奇納百川 (已結業)

海港城啲餐廳出名都係有個靚景送飯🤣呢間都一樣😍可惜今次太full冇得揀位坐🥲呢間都bookmarked🌟左好耐要同朋友試🤤成日碌ig都見到有人介紹個海膽烏冬好似好正咁🤩終於都到我去試下係咪真係咁好食啦😌💕三文魚子海膽忌廉醬烏冬 $188可以話每枱都會叫既野食😋通常都係撈意粉多 呢到就係撈烏冬 比較特別😎首先我覺得個份量都頗大份 啲烏冬又唔會煮得太淋👌🏻食落去煙煙韌韌咁😍每條都沾滿曬醬汁 食到最尾都唔會好漏☺️個醬汁雖然都幾多下 但唔會太稀 所以食落都ok😚個汁食到好濃烈既海膽味🤤好creamy🤫而且有海量既三文魚子增加口感😋係嫌佢太細粒好難夾到黎食🤣最後海膽竟然都有3大塊咁多😍而且食落都幾鮮甜😍冇嗰啲電油味🤣💕芝士辣雞定食 $138呢個定食十分之邪惡😈滿滿既芝士🧀圍住啲辣雞🤤🤤強烈大家快啲打完卡食左先🤭先會食到拉絲同埋易啲包住啲雞肉食😉我地就係影得太耐 啲芝士變暖拉唔到絲🤣好彩勉強都包到舊辣雞食🤪辣雞食落都幾辣下🥵係甜甜辣辣嗰種 所以係會食完一舊又想再食多舊🤭夾埋芝士一齊食之後就平衡返冇咁辣 好好食🤤🤤另外再跟左碗白飯同埋兩碟韓式小菜☺️份量都幾多下😚💕蕃薯條配柚子蜜糖醬 $58份量超級多

呢間餐廳以店主設計嘅卡通人物「奇太郎」作主題🧑🏻‍🎨奇太郎以其海量般嘅胃腩，吞噬多款美食🇰🇷💗三文魚子海瞻忌廉醬烏冬 ($188)烏冬煙韌滑溜，加入大量洋蔥粒同鮮味嘅三文魚籽，配上濃厚自家調配海膽忌廉汁煮成，非常掛汁，不過略為膩滯同偏鹹🍝面頭放上新鮮海膽，味道奶滑甘甜，最後以蔥絲點綴🟠💗芝士辣雞定食 ($138)無骨炸雞炸得外脆內嫩，被韓式辣醬汁包裹住，味道香濃辛辣，刺激開胃🌶配上鐵板芝士，口感柔軟拉芝，中和辣味🧀💗炸午餐肉條配芝士醬 ($68)午餐肉炸得乾身唔油膩，車打芝士醬濃郁鹹香🐷💗荔枝烏龍茶 ($48)烏龍茶清幽芳香，帶香甜清爽嘅荔枝味，最後放上新鮮荔枝🍹

奇納百川 📍尖沙咀廣東道3-27號海港城海運大廈3樓LCX34號舖環境：🐣🐣🐣🐣🐣服務：🐣🐣🐣🥚🥚 餐廳地方都幾大，環境好舒服，有少量既枱會望到海景🌸但望唔到海景既枱其實都幾寬敞舒服。但服務態度真係好一般😂🌸明太子蛋卷紫菜包飯卷$108味道正常，都好食既，明太子味唔係咁多味道：🐣🐣🐣🐣🐣🌸芝士辣雞定食 $138鐘意食芝士既朋友一定要試！超多芝士，加上辣雞(職員話只係好minimum既辣，但我能發現都幾辣，唔食得辣既朋友仔要留意)又唔會太漏，誠意推介！定食連埋2款開胃小食，泡菜同芽茶，夏日炎炎用黎做前菜或者撈飯都幾正！味道：🐣🐣🐣🐣🐣熱mocha $58見到杯mocha上面既圖案真係好cute☺️☺️味道👍🏻👍🏻👍🏻味道：🐣🐣🐣🐣🐣餐廳整體野食都幾好食，又大份，環境真係幾舒服，仲可以用海港城購物coupon 🔔🔔🔔推薦度：🐣🐣🐣🐣🐣

奇納百川就咁聽個名以為係食中式嘢，原來係韓國餐廳黎！個人覺得價錢偏貴，定食有泡菜同芽菜，幾開胃。1️⃣芝士辣雞定食（$138）芝士有好多件，大大件冇骨既啱曬我呢啲懶人。芝士好多，熱辣辣鐵板上，見到都流曬流口水🤤雞肉幾滑淡淡肉，配埋拉絲芝士食一流啊👍  2⃣️香辣豚肉定食（$138）都幾辣下。但係好惹味好好食！配料有啲洋蔥、蔥、冬菇，好下飯！  3⃣️蕃薯條配柚子蜜糖醬（$58）番薯條唔算炸得好脆，不過蕃薯既甜味加埋啲醬汁酸酸甜甜幾開胃🥰  

之前買野有幾張海港城coupon，嗰日放假就出去食個lunch用埋佢，用奇太朗卡通做主題幾得意，平日中午時間都唔洗等位，不過海邊位已經坐滿，環境座位都好闊落坐得好舒服☺️♥ 芝士辣雞定食 🧀 $138芝士仲熱辣辣好香好濃😍雞肉嫩滑本人食得辣都覺得有少少辣，真係好惹味😋芝士趁熱食仲可以拉絲😆芝士控一定要食，仲有兩疊前菜辣芽菜同泡菜♥ 烤煙腩蛋黃忌廉手搓粉 $168有隻蛋黃俾你撈嚟食，手搓粉質地有啲似狗仔粉，但係成碟感覺好乾，味道都一般😟♥ 明太子蛋卷紫菜包飯卷 $108蛋卷入面有玉子、青瓜、蘿蔔等，另外有一碟明太子沙律獎可以點，飯卷唔熱，飯粒仲有啲硬身😣 同明太子醬唔夾♡ 總括嚟講都係試一次就夠🙈 如果要食嘅話芝士辣雞定食係好食😋另外嗰兩樣就唔太建議🙈 扣埋coupon滿$200-$100，就覺得OK嘅，如果正價食就有少少唔抵

🔹三文魚子海膽忌廉醬烏冬湯烏冬食得多，撈烏冬真係比較少！欣賞佢用讚歧烏冬，唔係稻庭😊 比較煙韌👍🏻醬汁杰身好掛汁，但又唔會漏，海膽味濃😋重點係三文魚子超多😳 海膽都比得好大方，有3大塊，而且好鮮甜，完全無腥味🤤🔹芝士辣雞定食 $138令我諗起韓國旅行食的春川辣炒雞🥰芝士配嫩雞，無得輸👍🏻兩款配菜分別係芽菜同泡菜，芽菜超咸，泡菜淨係酸，麻麻地😕🔹荔枝烏龍茶 (滿$200, 以$1加配)我request左少冰少甜，剛剛好😚$1仲要上面有2粒(罐頭)荔枝，真的不錯😃🔹疏乎厘班戟配洋甘菊柚子露 $138伏伏伏❌ だめ🙅🏻‍♀️憑咩定價咁高呢請問😡首先等左40分鐘，黎到已經見到中間好浠。。我明白疏乎厘pancake係要中間有少許半熟先滑，但呢個絶對係pancake界的blue rare🥵 一埒起，已經見到9成係液體🥴我都照比個機會佢，放到落口，嘩🤯 凍既😲 係外面微暖，中間凍過室温 (唔係我影相影到佢凍左) 🤢同餐廳反映左，佢幫我cancel左，但堅失望🙍🏻

-尖沙嘴海港城一直都幾多野食😙而最近行LCX經過，發現有間新新地嘅韓式打卡特色主題店 - 奇納百川🤣Menu上有嘅菜式好多選擇，而且入到去望住個海景食野，景觀好開揚🤩最Impressed到我地嘅啲服務好周到，而且好有禮貌🥰服務分我地比💯我地叫左個「芝士辣雞定食🐔」！佢用鐵板上碟，上菜嘅時候熱辣辣，好大煙🤣佢份量真係足㗎，有埋芝士係裡面真係幾時都係最正嘅配搭，仲有少少拉絲嘅效果添！雞嘅份量都幾多，而且大大舊，絕對唔孤寒😆食之前仲諗緊佢會唔會韌，但係原來係好嫩滑😙有驚喜！但係價錢就要啲偏貴$138😢勝價比唔算高我地另外都叫左杯「肥納百川」🤣佢係一杯勁Creamy嘅Halzelnut Chocolate Milkshake黎🤩上面除左有一大pat cream之外，仲有兩舊棉花糖！睇餐牌以為好細杯，但係送到黎心諗「哇！咁大杯嘅？」😵不過佢真係有啲膩😢飲到一半其實已經飽曬，配埋個飯真係飽到上心口🤯不過佢同樣唔平㗎，都成$72杯.....總括黎講，環境、服務、味道，我地真係覺得好滿意😎但係價錢就偏向唔抵🥺大家就自己衡量下啦～📍尖沙咀廣東道3-27號海港城海運大廈3樓LCX34號舖