泰聚 (已搬遷) 新店位置

今日同朋友黎左呢間餐廳食飯。呢度嘅環境好舒適，座位好寬闊，好有氣氛😍我地叫左一個泰式小食拼盤、牛腩青咖哩、菠蘿同芒果沙冰仲有椰汁西米糕🤤泰式小食拼盤有蝦餅、魚餅、春卷、雞翼同香葉包辣雞。蝦餅同魚餅都非常彈牙爽口。蝦餅仲有粒粒嘅蝦非常有口感。炸得唔會好厚粉。春卷外脆內香且豐富材料🤤雞翼都幾滑。香葉包辣雞幾特別，辣辣的，香葉味好突出，雞索曬啲葉味，幾滑。牛腩青咖哩嘅牛腩好腍，唔韌，咖哩味香濃，食得淡淡嘅椰香味。送飯或蒜蓉包一流。牛腩份量多。菠蘿沙冰同芒果沙冰份量十足，糖漿唔多，唔會好甜，唔食得辣嘅朋友仲可以食啖冰黎降溫😂而且我地係望住佢用新鮮水果整嫁！非常新鮮！椰汁西米糕椰汁味好重非常香滑但唔會好腍，唔會好甜，有西米可有多重口感。價錢合理，食物好味，環境清靜。即使越夜越多人亦覺得好舒服❤️食飽飽，滿載而歸❤️

跟朋友食飯，他帶我去食泰國菜，泰聚是在太子旺角警署後面，地點方便。餐廳整齊光猛，座位舒適。本來想叫做二人餐，但朋友不太吃辣，所以放棄了，決定散叫。泰式炒雜菜：有西蘭花、椰菜花等蔬菜，加上點泰式炸蒜等炒成，蔬菜新鮮翠綠，非常爽脆。泰式小食拼盤：雞翼比較普通，外皮香脆，炸得不會太乾。香葉雞裏面包滿了雞肉，雞肉用泰式香料醃製，香料味濃，反而雞肉有點鞋。炸蝦餅外脆內軟，肉質爽口彈牙，是最好味。炸魚餅味道比較咸，但有濃郁的泰式香料混合在內。炸春卷外脆，裏面是粉絲蘿蔔等餡料，炸得很鬆脆，醮上甜酸醬減輕油膩感。青咖哩牛腩：雖然點了細的，但份量十足，牛腩都有7-8 件，而且大大舊，肉質很腍有牛肉味，青咖哩辣度比較輕，加上點椰汁的甜香味，送飯一流。泰式甜品拼盤：有椰汁西米糕、椰汁糕及大菜糕，全部甜度適中，我自己比較喜歡食椰汁糕，煙韌之餘又不會太甜，其他甜品賣相精緻。原個菠蘿沙冰：原個菠蘿中間放滿沙冰，酸酸甜甜，非常解渴，足夠兩人份量。芒果沙冰：芒果味濃而且不會酸，份量十足。總結：咖哩及小食拼盤質素不俗，所有食物飲品份量十足，價錢合理，下次會試下個農夫包，似乎不錯。

今日和友人行開太子,突然好大雨,橫掂要揾地方醫肚,所以,就走進了這間泰國餐廳食晚餐。這裏地方都很大,坐位好舒服,唔迫夾。樓底又高，傾偈一流。成身都濕咗一大半,最好叫個冬薩公湯暖一暖胃,另外仲叫咗個泰式海南雞和泰式蔗蝦,飲品就叫了芒果沙冰和青檸檬梳打 冬蔭公湯二人份量啱啱好,材料十足 ,有草菰,菰.蕃茄,大蝦.....,橙橙的顏色已好吸引,飲落酸酸辣辣,好香椰汁味。蝦好爽口,彈牙。不是雪藏很久的蝦。草菰吸收了冬蔭公湯的味道,好好味。泰式蔗蝦 ,炸到金黃色,蝦肉做成了好幼滑的蝦蓉，再包著蔗來一起烹調成。蝦肉彈牙,在口腔內糾結了一會才吞下,因好味,不想咁快吞下.配埋泰式醬汁,好配合。蔗就沒有咬了為了保護牙齒,哈哈。泰式海南雞半隻 , 皮是黃的，食下去是暖的,因有時食的海南雞是涷冰冰的 ,所以,這點已經加分。而且每啖都只是雞肉,很瘦沒有脂肪,但唔靭。半隻份量也不少。芒果沙冰，買相好吸引,好大杯。淺黃色的顏色,好靚。一飲芒果味好濃,感覺唔會全口冰,不會一陣子就變水。青檸梳打~用上泰國梳打水,全樽上。倒在透明的玻璃杯上,顏色好靚。好清新的感覺。椰汁西米糕 有5件,椰汁好香滑,西米一粒粒,不會太甜,

今晚約左外父外母食飯，老婆大人話同佢地去酒樓食得多，問我有無其他好介紹，我就提議不如試下泰國菜啦。呢間位於太子花園街(近警署遊樂會)嘅泰聚，門外有掛上餐牌，老婆大人臨入餐廳前已經被農夫包所吸引住了。見佢有套餐，但又唔係樣樣啱食，倒不如散叫，起碼每樣都係自己鍾意食嘅嘢吖嘛。呢樣係基本上每次食泰菜必食頭盤，連唔食生嘢嘅老婆大人都食，的確相當吸引。椰菜苗算得上是泰菜指定的菜蔬，菜身爽甜，略帶少少微辣，非常惹味可口。菠蘿炒飯應該是大家最熟悉的水果菜式之一，而且不是很多地方會用原個菠蘿上。而菠蘿味道甜甜酸酸，實在開胃，加上肉鬆同腰果呢啲惹味配料，炒飯之中，菠蘿炒飯真係我的最愛，我自己都可以食晒佢。這款泰式沙律與我地平時食開嘅沙律絕不相同，沒有沙律醬。生果方面，不是蘋果、菠蘿、薯仔等，而係柚子，酸酸地卻非常醒胃。仲有腰果配搭添。農夫包有多個選擇，可配軟殼蟹、老虎蝦或燒鴨均可。我地選擇左老虎蝦，蝦身份量十足，有肉地而且唔會太乾身，單看已叫人食指大動，最後愛吃麵包嘅老婆大人連麵包皮都食埋，認真犀利食左咁多嘢，整番杯泰式飲品先，原個西瓜沙冰，外父話味道清甜，夠晒解渴。原個菠蘿沙冰，老婆大人就係鍾意佢酸酸

夏日氣溫破錶，容易令人沒胃口，最適合就是食泰國菜，光聞香料的氣息就已讓人食慾大開！前幾日我就來到位於太子的泰聚，讓泰菜激活倦怠的味蕾。高樓底充滿遼闊空間感，座位寬敞舒適，環境衛生潔淨。內裡裝修頗有格調，散發泰式的獨特韻味之餘，也注入摩登時尚氣息。餐牌都有很多款式，看得人三心兩意 *v* 除了以上的正價menu，還有好幾款正在推廣的特價泰菜。醃肉碎生菜包 (雞) ($98)泰國菜講究食味的配合與平衡，複雜而富層次，以醃肉碎加上各式香料的點綴，配合爽口生菜，口感豐富，是道非常醒胃的頭盤。雖然對於我這些吃不到辣的人來說，肉碎略為有點過辣，但和生菜一起吃就可中和辣度，加上夏天特別愛吃清新爽脆的食物，吃罷生菜包更覺降溫清涼。鹽燒鮮魚 (盲鰽) ($168)將原條盲鰽以香烤的方式炮製，鮮魚被粗鹽所覆蓋，燒得外皮脆卜卜。裡面的魚肉雪白豐厚，口感嫩滑，而且全都是大骨，細骨刺不多，不怕會啃到。切開魚肚立即香氣四溢，因為肚內藏有檸檬葉、南薑和香茅，除了可以辟去魚腥味外，還可令魚鮮更為突出。蟹肉蛋炒飯 ($98)炒飯炒得夠乾身，粒粒分明，不會黏作一團，一點也不會過油，不過蟹肉似乎欠了點鮮味。這碟的蟹肉和米飯