Bored Garden (已結業)

亞洲首間以無聊猿為主題既NFT漢堡🍔餐廳🦧裝修超型格，多個無聊猿霓虹燈打卡位。勁cyberpunk😎🔸芫荽芝心牛肉漢堡combo🔹$125 (特別限定) -套餐: 加炸洋蔥圈（6件) +$18 ♨️爆多炸芫荽，芫荽控必試！🌿對於芫荽唔太好既我，都覺得唔錯。同漢堡都幾夾。牛肉入面係滿滿既芝士，夠juicy。淡淡肉汁同芫荽。洋蔥圈剛剛炸起，熱辣辣⋯😋點芥末醬絕配🔸特大原條鰻魚熱狗combo🔹$79 (特別限定) -套餐: 加忌廉蟹肉薯餅（2件）$20♨️長過熱狗包既鰻魚。鰻魚厚身，燒得好香。鰻魚面上係爆多熱溶芝士，鰻魚式仲有熱狗腸，超豐富！多重滋味😋😋😋忌廉蟹肉薯餅夠creamy，外脆內軟。🔸烤雞田園沙津🔹$45♨️夠大件，足足有6件煎雞塊。雞塊上有少量芝士。沙津菜夠多，好岩食完漢堡熱狗消滯。

最近中環新開左間burger店🍔裝修有特色, 有好多霓虹燈💡⚡️ 玩味十足🤪見佢有得食芫荽burger, 芫荽控既我, 梗係仆去食啦🤣🤣🍔芫荽芝心牛肉漢堡 ($125) (套餐+$18)芫荽炸到好脆😍 仲要有好多, 每一啖都係荽味🍀牛肉漢堡好juicy, 而且係芝心既🤤所以口感都幾豐富😆 不過麵包皮無乜烘過, 唔夠熱, 有d扣分🥺🍔無聊園經典漢堡 ($80) (套餐 +$18)即係牛肉芝士漢堡🥩 牛味幾重幾juicy, 同埋都幾大個😯食埋個洋蔥圈真係好飽😂😂😂同樣地, 麵包皮唔夠熱🥺🥺價錢偏貴, 不過份量幾大, 飽左成個下午😯芫荽味幾香幾特別, 試一次都ok😌評分: 🍀🍀🍀