Bamboo Thai (朗豪坊)

營業中

休息中

✨ 軟殼蟹米紙卷（$98）中間除咗主角炸軟殼蟹件外，仲有蘿蔔絲同青瓜絲，比較鍾意加埋牛油果同埋芒果，炸軟殼蟹唔會好油，除咗帶微酸嘅芒果仲有少少辣嘅汁，整體食落都幾清爽。 ✨ 泰式燒豬頸肉（$98）雖然係豬頸肉但冇連太多肥肉，令食落偏爽口同唔算太油膩，配埋嘅汁酸酸地幾開胃。 ✨ 馬沙文咖喱慢煮豬肋骨（$178）肉肉份量都幾多(約五至六塊)，經慢煮嘅豬肋骨非常淋身入味，馬沙文咖喱唔辣，香葉同椰奶味突出。✨ 泰式火車頭和牛炒飯（$148）飯底炒得唔錯，乾身香口，配料除咗牛肉之外，仲有芥蘭、洋蔥、小蕃茄、青瓜等。 ✨ 飛天通菜（$78）本身應該有少少辣，不過我哋唔太想食辣，餐廳就幫我哋整成唔辣~份量適中，味道正常發揮。 ✨ 芒果糯米飯（$78）食泰國菜好似真係一定叫芒果糯米飯 😆，呢一款除咗芒果同糯米飯本體之外，仲有椰子雪糕，椰子雪糕仲有啲椰子粒係入面 🤭，好食～ ✨ 泰式咖啡（$42） ✨ 荔枝青檸梳打（$48）·擁有三間分店的泰國菜餐廳，除咗旺角店外，仲有兩間分店分別位於荃灣同埋將軍澳，如果prefer想去環境坐得舒服啲嘅泰國菜不妨留意一下～·🧾 需加一服務費💰 $844.8

今日同朋友想食泰國菜，呢間有特色菜式，就係「火山排骨」，好大座好有氣勢。清新柚子蝦沙律 $68柚子清甜微酸多汁，好清新好開胃，有3隻大蝦，十分爽口彈牙，配埋新鮮沙律菜好爽脆，個醬汁調得剛好，酸酸甜甜帶點辣。黃金蝦餅 $72一客四件，即炸夠熱辣辣，份量十足。炸得香脆，蝦肉爽彈唔會實哂，反而幾鬆有口感，最正係蝦味濃郁。火山排骨 $98好有氣勢好大座，排骨有好多件，睇落好多大骨，但中間都好多肉，係肉食者至愛。豬肋骨幾嫩，肉質鬆佬，食到豬肉原味，之後沾湯汁，酸中帶甜，越食越辣，令味道提升。香茅豬肉撈檬 $72香茅味突出，豬肉跟洋蔥炒香，十分惹味香辣，撈檬加左香口乾蔥及花生碎，仲有爽口青瓜絲同醃菜絲，味道豐富有層次。荔枝青檸梳打 $38荔枝味濃郁，青檸味清新，梳打好清爽，氣泡好爽好解渴。