牛扒配大蝦及帶子呢個係RK揀嘅,佢要五成熟牛扒

💛成日去D2 place都見到呢間良心小店，今次終於黎試下"Holly Brown"，原來係香港已經淨返一間，大家真係要去多多支持一下!🥺🥺我地晚餐時段見到呢有個好抵食既4-course Dinner set! 有齊前菜+主菜+茶/咖啡+單件蛋糕/意式炒雪糕，都係$208起，真心抵食，食到勁飽捧住個肚走!🤣🤣前菜有得揀Garden Salad或餐湯，我地揀咗各一，沙律菜都爽身，如果加d沙律醋會更好，而餐湯就有少少咸，但黎到主菜就好有驚喜，水準唔錯!😍😍我地先點咗➡️”燒春雞及燒豬肋骨拼盤"，燒春雞有半隻，外皮燒到好香脆，而燒豬肋骨外層搽咗香甜嘅燒烤醬，豬肋骨肉質好細緻嫩滑，一必就骨肉分離，好入味！👍🏻主菜仲點咗➡️"美國牛扒配大蝦及帶子"，牛扒好厚身，叫左5成熟，煎到岩岩好，牛味濃，肉質唔韌，配有兩大粒帶子同大蝦都好新鮮彈牙，兩面都煎到金黃色，好香口!😋😋最後甜品揀咗佢地招牌嘅➡️"意式炒雪糕"，雪糕份量好多，質感好幼滑! 有20幾款口味，好多款都想食😂，最後揀咗➡️"Blue Jazz 藍爵士口味" 賣相好靚，係Tiffany Blue，岩晒打卡之餘，仲幾好食，係由藍色雲呢拿雪糕+棉花糖+彩