魚眾不同酸菜魚 (紫荊樓)

營業中

休息中

一人份系列可以自選魚片同湯底，魚類有鯛魚、鱸魚、生魚片同龍脷柳，除左魚片仲有墨魚片、肥牛同毛血旺；湯底方面亦有好多選擇，包括檸檬酸菜、老壇酸菜、青花椒酸菜、酸菜金湯、香辣同麻辣，唔辣都有蕃茄湯同「唔辣老壇酸菜湯」，可謂多到選擇困難🥸最後揀左有1.5粒辣椒嘅青花椒酸菜湯，配鱸魚片 ($70) ，湯底非常惹味，唔算辣，食得辣嘅可以落單時放膽加辣🌶🌶🌶 酸菜都好食，與眾不同嘅係口感爽脆而仲有酸菜味，酸菜葉同莖都有齊。魚片煮得非常嫩滑，鱸魚質地較為軟腍。整體唔錯，略賺湯底就咁飲會偏鹹左啲，要餸飯中和返。花膠濃湯雞煲 ($68) 湯底用上新鮮雞湯，就咁飲都幾鮮甜，湯飯亦可。雞件軟嫩，花膠大塊但唔厚，質地偏爽。性價比都算高👍🏻晚飯加配$10有咸檸樂，$6熱檸水

放工屋企無煮飯, 所以搵d平價d既餐廳食飯, 見呢間價錢都幾OK, 而且比較少見有一人份量既酸菜魚食, 就入去試下!簡單既裝修, 空間幾大, 仲有2層, 坐得幾舒服!睇餐廳名都知呢間主打食魚, 當然叫個酸菜魚食下!叫左個老壇酸菜湯鱸魚片薯粉 ($70), 另外會免費配2款配菜, 我揀左豆腐皮和金茹。老壇酸菜湯有少少辣, 主要酸菜多, 個辣度可以揀唔辣, 少少辣或者正常, 我就叫左少少辣。呢個辣一開始食無咩野, 但愈食愈辣, 好耐辣個種, 唔知點解明明好辣, 但愈食愈上癮。因為愈食愈辣, 所以叫左2杯飲品, 紅豆冰同蘋果咸梳打。蘋果咸梳打好解辣, 幾岩夏天飲!另外佢既魚都好滑, 而且無骨, 好岩我呢d懶人食!不過雖然無骨, 但個人認為食任何魚都係要小心d!花膠濃湯雞煲 $68$68黎講算幾抵食, 仲要有花膠, 雖然唔可以話係好貴價既花膠, 但呢個價錢算係唔錯!雞件都幾多, 大約有7-8件。個湯有d杞子, 幾好飲, 飲完又唔會口渴, 送飯食幾好。餐牌都幾多選擇!