佳記甜品 (已搬遷) 新店位置

山長水遠入元朗為了一嚐這街知卷聞的B仔涼粉店鋪內的整體裝潢較舊香港糖水店格局，但價錢卻一點也不舊本來想點兩份著名的芒果腸粉，誰知一早已經售罄。後來退而求其次點了一份價值$38的芒果糯米糍和$35的芒果布甸大約不到5分鐘兩款甜品便都到齊，但令我失望的是兩款甜品都是從雪櫃取出來的，而並非即叫即製。芒果糯米糍：大大件的新鮮芒果的確誘人，皮薄料多，啖啖芒果肉，的確不錯！但是價錢偏貴，2小件已經要價近$40！芒果布甸：布甸上有數件超甜的新鮮芒果，這幾件芒果甜中帶水，超正整體而言用料足，味道不錯但是價錢偏貴，對於住偏遠地區的我就未必會再故意來光顧了。

雖然這間甜品鋪遠近馳名，但我覺得食物質素越黎越差，無以前甘好食。先講芒果糯米糍，個皮太厚，但口感尚算煙韌，上面既椰絲都夠香，而餡料方面，芒果偏酸，奇怪之處係，芒果糯米糍分開兩條上，其中一條既芒果好香甜，但另一條係好酸，之前買過幾次都有甘既情況，睇得出這家店好奸！雞翼尖其實幾好味既，醃得幾入味，蒜香味好濃，辣辣地幾惹味，但偏油膩，整體算是能保持水準，我覺得道間甜品鋪最好味是這個雞翼尖。

入元朗食完飯，梗係去出哂名既Ｂ仔食個甜品啦。雖然門口堆滿等位既人，等左成３個字先有位。Ｂ仔既芒果糯米糍好有水準；首先個皮厚度適中，口感煙韌，惟憾上面既椰絲唔夠香。而餡料方面，選用芒果中菲律賓既呂宋芒，因為當造，所以好香甜，而店家亦落足料唔姑寒（不過成３６蚊）；芒果既比例畀皮大，可以話皮薄饀靚。可惜店員態度差，愈叫愈走，衛生環境亦欠佳。