Hashtag B

營業中

休息中

位於銅鑼灣嘅Hashtag B係我日常嘅早餐店每日都好多人排隊同打卡，因為好近公司所以我好幸福日日食到同大家推薦下邊款必食：拿破崙焦糖千層撻 $18人氣必食！焦糖香氣蛋漿嫩滑！千層撻外皮口感非常酥脆～每口都係幸福感，食哂會好飽好滿足～芋泥麻糬包  $18麻糬軟糯煙靭！加埋微甜綿密的芋泥～每口餡料都爆出來，麻糬迷必點！沙嗲牛肉撻 $30香港特色港產沙嗲牛肉撻，香甜菠蘿粒味濃帶花生香沙嗲醬，加上有口勁牛肉都幾有驚喜！伯爵茶菠蘿包 $15清清地嘅伯爵茶香，當日想清新D嘅選擇菠蘿包面層脆脆地，食得最多嘅包之一配咖啡一流

這間人氣麵包店有幾間分店 將軍澳分店於6月7日新開張可以分散吓人流😍每次經過都大排長龍 今次平日經過銅鑼灣分店終於來朝聖一下🥳🥐今次試咗幾款麵包同最出名既拿破崙焦糖千層撻 都好有驚喜 千層撻比一般蛋撻大個😍星型酥皮焗得焦香鬆脆 蛋漿香甜軟滑帶焦糖香氣 熱食凍食都一樣好食💚開心果酥好爆餡酥皮重牛油香非常邪惡🤤芋泥麻糬包餡料都好多麻糬軟糯煙靭配上微甜綿密的芋泥💜沙嗲牛肉撻加上香甜菠蘿粒同香濃帶花生香的沙嗲醬好惹味 鹹的都好有驚喜

難得去開銅鑼灣，梗係去朝聖吓人氣麵包店▪️拿破崙焦糖千層撻🥧花花造型🌼 外皮好脆，內餡好滿，蛋味濃，但偏甜少少，而且定價比轉進取🫢▪️芋泥麻糬包🍞又係花花造型🌸 芋泥綿密，味道天然唔過甜，不過份量可以再多啲。麻糬軟糯，有拉絲效果▪️伯爵茶菠蘿包🍞就係一個有伯爵茶味嘅菠蘿包，冇乜特別。而且個菠蘿包一般，外皮唔脆，包體輕盈到有少少似空氣，如果入面加啲餡會好啲Hashtag B📍銅鑼灣利園山道73號寶榮大廈地下F號舖

呢間烘焙店選用日本麵粉、法國牛油，以少糖少鹽方式製作，創作不同口味嘅新鮮麵包🍞💗特濃朱古力雲朵 ($53)用咗72%比利時黑朱古力同純可可，方包厚身又有幾層layer，朱古力味香濃又唔會太甜，焗熱仲有少少朱古力醬流心🍫💗芋泥麻糬包 ($18)花花造型麵包超級可愛，𥚃面嘅台灣大甲芋泥香甜幼滑，配搭埋黏糯到非常拉絲嘅麻糬🍠💗咸蛋黃肉鬆卷 ($18)麵包捲住肉鬆同咸蛋黃碎，咸咸香香幾惹味，貪心d多d肉鬆就更好🥚💗松露薯仔沙律包 ($22)軟熟嘅麵包裝住綿滑嘅薯蓉，黑松露味道好香，表面仲有一層薄脆芝士增加香味🥔

呢度嘅千層撻最近喺IG好hit🔥之前已經排過一次，但截咗龍，今次lunch time諗住再挑戰，但同樣係超級長龍，礙於食飯時間所限，所以最後放棄咗，決定買其他包算🥲買麵包係唔需要排隊，直接入去就得，麵包嘅選擇唔算多，只有10幾款揀，夾完麵包店員會幫你逐個入透明袋，外表係幾精緻，但就比一般麵包店貴少少=====================🥯芋泥麻糬包 $18個人對煙煙韌韌嘅麻糬真係0抵抗力！芋泥麻糬包面頭撒咗一層紫薯粉，中間有芋泥同麻糬，麻糬嘅質地偏軟，仲要可以拉絲，口感Q彈，個人好鍾意！加上芋泥好香，整體唔會太甜，幾好味🤤🥐黑糖卷 $16呢個就麻麻地啦，麵包偏硬偏乾🥲唔係好食到黑糖嘅香同甜，即係冇乜味😂加上冇餡賣呢個價錢都真係少貴...=====================整體嚟講，麵包嘅定價偏高，選擇亦較少，不過就幾大個，可以同朋友仔一齊share，會試埋佢個千層撻再決定值唔值得回頭🤣

最近又四處尋找好吃的麵包😂這次來到我的常駐點銅鑼灣，原來在？街有一間人氣麵包店，出爐拿破崙蛋撻會被人掃光，不過我這次是特意試它們的麵包，因為鹹甜包都很有特色，每款都很值得試🤤🤤🔹紫薯雞尾包 雞尾包是我去麵包店常買的口味，加了紫薯後賣相更吸引，聽店員說這是人氣產品！麵包用了日本麵粉搭配澳洲入口牛油 ，讓麵包更鬆軟更有小麥香，紫薯和椰絲攪拌均勻，香香的、微甜的餡料同時有空氣感，推薦❤🔹芋泥麻糬包 芋頭控請出動！這款麻糬包口感比較煙靭，裡面有很大件糯糯不黏牙的麻糬，上面還有一層很香芋頭味的芋蓉，比較有趣的是它不會很甜，反而味道比較柔和。🔹咸蛋黃肉鬆卷 拿起來已經感受到滿滿的蛋黃油，鹹蛋黃和肉鬆的咸香互相輝映，味道加成了不少，麵包做到有點捲層的感覺，讓肉鬆更能鎖好在裡面，我喜歡麵包看似硬實際軟身的口感～🔹抹茶紅豆雲朵紅綠間條紋理很吸引，味道同樣分明，麵包鬆軟，抹茶味突出，吃到紅豆區域紅豆的甜點綴了整塊麵包，不用塗抹任何醬都很夠味，麵包邊間中有些甜甜的部份，加上6片都很厚很好咬呢。

銅鑼灣。麵包店#milktea麵包店 #milktea銅鑼灣hashtag b 係用手工製作呢d麵包 而佢哋嘅食材都係天然 無添加人造色素 所以都好健康🥺🤎搞到我都好期待想試吓!! 見到其他foodie都有介紹過呢間 所以好期待啊🥳💫今日遲咗去 所以佢哋拿破崙千層撻無哂啦 就係試佢哋個d麵包😲😚伯爵茶菠蘿包 $15 一開這個袋子 就聞到了濃濃嘅伯爵茶!!個波蘿包皮幾脆 都有好濃嘅味道🤤✨ 如果大家鍾意伯爵茶 真係好好味!! 芋泥麻糬包 $18望落個造型好特別 係一個花形!! 都見到佢幾出名✨🙌🏻 佢哋用台灣來嘅芋泥來整㗎🥳😙食落去好綿密仲有好煙靭嘅麻糬💫📍Hashtag B 銅鑼灣利園山道73號寶榮大廈地下F號舖

銅鑼灣呢間麵包舖係條巷仔入面,最岀名拿破崙焦糖千層撻,千層撻分三個時段岀爐,1200,1400,1600 建議早半個鐘去排隊,到差唔多時間店員就會逐個派籌,會預早問定你要買幾多個,每人最多買六個,我哋每人買三個分開裝,就要收多兩蚊🙈《拿破崙焦糖千層撻 $23 》有驚喜✨撻皮好脆身,蛋漿就同平時差唔多,食落唔算太甜,有焦糖香,不過個千層撻真係好有驚喜,好似食緊薯片咁脆！值得一試👍🏻《芝麻菠蘿包$15 》芝麻味好香,焗返熱食面頭幾脆,唔錯🙈《伯爵茶菠蘿包$15 》好香伯爵茶味,比起芝麻味,伯爵茶味更加突出!《黑糖卷 $16 》黑糖卷就有淡淡既黑糖味,唔會好甜😺《芋泥麻糬包 $18 》好好食,就算唔整返熱啲麻糬都好軟糯,個人最鍾意食呢個包,而且芋泥一啲唔甜,推薦😀整體黎講幾好食,麵包好軟熟,必試千層撻同芋泥麻糬包😂Hashtag B銅鑼灣利園山道73號寶榮大廈地下F號舖[⭐️5分為滿分]味道⭐️⭐️⭐️⭐️環境⭐️⭐️⭐️服務⭐️⭐️⭐️價錢⭐️⭐️推薦⭐️⭐️⭐️⭐️