甜入心 (已結業)

同男友食完飯，因為一個飯兩份食，所以仲有肚食甜品🤭🤭我地睇哂個menu，令人最飽肚嘅就係吐司喇。我地最後揀左芒果吐司喇，等左十五分鐘，終於有得食喇份量都幾大，賣相亦都好吸引，雪糕味道剛好，不會太甜，窩夫不會太乾或太粉，質感都可以，如果上到枱底還是熱嘅就好🤭。作為芒果控嘅我覺得，如果芒果肉多番少少會更加好我因為見到下面最底嘅窩夫鬆鬆地，就拎佢岀黎食左先，點知係會整個倒下的，將會食嘅朋友就唔好學喇😬

係九龍灣淘大附近食完飯，經過見到呢一間糖水舖，俾佢鋪頭入邊嘅裝修所吸引就入左去😍店舖係歐式花園設計，適合擁有少女心嘅你🤗今次試咗呢個「芒果吐司粒粒山」（$48),上面有一大球芒果雪糕🍦，下面係九粒吐司組成，啱啱焗完出爐少少熱，再加上有大量吉士醬同少量芒果醬，醬上面嘅係玫瑰花碎片。食落外脆內軟，將吐司點落d吉士醬到食就會口感煙韌😋店舖入邊有免費果茶同棉花糖朱古力噴泉😘 唔知係咪啱啱落完雨問題，鋪頭有幾隻飛蟻不停飛

同朋友係附近食完飯，搵個地方食埋甜品都好合理啦！哈哈⋯⋯⋯⋯行下行下就發現店外有人等緊位嘅甜品店見佢門外有花籃，應該係新開張吧！等了一陣就有位，店內面積唔大，裝飾佈置用上燈泡點綴，感覺都令人舒服打開餐牌都發現甜品選擇都唔少，午市時仲提供韓式飯卷有個'椰皇子'系列，一於試下呢個榴槤飄香椰皇子原個椰皇送上，底層係以椰皇水整嘅果凍，食到有椰皇水嘅清香味道，面層有香甜榴槤果肉，加上粒粒脆珠，每食一啖，香濃啊榴槤果肉同脆珠，口感好夾！鐘意食榴槤嘅千祈唔好錯過！另外一款係自家製雪糕配椰皇子，有黑松露，焦糖布丁、香蕉或椰子味雪糕選擇，我地選擇香蕉味，底層亦係椰子果凍，面層再加上自家製香蕉雪糕，顏色唔係慣常嘅黃色，食落會食到香蕉果肉，味道ok!再試埋芒果吐司粒粒山，吐司切得細一點會容易食d，放耐一點都保持到脆感，配一d芒果雪糕一齊食會仲好味！店內設有自助果茶，免費供應，食完甜品可綜和一下甜感，幾貼心埋單三樣甜品都價錢合理，食完暑氣全消，為今晚嘅聚會劃上完美句號