影片
更多
2014-07-07
3457 瀏覽
同友人約咗食韓國菜，見呢間韓國餐廳有香港好少見既生醃蟹，所以專程黎試下。我地已經提早一星期不停打電話去餐廳訂蟹，但係一直打唔通，到當日既下午先打得通，好可惜店員話一定要提早兩日訂先會有蟹食。雖然冇蟹，但係我地見佢個芝士海鮮年糕好吸引，所以都係決定揀呢間。因為星期五冇得訂枱，我地6:30去到餐廳門口排隊，前面已經有超過20人。我同友人等咗2小時先到我地。一入到餐廳，我地即刻睇MENU點餐。我地3個人總共揀3樣菜，有鐵板辣炒豬肉，海鮮石鍋飯和芝士海鮮年糕。點完餐之後，店員送上4碟前菜，有翠肉瓜，冬菇，泡菜和薯仔。唔知係唔係我太想食蟹，我覺得啲翠肉瓜有少少蟹味，哈哈哈，幾好食。而薯仔就係薯仔絲，啲薯仔絲幾爽口，都OK，不過我都係鐘意大件啲既薯仔。冬菇同泡菜冇咩特別，都幾好食。食完前菜，等咗一陣鐵板辣炒豬肉就黎，跟一個飯同紫菜湯。個豬肉好香，都幾辣，辣得幾過癮，哈哈，食到停唔到口，好好味。個紫菜湯就係凍既，唔知係唔係拎黎解辣?!跟住就到海鮮石鍋飯，都有跟一個紫菜湯。個石鍋鋪滿哂芽菜，啲飯唔算多，芽菜好似仲多過飯，海鮮都算足料，但係個飯冇嘜特別，中規中矩。最後係個芝士海鮮年糕，等得有啲耐。啲海鮮
我地已經提早一星期不停打電話去餐廳訂蟹，但係一直打唔通，到當日既下午先打得通，好可惜店員話一定要提早兩日訂先會有蟹食。雖然冇蟹，但係我地見佢個芝士海鮮年糕好吸引，所以都係決定揀呢間。
因為星期五冇得訂枱，我地6:30去到餐廳門口排隊，前面已經有超過20人。我同友人等咗2小時先到我地。
一入到餐廳，我地即刻睇MENU點餐。我地3個人總共揀3樣菜，有鐵板辣炒豬肉，海鮮石鍋飯和芝士海鮮年糕。
點完餐之後，店員送上4碟前菜，有翠肉瓜，冬菇，泡菜和薯仔。唔知係唔係我太想食蟹，我覺得啲翠肉瓜有少少蟹味，哈哈哈，幾好食。而薯仔就係薯仔絲，啲薯仔絲幾爽口，都OK，不過我都係鐘意大件啲既薯仔。冬菇同泡菜冇咩特別，都幾好食。
食完前菜，等咗一陣鐵板辣炒豬肉就黎，跟一個飯同紫菜湯。個豬肉好香，都幾辣，辣得幾過癮，哈哈，食到停唔到口，好好味。個紫菜湯就係凍既，唔知係唔係拎黎解辣?!
跟住就到海鮮石鍋飯，都有跟一個紫菜湯。個石鍋鋪滿哂芽菜，啲飯唔算多，芽菜好似仲多過飯，海鮮都算足料，但係個飯冇嘜特別，中規中矩。
最後係個芝士海鮮年糕，等得有啲耐。啲海鮮同年糕上面鋪咗好多芝士，見到都流哂口水，啲芝士係扯極都扯唔斷。佢有好多海鮮，但係年糕比較少。啲汁有啲甜，同埋再辣少少會好啲，但係整體都係好食既。
一食哂啲野，店員就問我地可唔可以埋單，話外面仲有人等緊。我地望一望錶，9:30都未到，食咗一個鐘都唔夠，友人即刻話等咗咁耐蝕咗，哈哈哈。雖然等咗咁耐，但係都值既，一定會再ENCORE，但係唔會再揀星期五，真係等到傻。下次一定要食蟹，仲要再食過鐵板辣炒豬肉。
張貼
