影片
更多
2020-05-15
1988 瀏覽
我好鍾意食雲吞麵魚蛋粉嗰類麵食，因為又平又好食，而且無咁滯。甚麼米線、拉麵通通都無得比。我喺深水埗區出沒咗成年幾有多，但仍然有好多餐廳未食過。呢日見唔係好餓，就同大媽搵咗間麵舖食下😙，去咗「標記樂園」。之前一直無留意呢間麵舖，多數只係掂行掂過，直到最近社會事件，先至聽人講起。我哋一入到去當堂打咗個突，因為環境好乾淨，同想像中唔同，而且衞生措施做到足，每張枱放好隔板同提供消毒搓手液👍。另一意想不到嘅事就係麵舖嘅每位姐姐禮貌同笑容都攞滿分💯，真係唔係講笑，好誇張呢。我哋入去嗰陣未有卡位，但轉過頭佢就叫我哋準備起錨，轉枱，勁好人。麵舖就當然主打麵食啦，基本牛類同丸類嘅都有。另外，仲有啲茶餐廳食物，部份仲係全日供應添。麵食價錢唔算平，但又唔係貴嘅，平均$3x一碗🤔。落單時，姐姐又好鬼識做生意，問我哋加唔加碟油菜🥬，又話食菜有益呀，跟餐平啲呀。我哋最後有嗌菜嘅原因，某程度上都係因為佢好殷勤😊。我要咗標記雙丸麵($30)加紫菜($6)，整體味道都唔錯。首先，個湯唔會太油，但又夠味。第二，幼麵淥得夠爽口，而且無鹼水味。最後，🍢雙丸其實即係牛丸同魚蛋，各有兩粒，份量就略嫌少咗啲，夾埋先得四粒。兩種丸都
我好鍾意食雲吞麵魚蛋粉嗰類麵食，因為又平又好食，而且無咁滯。甚麼米線、拉麵通通都無得比。我喺深水埗區出沒咗成年幾有多，但仍然有好多餐廳未食過。呢日見唔係好餓，就同大媽搵咗間麵舖食下😙，去咗「標記樂園」。
之前一直無留意呢間麵舖，多數只係掂行掂過，直到最近社會事件，先至聽人講起。我哋一入到去當堂打咗個突，因為環境好乾淨，同想像中唔同，而且衞生措施做到足，每張枱放好隔板同提供消毒搓手液👍。
另一意想不到嘅事就係麵舖嘅每位姐姐禮貌同笑容都攞滿分💯，真係唔係講笑，好誇張呢。我哋入去嗰陣未有卡位，但轉過頭佢就叫我哋準備起錨，轉枱，勁好人。
麵舖就當然主打麵食啦，基本牛類同丸類嘅都有。另外，仲有啲茶餐廳食物，部份仲係全日供應添。麵食價錢唔算平，但又唔係貴嘅，平均$3x一碗🤔。
38 瀏覽
0 讚好
0 留言
我要咗標記雙丸麵($30)加紫菜($6)，整體味道都唔錯。首先，個湯唔會太油，但又夠味。第二，幼麵淥得夠爽口，而且無鹼水味。最後，🍢雙丸其實即係牛丸同魚蛋，各有兩粒，份量就略嫌少咗啲，夾埋先得四粒。兩種丸都好食嘅，夠彈牙，但就未去到好驚艷嘅程度。相反，紫菜就夠多，亦唔會一餅餅唔開或有沙。
大媽要咗秘製新鮮牛腩河($35)加墨丸(丸雙併+$8)。就咁望落河粉份量好似多過幼麵，而且應該比較飽肚。雙拼墨丸原來只係得兩粒，即係成$4粒，都幾貴，而且味道冇乜特別，普普通通。不過🐮牛腩就好有驚喜喎！我覺得勁好食啊，因為牛腩肥瘦分明，而且肉質鮮嫩，唔鞋口，加上好入味，正😋。牛腩切開一件件，唔係一抽、斷唔開嗰種。下次如果自己食，我都會叫牛腩。
喺姐姐嘅推銷下，我哋加咗碟郊外油菜，原價$15，跟麵就$12。油菜有得揀生菜、菜心同通菜，我哋要了腐乳通菜。份量都幾多，加上腐乳醬唔太鹹，啱我🤤。
總括嚟講，本身只係抱住支持下麵舖嘅心態嚟食，點知發現原來標記咁高質。食物、環境同服務都令人相當滿意，所以俾貴幾蚊食都值得嘅。麵舖兩點就做下午茶，平均$2x有交易，抵！最後，唔使多講，齋睇門口都知佢係一間撐香港人嘅餐廳啦💛。
張貼
