咖啡弄 (已結業)

跟朋友做完瑜伽，就去了銅鑼灣吃晚飯，由於另外兩位朋友剛剛吃完下午茶，所以我們就選了咖啡弄。不得不提是這是我第一次吃，因為每次想吃都要等，今次我終於不用等位了！海鹽焦糖拿鐵 - 香香的咖啡味，配上很邪惡的忌廉配上焦糖還有一些堅果，latte 滑滑的，但是渴不到海鹽味 黑糖卡布奇諾咖啡 - 朋友點了這杯 嫩煎香草雞肉巧巴達三文治 - 做完運動，要吃得輕盈一點，所以點了雞肉，這個即場做，要等30分鐘，雞肉很嫩滑而且麵包不會太硬，還有新鮮蔬菜總匯三文治 - 另外兩位吃了下午茶的朋友就點了這個 share, 容量很大的三文治配上薯片，由於他們不是太餓，所以沒有把它吃完，我就只是幫口吃了薯片 🤣 鳳尾蝦飯 - 這個就等得太久了，我們下單後等了超過45分鐘還未有，亦都已經追單兩次。朋友快餓死啦 草莓冰淇淋鬆餅 - 最後我們點了這個share，這個格仔餅是比較硬身，所以點了冰淇淋後不會淋，草莓很新鮮又大粒 👍🏻 它的甜品真是好吃 由於見門口有很多人等位，我們吃飽坐了一會就走了，整體是好吃的！

雖然「咖啡弄」在香港「台灣菜」餐廳裡面，都屬於薄有名氣的休閒食店，食店選舉裡面都經常出現它的名字，但是我經常出入銅鑼灣，卻偏偏跟他緣份一般，經常在「咖啡弄」門前擦身而過。後來我查證過「咖啡弄」在「開飯喇」官方系統裡面的資料後，才知道「咖啡弄」所處的樓宇，原來就在我經常來往的「邊寧頓街」旁邊，而且是樓上舖。所以我一直經過「邊寧頓街」，都一直沒有發現到「咖啡弄」的存在。後來我終於決定走進「咖啡弄」所處的樓宇裡面，走到樓上之後就發現「咖啡弄」店門，原來掛了「咖啡弄」店名的四個大字，「咖啡弄」的店門設計手法，實在跟荔枝角隱世台灣菜食店「程X長台灣美食」實在很相似。但是「咖啡弄」的情況跟「程X長台灣美食」其實很不一樣，因為「咖啡弄」又不是工廈食堂，即使「咖啡弄」的食店資料面世曝光，甚至有食評或者電視飲食節目介紹他們，對「咖啡弄」影響應該很微。我進入「咖啡弄」食店樓面之後，發現「咖啡弄」食店的規模原來都不小，「咖啡弄」實際上的樓面面積和規模，更加像一間樓上的西餐廳，靠着牆壁那一邊的座位，牆壁設計更有文雅的藝術感覺。就連「咖啡弄」的咖啡飲品，以及不同款式的鹹甜小食食品，都意外地擁有非常漂亮，精緻得體

朋友生日聚會食咖啡弄的確是不錯的選擇❤️宜家人潮已經不再，星期六下午去食都唔洗排隊，排好耐隊，但場內都差唔多full架！總匯三明治既材料好夠 而且味道唔錯煙肉幾香幾新鮮🤩其中一個包係排包令到三份三文治冇咁齋~想食鬆餅但又唔想咁肥可以試吓鮮果！有成六種水果食到！ 全部都好甜好多汁 大推呀🤩 四塊鬆餅好大份 我食唔哂打包🤣唯一唔好既係店規定一人一杯野飲。所以就算好飽都要叫一杯野飲。不過不能否認佢都好出色架。我飲左幾出名既維也納咖啡，上面啲cream係好實淨好好味，同平時生日蛋糕上面既好唔同。食左一半之後撈匀佢就啱啱好啦，唔會搶左啲咖啡味💕

想悠閒咁食個午餐，於是諗起台式cafe，諗起咖啡弄。12:15度去到，唔需要等就可以入座。牛奶冰棒可可亞牛奶係雪成冰棒狀，倒入熱既朱古力攪勻就成為朱古力奶。要自己動手去製作，感覺係特別啲好玩啲。朱古力奶味道濃郁，好飲。另外，佢有兩塊朱古力附送。熱水果茶佢用lipton茶包，加上好多水果沖泡而成，有熱情果、橙、蘋果、檸檬同青檸。第一啖飲覺得好香熱情果味，但好酸。飲到最尾一杯時覺得好甜，要自己倒啲水入去沖淡一下。草莓冰淇淋鬆餅個賣相好吸引，士多啤梨大大粒，上面鋪滿士多啤梨醬，顏色鮮豔。士多啤梨下有雪糕同吉士醬，配埋鬆餅一齊食，好夾。鬆餅質地好厚實，如果一個人食晒可以當做正餐，好夠飽。總匯三文治份量都幾大，有三份三文治。入面有雞肉、火腿、蛋、蕃茄、青瓜同生菜，好足料。另外，配有芝士粟米片同蛋沙律。總括黎講食物質素幾好、份量好大，最好share黎食。環境方面，枱與枱之間既空間有點窄，隔離枱走既時候，佢條褲掂到我地既食物，唔係咁衛生。

每次和朋友聚餐都愛選擇咖啡弄，因為覺得這裡環境不錯。但咖啡弄有一個政策，就是無論如何都要點一杯飲品！（即使你有點餐）這樣使平日不會在外面點飲料的我感到苦惱重點是因為我不喜歡喝一些很甜的飲品，你要我用三十多、四十元買一杯茶？我又覺得很不值之前喝過伯爵茶，它真是普通茶包。。。但茶壺擺設就挺精緻的今次便試試$55的宇治抹茶牛奶沙冰感覺就在飲冰嘛沒有抹茶味都罷，連奶味都沒有還說用了抹茶雪糕來製作。。。只是甜甜的糖水冰呢⋯⋯把我的牙齒都凍壞了！咖啡弄的飲品雖然一般，但食物質素還是不錯的！草莓冰淇淋鬆餅 $60每次來也是必點！鬆餅厚實，非常飽肚，但略嫌蛋香不足。今次草莓雪糕也少了很多只有半球左右...吉士醬球都少了，都不足夠點四塊鬆餅！有點失望燻鴨羅蔓沙拉佐香橙 $68最推薦的反而是這個沙拉真心好吃！鴨胸肉質非常嫩滑，而且又飽肉。沙律菜本身是拌了凱撒沙律醬，同時有些鴨胸肉的油脂流進了沙律菜，混合一起簡直一級棒普通的沙律菜也能令人滿口生香這款沙拉真不錯

今日不用排隊可以攞到位，實在太幸運啦，星期六曰系排長攏我覺得咖啡弄的食物水準無降低到，好味三件厚厚的三文治，周圍放滿沙律和脆薯片這碟餸，特別在熱熔左醬汁，現場浦上醬汁落蝦多士，好香脆唔咖哩味不太重，不太辣，剛剛好鬆餅又厚又鬆脆，加上草莓雪糕，又軟又脆這個主要系芝麻醬，栗子溶，加上鬆餅，又香又滿足芒果冰好味，鳳梨冰偏酸適合減肥人士水果茶好多生果《萍果，檸檬，橙，話梅等等等等》主打草莓味，好喜歡食草莓的人士之選這杯好有視覺效果，又靚又好味太多食物未品嘗，下次再繼續

連續幾日假期，今日瞓到自然醒。食過午餐後，同老公悠閒地去銅鑼灣行街。行到咁上下，老公話搵間 Coffee Shop 坐下，嘆番杯咖啡。上Openrice見咖啡弄大獲好評，於是試下呢間由台灣黎嘅人氣輕食店。不愧係人氣，餐廳門外已有幾對年輕人等緊位。大約等左20分鐘，先入到去。入面環境好舒服，好 relex 嘅感覺，餐牌亦好多款式俾客人選擇。草莓冰淇淋鬆餅 $60 – 份量好多，4件鬆餅大大件，做到外面微脆內鬆軟，而且充滿蛋香。旁邊仲有新鮮士多啤梨，配上濃郁的士多啤梨醬，下面仲有吉士同士多啤梨雪糕墊底，配搭十分好，又不會過甜。冰滴咖啡 (每日數量限定) $60 - 咖啡賣相好精緻，用托盤裝住一個裝住冰滴咖啡嘅小玻璃樽，一個鐵壺裝糖漿，一個鐵壺裝鮮奶，仲有一隻好特別嘅杯，內有普通冰加一粒咖啡冰，顯得冰滴咖啡特別珍貴，因為一杯要用十個鐘點滴累積出黎。奶同糖比例可自己調配，咖啡非常香濃，味道亦順口。海鹽焦糖拿鐵 $50 - Latte本身係奶嘅份量會比咖啡多，所以飲落奶味比較重，但也有香濃咖啡味同淡淡鹹味。侍應教我先飲一啖咖啡，再食一啖Cream。Cream 好幼滑，仲加左焦糖醬，咁飲口感好特別

今日係維園行完年宵，就黎到呢間想試好耐嘅咖啡弄，佢嘅位置都幾格攝，而且係外面亦都唔算顯眼，睇清楚地圖，搵到一個細細的入口位，行咗上樓梯之後，見到大概有10數人排緊隊，我哋兩個人需要上前入門口，再搵搵店員，拎張飛仔，返返去樓梯位置排隊。如下圖所示，前面有一個號碼牌，叫到自己Number就可以進場啦！現烤燻雞吐司披薩好多人都話呢度嘅鬆餅好好味，但試左呢啲嘅熱食之後，你會愛上，新鮮熱辣整出嚟嘅吐司披薩係我重點推介之一，烤製出嚟嘅外層好香脆，裏面夾雜着啖啖鮮嫩嘅雞肉，加上佢裏面嘅醬汁，成個配搭一絕！（佢旁邊既蛋黃醬亦都唔錯，可以就咁食）玉米里航起司可頌呢個亦都係重點推介，就咁睇個名未必似係啲乜嘢嚟，但睇完相之後，大致上係牛角包夾雜着一大堆芝士加火腿，因為包嘅外皮都幾脆，所以建議切開來食嘅時候，不妨可以切大舊啲，如果唔係會好容易散晒。可以配合旁邊白色嘅醬汁去食，味道更加出色，相信係佢哋特別調製嘅，類似有沙律醬加少少蒜，同埋大有少少微酸嘅味道，如果有機會再嚟，我一定會再試！冰鮮果茶裏面有多種嘅果肉，酸酸甜甜嘅，飲起上嚟都幾開胃，只係略嫌味道比較重，如果可以清啲，個感覺會更加Fresh!Oreo碎片

本身佢地booking full哂得返walk in，我地諗住照去試下，點知都等左我半粒鐘。呢個草莓冰淇淋鬆餅係咖啡弄既人氣之選！先講賣相已經好吸引！大大粒既草莓同顏色好靚既草莓果醬，配埋好厚身且呈金黃色既鬆餅(其實係waffle，但中文佢地叫鬆餅)，未食先興奮，哈哈。鬆餅口感唔算話好實，帶點微暖。草莓一啲都唔酸。而且份量都幾多添。將鬆餅點埋啲草莓醬同吉士醬一齊食就更perfect！原本想叫lobster roll, 但可惜賣哂。所以叫左總匯三文治! 三文治好大份呀！中間夾住雞扒、蛋、火腿、生菜同蕃茄，都幾豐富。上面仲灑左好多芝士薯片，似係Doritos紅色包裝個隻。另外有碎蛋沙律同生菜青瓜伴碟。純粹係唔想飲凍野或者咖啡茶個啲，驚瞓唔著，所以揀左熱朱古力。熱朱古力配有棉花糖，自己鐘意倒幾多都得。

咖啡弄最人氣的時代已經過去。第一次去的時候要在後樓梯排隊一個半小時，第二次則拿了籌便可離開，有位時員工再用電話通知，今次閒日下午三時去竟然可以訂位，不過任何時候用餐時間也只限一個半小時。草莓冰淇淋鬆餅 鬆餅真的做得很好，外面微脆內𥚃鬆軟很香蛋味，加上士多啤梨雪糕、吉士醬、士多啤梨醬和很多很甜很新鮮的士多啤梨，材料很豐富，吃得很滿足。芥末培根起士三明治 58三明治份量很足，朋友說三明治烘得很香脆，很多煙肉還有生菜和紫洋蔥，很好味，伴碟的碎蛋沙律也非常美味。玫瑰歐蕾 42賣相很好，可能我習慣了濃郁的港式奶茶味道，所以喝來覺得有點淡。抺茶歐蕾 我朋友說味道普通，她還是比較喜歡green tea latte。

是日下午茶終於一嘗開業已久的過江龍咖啡弄，咖啡弄依然人氣鼎盛，坐無虛席。餐牌內的食品及飲品選擇眾多，對於第一次光顧而又有選擇困難症的我，實在難以決擇😂最後食品點選了人氣的草莓冰淇淋鬆餅，餐飲則選了海鹽焦糖拿鐵。海鹽焦糖拿鐵首先登場，店員建議喝一口咖啡再配以一口忌廉吃，切將忌廉加入咖啡內，以免影響海鹽焦糖的味道。說真的，原以為整杯咖啡都是海鹽焦糖的味道，現在咖啡跟海鹽焦糖忌廉是獨立個體，互不相識。忌廉很滑，但咖啡有點水汪汪，非常失望。草莓冰淇淋鬆餅很大份，剛上桌時微溫，鬆餅口感很結實，配以吉士醬、草莓醬及草莓冰淇淋吃感覺很滿足！而且草莓超級大顆且鮮甜，足足有四大顆，無論賣相及份量都相當吸引！請注意：每人最低消費一杯飲品！觀看周邊食客的美食相當大份，食物建議點一份兩個人分享吃。

約大學死黨食飯，原來已經有成年冇見喇！講到搵餐廳，「我無錢，唔好食咁貴。」「我都係！$150以下ok?」😂😂「Sure!」咁就一於去咖啡弄啦！又平，又有甜品，又好食！我地食閒日，夜晚6時半到，唔使等位叫左一個鹹點，一個甜點，兩杯飲品。BBQ豬扒三文治：三文治好大份豬扒亦好厚身！麵包烤過，塗上芥茉醬，內有新鮮的番茄及生菜，好惹味呢！另有蛋沙律及生菜絲，非常開胃。吃完鹹點，甜品就出場喇！草莓冰淇淋鬆餅係必叫架！（還未有機會試其他口味，因為每次都會自動波叫左草莓口味）鬆餅好厚呀！充滿蛋香，又不會過甜！配上濃郁的草莓醬、淡淡的吉士、酸甜的草莓雪糕及粒粒草莓，是令人感動的味道呢！我地兩個女仔，好快手就k.o左！完全無難度！飲品方面，朋友叫了優格雜莓沙冰。這杯飲品賣相滿分，超！美！味道方面，朋友話好清新又唔太甜，夏天飲份外清爽！我就繼續養生，飲熱飲。洋甘菊荔香茶，茶味香醇，荔枝峰蜜及水果可以自由添加，甜度亦可自己調配，飲落好舒服！不經不覺，就食左1.5小時，要交枱了！個半鐘點會夠我地傾呢？唯有離開餐廳繼續傾！XD總結覺得咖啡弄食物水準穩定，員工亦很友善！值得encore 再 encore!

我知我慢！明明咖啡弄在香港開了好幾年，次次嚷著要去試一直未試(我認我冇耐性去排隊，今日終於的起心肝一早去到登龍街呢度排隊。明顯地排隊的人少了，不過呢一間好犀利，開業了好一段日子還吸引到一群食客來排隊捧場，證明食物質素應該很高吧！期待著我們等陣的午餐！ 終於叫到我們的號碼！被安排到大枱中，坐在大圓枱不方便傾計，好像沒了氣氛，只來吃東西。剛好見到二人枱有客人埋單，問了侍應ok就順利轉過去(哈)。二人枱好多了！好像即刻都多啲野講。想都不用想，柯打了一碟經典總匯三文治($65)，草莓冰淇淋鬆餅($60)，一杯法式奶茶($40)，一杯維也納咖啡($44)。兩杯飲品先到，咖啡賣相很好，配上兩塊小曲奇。奶茶濃濃起泡的奶味。總匯三文治色彩繽紛滿滿開心的顏色很吸引！三文治上面灑了一碟的芝士味脆片，雖然很不健康卻忍不住口連吃了好幾塊。兩層厚切三文治，一層是可口的雞肉另一層是脆口多汁的蕃茄生菜，大大啖咬落去滋味無窮！賞心悅目之餘肚子又十分滿足！雞肉入味濃郁又嫩滑！再試一試旁邊的雞蛋生菜小沙律，份量不多兩三口就吃完(是太好吃還是我們太大食)？一直想試的鬆餅到了！猶豫要點朱古力還是士多啤梨好，看見隔離枱點的士多

咖啡弄開業以黎經常大排長龍 初初第一次去朝聖 中午約十二點拎左籌之後 係附近行街直到三點左右先有位 期間可以打電話去問返叫籌叫到幾多號每人最低消費一杯飲品 另收加一服務費草莓冰淇淋鬆餅 ($58)份量比想像中少 見好多人話好大份食唔曬 但其實實際上唔多 亦唔覺得滯 不過亦無想像中好食 鬆餅幾厚身 面層少少硬脆 入面好實在 好似蛋糕一樣 旁邊有一球吉士醬一球雪糕 當初以為兩球都係雪糕 大大啖吉士醬放左入口味道唔差但係無特別出眾同驚為天人 唔值得排咁耐 寧願以同樣價錢買四五底格仔餅熱玫瑰花茶 ($42)覺得鬆餅配花茶係好高貴既組合 亦見人話鬆餅好滯以為真係會滯 所以諗住叫花茶可以解膩 點知就中伏 可能真係唔慣飲花茶 飲落口覺得好似飲香水咁非常奇怪 一壺可以裝到約三杯 要不斷加入旁邊附送既蜂蜜先勉強飲完 勁後悔自此之後都無再去過咖啡弄 出名鋪頭未必好食 好唔好食真係見仁見智 始終要自己試過先知

好一段時間沒再臨咖啡弄了, 人氣雖比之前的確減退了一點, 但仍然很受歡迎~記得初初就算拎了飛都要排2小時先可以入座, 現在只需等候十多分鐘便可以了, 可能係時間上配合得好吧, 或剛過繁忙時間, 真係感恩不用排太耐~餐牌食品有少少轉變, 但最想食嘅食物依然存在~這就已經足夠了。之前試過凍果茶, 今次天氣轉涼, 就來一壺暖暖的吧! 味道也很不錯哦,果香依然, 味道酸中帶甜,好好飲！草莓冰淇淋鬆餅, 真係賞心悅目, 食品擺放得好有心思, 顏色配搭好吸引!草莓甜絲絲, 鬆餅好鬆化, 甜度啱啱好, 唔會覺得漏! 雪糕好好味, 配鬆餅一流呀!三文治好味, 肉質鬆軟, 肉汁保存好好，唔會有乾爭爭的口感。 蔬菜好新鮮, 配粟米脆脆好襯! 好豐富!草莓沙冰, 甜中帶少少酸, 棉棉的冰入口即溶, 百份百真材實料!所有食物都沒有退步,水準依然,希望咖啡弄繼續keep住用心製作,咁大家就有口福喇!唯獨係初初全部國語的員工都已變成大半的本地話喇~反而有啲唔慣^^