茶墨 (已結業)

首先，我係外賣返屋企飲嘅，要讚下就係呢杯野送到果陣個狀態仲非常之完好。我嗌左嘅品項係芝麻烏龍鮮奶茶加芝士奶蓋再加雙料丸子。先講佢嘅芝士奶蓋，味道偏淡，唔鹹亦都唔甜，食到芝士味，但唔明顯，唔推薦加購。其次，佢嘅烏龍茶好飲，茶味濃，唔澀，因為嗌左少甜，對我黎講甜度啱啱好，相信其他茶嘅品項都值得一試。鮮奶方面，我唔係好飲得出，得尾段有少少奶感，所以如果係想飲濃郁鮮奶嘅可以唔使期待。然後，呢杯嘅重點，芝麻嘅表現唔錯，不過其實我麻麻地芝麻。芝麻味非常之重，我個人覺得重過頭，因為攪拌完之後飲到嘅基本上得芝麻味，茶嘅味道基本上已經冇左。我相信鐘意芝麻嘅會十分鐘意，但係我本人就還好。推薦芝麻愛好者試下。最後係啲料嘅部分，正常叫嘅話入面係用麻糬代替珍珠。不過我嗌左雙料丸子，一開始仲以為係佢啲麻糬入面包左餡，到左先發現雙料嘅意思係珍珠同麻糬都有。珍珠本身冇味，口感煙韌，唔會過硬，係我鐘意嘅口感，不過有啲會痴埋一舊，呢度扣少少分。麻糬口感較軟，咬落去之後就斷，唔似珍珠咁有煙韌嘅感覺，食到少少麻糬本身米嘅味道，佢本身都有少少嘅甜味。我覺得雙料丸子嘅口感會豐富啲，大家可以依自己喜好嗌。總結，成杯野飲飲起黎都唔錯

芝麻烏龍鮮奶茶！飲極都仲係覺得好香芝麻味，再加埋in in un un 麻糬粒粒，而且仲成杯水墨畫咁，有cream 冇cream 牛奶 豆奶 乜都試齊，但飲極都係呢杯，因為真心好味！

係商場行街，行耐左自然都會想飲返杯野，嘆返下甜品，行經the one呢間茶墨，見到d野飲款式不少，而且又幾特別，所以決定同朋友一試。飲品店有少量座位同企位，都唔錯的，本身我都想坐一坐飲下野，不過朋友說想把握時間shopping,所以我地都係決定買外賣。我買左杯芋泥茉莉鮮奶綠，顏色好靚味道仲好好，入面有芋泥蓉，甜甜的，帶點杰身，好幼滑好好味，啖啖都好香濃既芋泥味。另外茉莉茶都好香，好好飲。我都好鍾意杯底仲有好多麻糬，QQ彈彈好好味，好滿足，而且都幾大杯架，抵飲。朋友點了芝麻烏龍鮮奶茶，黑色既芝麻令杯野飲仲靚，靚到好似水墨畫咁，好靚。味道好似係度肉緊好香既芝麻糊咁，好好飲好香濃，芝麻味好重，鍾意芝麻口味既朋友都必會喜歡。入面都有大量麻糬，好正。大滿足。買野飲仲可以以優惠價加配雪糕或蛋糕，我都加配了一件抹茶紅豆蛋糕。抹茶味好重，而且中間仲有粒粒紅豆，不錯不錯。蛋糕質感好實在，好充實的感覺，又唔會好甜，好清新，爽。