文華雞飯(新加坡)

營業中

休息中

去開大角咀速食文華雞飯，叫咗燒雞脾🍗白飯加金牌🎖️珍珠奶茶🧋（$103），店鋪冇乜人食，店員都好service，燒雞肉🍗滑皮香，送油菜，珍珠奶茶🧋好遲上，返到屋企少少🤏唔舒服🤢（食之前其實已經胃痛）

呢間餐廳在大角咀區內小有名氣，而且有好多鍾意食海南雞嘅朋友多次推介，一於食一次！走入餐廳，熱情的老闆娘為我們介紹各款海南雞套餐。白雞拼燒雞飯套餐套餐價再加$5可一次過試勻白雞、燒雞。白雞做法偏向星馬style，雞胸肉亦見嫩滑，但醬汁略淡；燒雞則表現平平，不算特別。套餐配以油飯，米飯軟熟，而且甚有雞油香，不俗。另有油菜、飲品或細肉骨茶。細肉骨茶比起其他餐廳，呢個肉骨茶飲起來比較有層次，老闆娘話佢哋嘅肉骨茶添加咗羅漢果，飲落帶有少少甜味，仲有清熱潤肺的功效。雖然只係細盅，但湯料入面有豆卜、排骨，幾入味，讚！叉燒略見油香，整體水平一般。油菜唔記得叫走油添，不過都好爽甜的。牛油果汁鮮榨牛油果汁幾天然，惟牛油果有啲未夠熟，所以有少少澀。留意番，餐廳逢星期三休息，不要摸門釘喔！

好耐冇食過 文華雞由於要減碳 所以就冇食佢個套餐 因為唔想食飯所以就叫左碟白雞燒雞淨雞咁個雞既份量就會比套餐多就算唔食飯都可以夠飽好味 一樣咁滑 平時我就唔食雞皮既 但黎到就想食埋 因為燒雞啲雞皮脆脆地就想食埋佢唔想浪費🤦🏻‍♀️😂😂佢比碗例湯我然後天氣又涼涼地就另外散叫左個肉骨茶熱辣辣好好味飲埋肉骨茶咁就圓滿哂啦啲姐姐服務態度一如既往既好好一個人食晚飯原來都可以盡興自己一個食都可以好開心 好好味 Enjoy

我都幾鐘意食海南雞飯，兩星期內最少食一次，係openrice度search到呢間老字號嘅海南雞飯，一於放假去大角嘴試試。餐廳有一股懷舊feel，lunchtime有唔少白領同街坊幫襯，店員們都好殷勤親切，亦係老字號吸引人嘅地方。有白雞同燒雞飯套餐，一場嚟到當然兩款都要食！套餐仲配油飯、油菜、肉骨茶(細)或飲品。白雞燒雞賣相都好吸引，雞皮十分有光澤。除左雞肉嫩滑外，白雞嘅鹹度啱啱好，唔點海南雞醬油三寶(薑蓉、辣椒醬、黑醬油)都已經好入味，燒雞雞皮微烤額外多了份脆脆嘅口感。油飯亦係重點，淡淡雞油同蒜香外，米粒粒分明，唔覺唔覺就食哂。肉骨茶有驚喜，雖然藥材/胡椒味唔重，但勝在足料，細細碗已經有肉骨、豆卜同菇，以跟餐配嘅湯嚟講真係一D都唔馬虎。海南雞超嫩超好食，有菜有湯而且午市唔收加一，性價比高，非常推介！Menu-

走到入呢間小店感覺好似去左新加坡食街咁🤣 裝修簡單 款式都唔多😅 但係以真誠簡樸既味道取勝😋試完雞飯果然出色💕 直頭想飛一轉新加坡了✈️⭐️ 白雞+燒雞套餐 🍗三心兩意既我一次過叫曬兩種口味😜 我最鍾意白雞 白雞並不平凡🐔調味唔多但係食到濃既雞味 肉質唔柴好嫩滑😚一D都唔肥 係香港我試過最好食既既白切雞不誇張🏅️ 燒雞皮脆帶焦香🔥比較惹味 加上油飯可能鹹左DD🍚 套餐加上油菜🥗 仲可以轉一杯好足料既鹹檸七🍋 檸檬夠酸夠鹹👍🏻 好有街頭風味🥰⭐️ 肉骨茶套餐 🍖肉骨茶偏星馬風味既混合🤔 帶濃濃既藥材味 感覺好補💪🏻 同時亦富胡椒香 排骨唔肥🦴但係湯底偏小小鹹😅 撈飯食就Perfect

好耐無幫襯過，對佢嘅海南雞印象比較深！係貴啲，但大角嘴區內都可以話最好味但今日真係好想飲肉骨茶，所以叫老公去買外賣，一個餐一個淨飯海南雞飯（$64）雞滑，不過飯好似有生米海南雞飯餐（$84），一盒雞，油菜，油飯，肉骨茶原來個細肉骨茶散叫都要$25，所以個餐都幾抵食，個肉骨茶真係好正，新加坡風味，胡椒味比較濃，一路飲一路出汗，豬軟骨都好入味，又淋！👍🏻👍🏻👍🏻👍🏻整體黎講，飯量夠，雞嫩！

本來想去大角咀既上海飯店食小籠包，點知門口掛住東主有喜休息12日😮 行前少少見到文華雞飯個🇸🇬 色彩門面就貢入去醫肚🍽️一長排既深啡色枱, 同天花上既吊燈風扇 💡, 加埋泛黃燈光，古典味既呈現😉 成間舖應該坐到30零人，周五晚上七點鐘左右黎到都係一半滿Menu 比較簡單，都係雞飯🐔 （白切雞/燒雞, 大細肉骨茶🐽, 只係套餐定單點，仲有啲嘢食🍛同嘢飲🍵飯先黎，記住，叫乜餐都好，要食油飯，油飯，油飯🍚 泛黃既飯油光閃耀，一小啖扒入口，由薑誘發既咸味，一吋吋咁佔領味蕾，單獨食未覺搶口，但就咁夾埋套餐既蔬菜去扒，已經令你想將佢地直達胃部，一啖又一啖咁吞晒再有白切雞燒雞雙併🐔🐓燒雞表面有啲焦香，但呢份味同油飯唔多夾🙄反而又pure 又true 既切雞同咸香油飯夾啲😂 海南雞既份量真係好足，其實未必需要點套餐😋記住枱面上係有醬油，辣醬同薑蓉比你，但個人覺得佢啲雞非常出色，滑嫩夠味👍 舖頭既雞飯，媲美新加坡既水準，亦係暫時我係香港食過最好既❤️❤️❤️肉骨茶🐖比起之前幾間（蘇媽，麥金，捌哥）未算突出，但佢既茶湯較為踏實，無咁重藥味，似湯多啲，特別既係佢用好多菇🍄🍄肉黎講份量都好足飲品要提一提有優多，用益

週末出動又玩隨意,看看那部巴士到來才決定早餐地點,結果開往奧運站的巴士首先到達,跳上車再作打算。近日飯桶上身,腦子裡總想到吃飯,在大角咀區裡可以吃飯的店子多的是;新耀記豬扒飯?神廚館墨魚餅飯??韓國媽媽的韓國飯???結果是從尖沙咀舊店已想光顧的新加坡文華雞飯。店舖前身是還未嘗試已結業的夏威夷餐廳,門口裝潢怎也想不到裡面是吃海南雞飯的,而舊店店名字樣隱約仍在招牌中見到;內裡裝潢更像西式餐廳多於雞飯店,可惜香薰枝沒有發揮效用,不然在這天雨連綿的下雨天,淡淡香氛也會讓空氣清新許多。待應姐姐有禮地送上餐牌及開水一杯,讓人安心的微暖開水有著濃濃檸檬清香,活像一杯無糖檸檬水!超好飲!!一次滿足兩個願望的來個海南雞配燒雞雙併($71),套餐含肉骨茶或飲品,一碟油菜及一碗油飯,什麼也包括的飯餐也真夠豐富了。一盤兩個顏色的去骨海南雞都是雞胸部份,實在太讚了唄!!!咖啡色的燒雞外皮已不香脆,微微吃到曾經炸過的油炸味道,沒有脂肪的也不油膩;淡黃色海南雞的雞皮比較肥美,只是讓人看到垂涎欲滴的雞皮軟軟沒彈力,棄之不可惜。兩款雞肉同不粗糙,雞胸肉也很難用上嫩滑這詞彙去形容,不是用上鮮雞的雞味淡然若無,單純吃雞是沒

J先生在公司看報紙介紹海南雞飯, 是日帶我到大角咀品嚐 - 文華雞飯(新加坡)因為等二人枱, 五分鐘入座了; 大部份等四人枱或以上!黑豉油, 薑茸, 辣椒醬白雞飯套餐 $68(白雞, 油飯, 蠔油菜, 細肉骨茶)雞肉分量足, 肉質算滑嫩飯質香帶黏; 因為加了糯米!醬汁似鹵水味道燒雞飯套餐 $68(燒雞, 油飯, 蠔油菜, 細肉骨茶)雞肉分量足, 沒有燒雞皮脆香; 雞皮同雞肉完全分開是日油菜 : 芥蘭; 我不吃的!J先生話: 煮得夠爽香濃椰汁冰深色茶湯, 濃烈藥材味文華雞飯 總結: 值得一試!

重開嘅文華選址大角咀,哩到好多餐廳,所以行經都會吸引到人流.是晚叫左白雞飯套餐($68)同燒雞飯套餐($68).包括油飯,雞,油菜,肉骨茶/飲品.白雞同燒雞肉質都一樣,唔可以話好嫩,但又唔係韌. 當然,冰鮮雞都好難有雞味.燒雞味道類似豉油雞. 但味道唔會太咸,預左你要點醬食.本人認為哩到d雞肉麻麻,而且雞嘅份量都幾少. 枱上有辣椒醬同薑蓉任加,個辣椒醬不錯,味道唔會太重,且辣味十足.薑蓉亦唔會太油.雞以外,油飯係海南雞飯另一重點. 一大碗飯上枱時仲冒緊煙,色澤都好光鮮.可惜食左一啖,略嫌油飯未夠香同軟左d.油菜都幾大碟,蠔油俾得足. 最後係肉骨茶,全晚所有野都普普通通,佢係全晚嘅亮點. 肉骨茶唔會太濃味,容易入口,而且料夠,一細碗入面有豆卜,豬骨同蘑菇,味道好鮮,不太重藥材味.雖然味道不太正宗,但係幾好飲.晚上六點後收加一.

最近見到依間新店日日都起碼7成滿，又見門外有明星相和報導，所以就約左朋友兩個人來食。大概晚上7點幾，店內半滿。我地兩個人入到去就有個姐姐安排左一張緊貼趟門的座位俾我地，但唔夠一分鐘，有一個似係熟客的人入來，直接坐左我們隔離的4人桌，事後我先知原來我地乃野.....第一次來，我們想試盡店內的馳名菜，所以點了一個燒雞配黃油飯和新加坡叉燒併白雞飯。等候落單需時10分鐘以上，原因係期間樓面係一個人都無，叫都無人應....係等到職員拎外賣出來時，隔離檯的人成功阻攔到佢，我地依兩檯先可以落單.....但其實以一間十幾檯的餐廳，總共有4-5個樓面，唔應該攪成咁....首先到來的是跟餐的肉骨茶，藥材味和鹹味都岩岩好，而豆卜和肉都好入味，確實不錯。 而等主菜需時又係約10分鐘....惡夢開始，因為店內的客人開始走，經常有出有入和外賣，結果我身旁的那扇趟門經常開合，又經常有人在外望住，感覺很煩擾。另外，因座位的冷氣微弱，每當開門，熱氣便緊隨湧進，實在難受。主菜終於來到，結果來了白雞黃油飯和新加坡叉燒併白雞飯....期待的燒雞飯卻失蹤了，但因我朋友已開始食，不能叫他們更正....先說好的，黃油飯確定很香，味