麗島小廚 (已結業)

剛出外旅遊回來，仍未收拾好放假的心情，今晚還是出去食晚飯。由於近來市面的氣氛不佳，所以還是在附近食會比較安全些。東歐旅遊期間，就吃了四餐豬手，其中有一餐更是每人一大隻豬手，所以回來都是要轉一轉口味。去到石門，有一間之前曾惠顧的已不見了，同一位置開了一間港式雞煲火鍋店，看來光猛人氣不錯，就入去一試。據店員所說，新店開了兩個月，店子裝修簡約，店內整齊清潔，沒有多少油煙，總算給人舒服的感覺，而且全女班的店員服務態度良好，反應也很快。我們點了滋補花膠濃湯雞煲半隻($198)、一碟特級羊肉片($88)、一碟鮮白鱔片($98)、一份菜心苗($33)、一份紅薯粉($26)及兩杯鹹檸七(每杯$32)。先來的當然是滋補花膠濃湯雞煲半隻，濃湯雞煲看得出是煲了很長時間，雖然雞肉較腍，但味道很濃郁甘香，還有大大片的花膠，店員更為我們將那半隻雞剪開，方便進食。我們趁其他火鍋料未到，就先喝了兩碗老火湯才準備開始火鍋，果然是足料靚湯。除了雞及花膠外，湯內還有蟲草花及紹菜。特級羊肉片都很大片，只需灼到粉紅色就可以食，十分嫩滑有羊味。鮮白鱔片看樣子已經見到新鮮，肉質光亮，口感爽脆，煙韌有嚼口。菜心苗新鮮而腍甜，很快就可

上次和同事開心食完雞煲後佢又心癮發，今晚我地又出動，揀左公司附近打邊爐再食過痛快。此店位於京瑞廣場，都係開業不久，所以環境非常光鮮，同埋坐位十分闊落食得好自在。此店同樣都有雞煲食但經上次一役，兩人食半隻雞的確份量多四人食比較合適，同事有啲怕怕食雞，最後揀左食烤魚。麻辣大海班 ($368)來的都係一個大湯鍋，配料落了勁多莞茜、芽菜、芹菜、酸菜、白蘿蔔片等，湯底清清地不太濁，感覺食得健康。同事怕麻辣太辣所以要求走辣再加少少辣，即係ＢＢ級，有少少辣食起來比較惹味，微辣湯底令魚肉食起來唔鯹同埋食得更鮮甜。大海班已預早蒸好再烤，魚落湯鍋來到湯滾一滾就食得。魚肉軟身魚皮好香口，湯一滾食魚先，以免滾得太耐魚肉老硬。條魚比想像中大條有三隻手掌大，兩人食份量好夠，再大條點實食唔晒，所以都幾抵食。手打黑墨魚滑 ($68)份量多給了兩份，黑墨魚滑味濃且爽口彈牙，係必食之選。鮮蝦雲吞八粒 ($58)粒粒飽滿好大粒一啖係食唔晒的，雲吞皮薄唔易爛熟左通透，鮮蝦肉質彈牙肉餡好味，抵食之選。紅薯粉 ($26)薯粉幼身，和湯底配料芽菜酸菜一起食確係最佳配搭。菜心苗 ($33)菜十分新鮮翠綠挺身，幸好份量不算太多，否則食

今日要上個friend屋企攞野，個friend話不如一齊食埋飯。個friend話有間正雞煲，商場正門望上去就已經見到大大個舖頭名，✏️指住話就係呢間！🔆麻辣雞🐥煲（半隻）- 貼心地可以有幾種辣度揀，唔辣都有。2人食半隻份量都ok，上枱靚靚～仲有服務員幫手炒雞，一開大個爐炒到「渣渣」聲，d花椒蔥頭洋蔥香味真係引到口水流，好4D😂😂。味道？成個雞煲嘅料、醬汁、配菜、香料炒埋一齊完全互相提升惹味度😋。🔆脆鯇魚腩 - 近魚頭嘅腩肉，好少細骨，怕骨嘅我都食到。魚腩肉脆口到「索索」聲好誇張。😂🔆手打墨魚滑 - 食到墨魚🦑味，爽口彈牙，正！🔆鮮蝦🦐雲吞八粒 - 最正係個雲吞皮，又大塊又滑，雖然鮮蝦唔多，但肉餡調味不俗。🔆火鍋當然唔少得粉絲、可樂、同菜心苗啦，菜心🥬苗新鮮爽脆，索哂d雞煲湯底，濃味中帶有清甜菜味，無得頂！😍真係好，又食到一間親切又細心招呼嘅好味小店～小店食桌夠大夠整潔～原來佢屋企行去京瑞咁鬼近，呢度仲有我地最愛嘅雞煲火鍋，又近車站，以後唔洗食黎食去都係個幾間啦！