euro go go

營業中

休息中

搵間舒舒服服食個早餐唔駛比人趕 hae d 既都好有難度！是日選了Euro gogo 早餐，早上10點未見好多人可以安樂來個靚早餐set!早餐款式都多選擇既，餐可以加10蚊加多一樣野係份早餐到！選了芝士吞拿魚法包配通粉+左1客熱香餅同加多一份蕃茄通！個人認為這個芝士吞拿魚焗法包不錯，熱辣辣有香厚芝士味配合吞拿魚而面包是脆脆的，蕃茄通就略嫌無乜蕃茄湯味太淡口，熱香餅就無乜特别呢！價錢都算大眾化40-60元左右，想靜靜的歎番個早餐都是不錯選擇！

首次去euro gogo嘆早餐平時都只係去食午餐 下午茶 或者 晚餐都好少去食早餐 今次唔知食乜好 就去試吓今人人唔係太多 等左陣位就可以芝士吞拿魚法包+茄通 $40炒蛋配煙火腿跟牛角包 $40一上枱 就有陣辣椒油味咁奇怪睇到茄湯應該係加上辣椒油煮 😅😅但湯都不會辣法包 看似脆口 切下第一刀 軟淋淋原來剛好那個位軟🤦‍♂️🤦‍♂️其他位置都脆口 味道👍🏼👍🏼牛角包都香口

今日要出葵芳搞啲野，搞完都仲好早，於是就去左Euro go go食個早餐，Euro go go Lunch就食得多，早餐真係第一次。選擇都幾多，見到有牛角包好吸引，於是就叫左牛角包配火腿香腸鮮茄湯通，餐飲叫左熱咖啡，朋友就叫左芝士吞拿魚法包配鮮茄湯通，野飲叫左熱奶茶。野食等左5分鐘到就黎，牛角包熱辣辣，食落脆卜卜，仲有陣陣牛油香，牛角包真係比其他餐廳同麵包鋪出色。朋友嘅芝士吞拿魚法包都好好食，多士超香脆，上面鋪滿吞拿魚，吞拿魚上面又鋪滿芝士，十分足料，啖啖肉。兩個湯通其實都係一樣，只不過我嗰個多左火腿同香腸，個湯底就略鹹左啲啲，不過通粉都幾彈牙，整體黎講都唔差嘅。但兩杯野飲就真係唔Ok，個咖啡超苦，有奶有糖都好苦，飲慣齋啡嘅我飲左兩啖都投降。朋友就話佢杯奶茶得個樣好淡。睇黎下次都係飲檸檬茶穩陣啲!