楚撚記大排檔

營業中

休息中

電話預訂後，還有條理地用短訊再確認。由開市起，分幾輪取位，晚上5:30，7:00 ，8:30，10:15，限時吃90 分鐘，好似最後一輪不限時的。不達$500 不能用信用卡，但可用八達通。環境裝飾是懷舊大排檔色彩，行樓梯上約二樓，地磚是以前的紙皮石款式，有特色。本人吃5:30那輪，全場約15 張枱，全場爆滿，食物中規中矩，所有員工非常有善，有問有答，地方、枱面非常乾淨，值得一讚，有糖水送👍最後還請你填意見書。

想試好耐嘅楚燃記終於同屋企人試左。雖然訂左位但係去到都要等一陣，裝修都幾有特色，但係位置唔係好闊落唔好諗住會坐得好舒服😂。店員一開頭仲俾左一張好奇怪嘅枱我哋，唔係兩個兩個打對面，竟然係4個人好似排排坐咁，咁點樣傾計呢？後尾我哋堅持要坐反正常位，店員先安排反俾我地。講反野食，芝士琵琶豆腐幾特別，個芝士醬係分開上，咁就可以自己鐘意點幾多就幾多，又唔會整淋個琵琶豆腐。燕麥金沙蝦球無想像中咁好食，燕麥有好多蝦球得好少，同埋個啲燕麥唔係好痴到個蝦。楚燃記小炒王，都幾足料不過偏鹹，餸飯就好食啦！講開飯我哋都有叫楚燃豬油撈飯，用個缽裝住啲飯幾有懷舊啲感覺，除咗豬油仲有一兜芫茜蔥同埋豉油，咁就更加香。楚燃記秘製鳳爪，辣辣地整得幾入味，都夠淋。楚燃記脆皮燒BB鴿，燒得乾左啲無乜肉汁，有啲失望。野飲叫左一壺杞子龍眼菊花蜜，真係落足料喎！飲落好有蜜糖味，我哋就覺得甜得濟，所以每次都加啲枱面上面有嘅茶，咁就啱啱好，仲好襟飲飲極都有🤣最後每人送一碗糖水，有清補涼同蕃薯糖水，都算係咁，不過呢度嘅野食份量係偏細，所以可以叫多幾款。

CP值：4/5💛💛💛💛 價錢:- 芝士琵琶豆腐：$78- 避風塘鮮魷：$92- 菠蘿拔絲咕嚕肉：$99- 鑊氣豉椒炒蜆：$92- 楚撚沙拉骨：$87- 金沙黃金白飯魚：$86- 香煎黑松露手打蓮藕墨魚餅：$96- 馬拉盞炒芥蘭：$67- 楚撚豬油撈飯：$20- 楚撚桂圓手工啤：$42 好鐘意食大排檔野呀😍因為啲野食真係好夠鑊氣，唔係屋企個爐可以做到🤣🤣 楚撚記個名我聽左好多次但今次真係第一次食，味道唔錯👍🏻環境都唔錯，乾乾淨淨，坐得都鬆動😌 食大排檔嘅好處係：如果有好多人（當然依家係要分檯坐🥺），就可以叫好多款餸，試多好多嘢👏🏻尼間啲餸份量唔多，通常每樣餸都會有六至八件，人多就可能真係啱啱好一人食到一件☝🏻 芝士琵琶豆腐：好正，成碗芝士醬琵琶豆腐粒粒都脹卜卜食落好多魚肉，完全唔覺得自己食緊豆腐🤣而且又唔炸得好油，正👍🏻 避風塘鮮魷：好夠鑊氣👍🏻成堆炸蒜同辣椒係面，以為會好辣好咸啦依，又唔會喎😍舊魷魚仲要個面脆脆地咁，正👍🏻不過一碟得8-9舊魷魚真係唔係好夠喉🥲 菠蘿拔絲咕嚕肉：好好食，梅頭豬肉好稔🤤 甜甜酸酸好開但個拔絲食個陣要小心🤣因為好尖好吉條脷🤣 鑊氣豉椒炒蜆：好

成日想食好耐，今日喺荃灣一早做完野又想嘆返兩度小菜，未夠6點就來到~~上到來裝潢懷舊，播著90年代流行曲，嘆著冷氣食到大排檔風味好好feel~ 一坐低見到方皓玟poster，食滿$500就可得到心聲卡有機會換到演唱會飛😱但今日得兩個人，我地叫左好多都係$326 仲要食唔晒打包😌下次要約多啲人嚟食！首先，叫返個豬油撈飯，好耐未食過🤤豬油好香、豉油不會太咸，仲有葱同芫荽另上，齋食飯都可以食幾碗😋😋楚燃記脆皮燒BB鴿$58皮脆肉嫩，又夠厚肉，有椒鹽同喼汁可沾，更惹味魚香茄子煲 $82食到尾都熱辣辣，成煲都好足料，醬汁香濃得嚟又唔會好咸🤤西檸煎軟雞$88酸酸甜甜大大舊，炸皮好鬆脆，雞都好滑嫩，送飯一流芝士琵琶豆腐$78大大件外脆內滑，鯪魚肉味好豐富，芝士另上我地無要，咁樣都已經好好食😋咁多野都係326蚊，好過真係踎喺大排檔咁熱😌

又係懷舊風老香港大排檔🍽呢間餐廳好出名 一早已經知道好難訂枱 好好彩朋友訂到枱 所以就可以黎試下😀✨芝士琵琶豆腐呢個芝士汁係另上既 可以淋落去一齊食或者沾醬食不過芝士味就唔夠濃 而佢既口感好實淨 食落似食緊鯪魚球 豆腐味唔係好重 同有啲濟✨菠蘿拔絲咕嚕肉甜酸汁嘅甜酸度岩岩好 肉質咬落好爽 仲有焦糖脆脆 酸酸甜甜好好食✨濃湯海鮮粉絲什菜煲呢個就係普通嘅雜菜煲 冇咩特別 菜嘅份量都算多✨香煎黑松露手打蓮藕墨魚餅黑松露味好香 咬落食到蓮藕嘅爽脆 不過煎得有啲油膩✨楚撚記原隻脆皮炸豬手賣相好吸引 令人好想試 豬皮係脆嘅 但唔夠香脆 有部分都係有啲韌 同皮肉分離 扣分豬手都幾入味 咬落唔會覺得好硬 配左甜辣醬同芥末醬 感覺清爽啲✨香爆黑椒牛仔骨煲黑椒味好香 不過略嫌牛仔骨有啲肥 油脂感比較重✨椒鹽白飯魚白飯魚炸到好香脆 但唔覺得油膩 上面有勁多炸蒜 連埋一齊食香香脆脆咁 好味👍🏻✨豬油撈飯呢個豬油撈飯有豬油同豉油比你自己加 想食幾肥膩都有得你簡 建議可以放膽啲加多少少豬油 咁樣啲飯會更加好食 另外再加埋蔥粒 更加香👍🏻可能一開始期望太高 所以食嘅時候就有啲失望 餐廳嘅水準係正常嘅 但係唔可以講十

荃灣楊屋道街市遠近馳名，最近發現對面的金記冰室原來已結業，很快就改了土瓜灣的楚撚記進駐荃灣，記得多年前到過土瓜灣店，印象不錯，故此相約友人，四人飯聚一下。老友預早訂枱，知道由於新店人氣食店關係，明白需要等等，等了45分鐘安排入座，交枱時店員已多次說明進餐時間為兩小時，明白香港租金貴，四位，進餐兩小時應該冇問題。原裝修保留返上一手金記的影子。這裡自攜餐酒過來的話，要收開瓶費$150/支，所以一坐低，便點了招牌啤酒一試。楚撚桂圓手工啤$42~萬壽無疆通花碗花紋作為招牌酒標，配冰凍的戰鬥碗，味道帶有陣陣的桂花、杞子、圓肉香味，濃厚有特色，值得一試。小炒王$88~第一道菜上來小炒王，未見乾身，底部還感到濕濕哋，大家都覺得有進步的空間。椒鹽鮮魷$92~魷魚夠厚身，質感夠Juicy ，略嫌過分椒鹽，但也是啤酒的好撘檔，價錢扁貴。豆漿杞子鮮腐竹浸娃娃菜$72~由於多個小菜都較為濃烈味道，點這道菜，相當惹人討好。黑松露手打蓮藕墨魚餅$95~加入點點黑松露，即時將它變得矜貴，所以價錢也提升不少，但質感未算彈牙。菠蘿生炒骨$78~醬爆鴛鴦雞煲$99~鴛鴦雞即是田雞和雞，但田雞的比例太少，但點點麻辣味道惹味