影片
更多
2009-02-20
21 瀏覽
連續食咗兩餐晚餐。第一餐同朋友，第二餐就一家人食。第一餐同朋友食，朋友點餸，大部分都唔啱食。浸龍蠆皮、焗魚腸等魚內臟都唔啱食。臘味菜心都唔多啱食，臘味全是肥肉，又唔香。只有霸王雞、小炒王、炒豆苗，同椒鹽骨啱食。霸王雞超生，紅到不得了。雞肉嫩滑但實在太生，只敢食雞胸肉。小炒王炒得有鑊氣，非常惹味，韮菜花嫩無渣，有些魷魚、菜匍同花生，很惹味。椒鹽骨被嗱過，夠味，又唔會炸得太乾。由於見到佢menu 仲有勁多野食，於是第二晚一家人再去食過。可以叫番d啱食嘅菜式。1) 招牌菜---西蘭花炒牛柳粒招牌菜真係招牌菜，很出色。牛柳粒炒得好有鑊氣，帶少少黑椒味，唔韌，但又唔會無咬口。還很有肉汁。伴碟的西蘭花只係清炒，翠綠爽口。2) 豉椒炒生腸生腸好爽口，又唔韌、無異味。有鑊氣，但可以再炒得入味d。還有大量青紅椒。3)砵酒焗蠔用石窩盛著。上枱時仲"zaa zaa"聲。粉漿厚了點，只有粉漿有味道；蠔係完全無味，砵酒味欠奉。如果唔係粉漿有咸味，都真係唔知食緊咩。幸好蠔好大隻又新鮮，無碎殼。這個菜屬水準之下。4) 萬發石頭飯其實係將已炒勻的飯放進石頭窩內。好熱，仲可以有飯焦食。飯炒得夠乾身；有蝦、菜粒、冬菇粒等
第一餐同朋友，第二餐就一家人食。
第一餐同朋友食，朋友點餸，大部分都唔啱食。
浸龍蠆皮、焗魚腸等魚內臟都唔啱食。
臘味菜心都唔多啱食，臘味全是肥肉，又唔香。
只有霸王雞、小炒王、炒豆苗，同椒鹽骨啱食。
霸王雞超生，紅到不得了。雞肉嫩滑但實在太生，只敢食雞胸肉。
小炒王炒得有鑊氣，非常惹味，韮菜花嫩無渣，有些魷魚、菜匍同花生，很惹味。
椒鹽骨被嗱過，夠味，又唔會炸得太乾。
由於見到佢menu 仲有勁多野食，於是第二晚一家人再去食過。
可以叫番d啱食嘅菜式。
1) 招牌菜---西蘭花炒牛柳粒
招牌菜真係招牌菜，很出色。
牛柳粒炒得好有鑊氣，帶少少黑椒味，唔韌，但又唔會無咬口。
還很有肉汁。
伴碟的西蘭花只係清炒，翠綠爽口。
2) 豉椒炒生腸
生腸好爽口，又唔韌、無異味。
有鑊氣，但可以再炒得入味d。
還有大量青紅椒。
3)砵酒焗蠔
用石窩盛著。上枱時仲"zaa zaa"聲。
粉漿厚了點，只有粉漿有味道；
蠔係完全無味，砵酒味欠奉。
如果唔係粉漿有咸味，都真係唔知食緊咩。
幸好蠔好大隻又新鮮，無碎殼。
這個菜屬水準之下。
4) 萬發石頭飯
其實係將已炒勻的飯放進石頭窩內。
好熱，仲可以有飯焦食。
飯炒得夠乾身；有蝦、菜粒、冬菇粒等。
三個人食，每人平均有兩碗半。
5) 沙姜雞腳
雞腳肥美飽滿，肉質爽口彈牙。
唯沙薑醬唔夠香，只有咸味，卻沒有沙薑的香味。
整體水準算不錯，小炒出色，但考工夫的菜就仍需努力！
環境算係咁啦，唔會太迫。
張貼
