蛇王二 (已結業)

每次經過都見人排隊 每次都話搵日去試但一直都未幫襯 直到人家宣佈即將結業先終於來食第一次亦可能會是最後一次😔蛇羹餐 | $114鎮店菊花會五蛇羹有指蛇羹行氣活血明目清肝 好處多多天氣涼就更啱 食左暖笠笠非常足料好多蛇肉菊花味頗為突出亦有檸檬葉同薑癖腥又清香其實除了蛇羹 脆皮膶腸亦係呢度的名物個皮真係超級脆卜卜裡面肝味非常濃郁果然好出色💯燒味都係出哂名 可惜是日沒有鵝髀亦冇雞髀所以都係食返蜜汁叉燒飯($50) 叉燒肥瘦均勻 但稍為乾身未到最鬆軟的肉質但不失為一份唔錯的叉燒真係可惜將會又少一間好食的傳統老字號🙁

移居海外的朋友回港一聚，離港之前，就是把持不住要吃一頓蛇餐，所以連同小人三個前往蛇王二是也。我們抵達時店內十分多人，需要搭枱，不過也沒所謂，反正地方也算乾淨企理。一個套餐包括1碗蛇羹、1碗燒味/臘味飯以及1碟油菜。蛇羹也算足料，蛇肉不少，而且要求多些薄脆的話，店員亦十分慷慨地樂意提供，態度正面。別看燒味或臘味飯就只有肉跟飯淋一些豉油很齋，事實上單是這樣已經很和味！叉燒香甜帶肉汁；膶腸更為出色，腸衣是脆的，咬破時中間的油份在口腔裡滲出時，那種香法簡直令人難以抵擋！臘味糯米飯的臘腸和膶腸皆很美味，糯米飯夠香夠煙靭，只是略嫌臘味太少。灼生菜亦不是多，相中已是三個餐的份量，蠔油下得勁多，鹹了些。總體來說是滿意的。

因為大左肚既老婆，上一年我差不多整年沒吃過蛇，心中經常泛起一個念頭，就是中午時段去吃個蛇羮，灣仔有蛇王燊，銅鑼灣則有蛇王二，我公司係正中間，正是兩邊都去得。同事一向唔食蛇，所以呢家野只能獨樂樂，不能眾樂樂，正好趁今天一枝公吃飯，來個偷雞蛇王。蛇羮餐賣$82，包一碗膶腸飯、一碟蠔油生菜、一碗蛇羮，中午時段照常供應，題外話，幾喜歡佢掛晒ｄ臘腸係度俾人睇，很有懷舊feel。速度一如所料快如閃電，當然，全部都係一早整定。蛇羮來到已下菊花、檸檬葉、薄脆，所以，建議先食蛇羮，因為薄脆很快已經腍晒。同樣地，如果不要菊花、檸檬葉，請早揚聲。當然，如果三寶都可以俾我自己落，我會十二分感謝。我是覺得蛇羮應該有菊花、檸檬葉，所以這裡很合我口味，蛇肉足料，但今天感覺蛇羮稀了點，未知是否因為我太早來到？可惜。膶腸飯一碗兩條再開雙，膶腸不錯，腸衣脆，膶味夠，不過個人覺得兩條膶腸好似多左ｄ，如果可以換一條臘腸會更架開心。油菜份量不少，吃左ｄ肥膩野，有碟油菜食下，滿足。十二點多來到，店內還有大量位子，吃完差不多一點，已經見到門外有人等位，難怪中午時間經常見到人頭湧湧。今次我的目的是解蛇癮，奈何今天的蛇羮有點差強人意，