戀茶舍 (兼善里) (已結業)

排隊等食飯之際心郁郁又想買杯珍珠奶茶飲下😂轉角見到價錢都好似比出邊嘅再平少少（師奶）咁就心動不如行動😂都有好多唔同款式嘅選擇（而且仲有秋冬新Menu）芋頭啱啱賣晒，所以叫咗栗子蓉鮮奶、芝戀芒芒（有芒果即刻轉呔放棄暫時咗珍珠奶茶🧋）我冇特別要求微糖，但係飲落去甜度又啱啱好喎，而且仲有淡淡的茶香，芒果新鮮而且冇假香精甜味😙由於本人好鍾意飲濃芝奶蓋士，所以芝士奶蓋可以再香濃就更加正😁栗子蓉鮮奶飲落舒服，最鍾意就係冇假甜😎栗子蓉仲有小顆粒～～飲落幾有咬口再凍啲熱飲應該仲正😌而家咁多間類似嘅飲品店～ 呢間價錢性價比高飲完有枱食飯岩岩好🥰

去長沙灣FD屋企玩，FD知道我鐘意飲奶茶，話附近有家唔錯啲奶茶店，咁去試試啦。哩間奶茶都有唔少選擇可以揀，仲有我最鐘意啲黑糖髒髒鮮奶，咁一定要揀佢，FD就揀咗芝戀芒芒。黑糖髒髒鮮奶喺唔喺用鮮奶，飲落一定知道。哩杯睇落好似好淡更，飲落好重黑糖味，真喺估唔到，鮮奶奶味好重，同黑糖超match。珍珠煲得啱啱好，食落粒粒分明仲好彈牙，唔會砌埋一齊。成杯唔會好甜，飲落意外好清爽，唔錯。芝戀芒芒真喺見到店員攞新鮮芒果即整，FD都叫我試咗一啖。飲落真喺好重芒果味，用咗生果真啲同出面用香精啲茶飲唔同，有生果清甜啲香味唔會好cheap。哩間啲芝士奶蓋唔喺好濃，更唔會cover咗芒果啲清香，正。最緊要哩間價錢喺好合理，一杯嘢飲都喺20-30，出面好多黑糖鮮奶已經喺30+，飲落質素都好好，一定會encore！

出親街都總係要買杯台飲先安樂😛發現長沙灣開左間未試過就諗住飲下有水果茶 奶蓋 珍茶等～～見佢個奶蓋水果茶系列好似好吸引就捨棄左珍奶🥲.▫️芝戀芒芒 $33芝戀系列暫時有芒芒/蜜瓜/莓莓揀有得揀M/L size～～～芒芒比得太滿所以唔係好睇到芝士😛但其實奶蓋都幾厚的 芝士整得綿密且香濃😚 超邪惡的🙈將新鮮芒果🥭整左做沙冰鹹香芝士中和左芒果既甜～我揀左半糖 覺得甜度岩岩好🙆🏼‍♀️.▫️脆啵啵青檸冰茶 $27青檸個酸味好夠即刻成個人醒晒😂夏天飲應該會即刻透心涼脆啵啵其實係爆爆珠😛鐘意酸味既話要挑戰下～