雄泰

營業中

休息中

如標題，呢間可謂心目中排名數一數二嘅泰國嘢🇹🇭雖然位置偏遠，但真係好好味，絕對唔會白行一趟😋除咗嘢食高質之外，價錢都相當親民～假日開12點，唔夠10分鐘已經full晒，遲一步黎就要等多round🙈眼見店員忙到踢晒腳，話請唔到人，可想而知呢間泰菜喺粉嶺有唔少街坊熟客捧場，街外人都會專程嚟食🤣🤣海南雞翼飯 $50遲咗一步🥹叫唔到海南雞，好彩有最後一份雞翼，肉質好滑好滑，通常好快賣晒，一坐低就要嗌返隻打包攞走😂雞翼都好多肉，而且份量一啲都唔兒戲👍🏻牛肉船湯粉 $55成碗都好味，滿足到我呢個湯粉狂魔，係可以飲晒嘅湯底。泰式脆豬飯 $58必須推薦脆豬，多重口感，肉質鮮嫩，係會令人一試難忘嘅豬肉。雖然肥膩咗啲，但好值得一食。泰式魚餅 $30呢個相對地普通，因為其他太出色，被比下去。呢間係一定會encore嘅餐廳，有機會想試晒menu所有野🥳

-{粉嶺高質泰菜}今次encore雄泰！夾左兩次黎一齊介紹👻有啲上次食過就唔介紹啦🤓🤤蝦冬蔭湯粉🤤 ($48)係屬於bb辣 唔太食得辣嘅都接受到😙有椰香味 同埋有啲海鮮味😋唔太濃 但會上癮嗰種😂😂有4隻蝦同啲菇🥰而河粉好滑！！好推薦☺️👖褲評: 8.5/10🤤脆豬飯🤤 ($46)成個份量都好大🤩個飯好重油香😙脆豬似豬腩仔嘅質地係半肥瘦嗰種🤩個汁就辣辣地嘅咁😚第二次嚟個脆豬仲好食咗🥰🥳👖褲評: 8.5/10🤤牛湯粉🤤 ($48)呢個就要咗金邊粉 食完感覺好似平時食嘅牛腩河咁😂個湯都好似😂😂😂有牛腩同埋牛柏葉 牛腩夠肥😙食落似港式多過泰式👀👖褲評: 7/10🤤泰式豬手飯🤤 ($46)唔好睇個飯有啲頹咁又係好多嚿肉~食倒豬手嘅膠質😝豬手本身亦都有汁撈飯好正👻👖褲評: 8.3/10🤤泰式蝦餅🤤 ($32)有5嚿 配泰式辣醬嘅😝有啲啲overcook同埋都係有啲油👀👖褲評: 6/10🤤椰汁千層糕🤤 ($20)性價比好高 有六件咁多👻好煙韌！！！椰香味好重 不過有啲甜👀👖褲評: 7.5/10第一次食嘅一定要叫海南雞飯！另外泰式奶茶都好好飲🤓出菜亦比之前快左好多！見疫情嚴重咗都好多

平時中意泰國菜 重口味既我 上網見好多人like 好多人讚依間雄泰今日決定黎到粉嶺聯和虛一試今日中午時份去 又撞岩係放飯時間 去到門口已經排哂隊 心諗今次無揀錯係門口等左大約十分鐘 終於有位一入到去拎起份menu已經有選擇困難樣樣野我都想食 最後揀左脆豬肉飯脆豬肉飯$47店員將碟飯放係我面前 我一望 再數一數 有十二件脆豬肉 岩哂食肉*瘦既我我第一時間就夾舊肉再點汁 一咬 卜卜聲 皮炸得好脆 好似食緊豬油渣咁 不過略嫌佢個肉唔夠嫩滑 有少少美中不足 而個汁食到有少少檸檬汁 同少少辣味 好開胃 整體黎講唔係普通茶餐廳頹飯 值得一試！