金曼谷泰國餐廳

營業中

休息中

而家五月份雖然已經好熱但係坐室外嘅話空氣比較流通坐喺出邊覺得好熱，嘢食都大致上正常正常唔會好重味道，四個人食$600埋單，一共做咗六碟菜兩杯嘢飲，特別推介蒜蓉包好好食

與三位大圍區工作的舊同事來開餐，叫了冬蔭功(不會太酸，好味的)，生蝦刺身(好彈牙爽口)，咖哩蟹(蟹新鮮，咖哩汁很濃，但不辣，味道都唔錯的)，墨魚餅併蝦餅(墨魚餅每次來，都會吃的)，蒜蓉包(今晚整得很正，外面少少脆，但冇燶，又不會太硬，內層很軟，很有蒜蓉牛油既香味)，蝦醬炒飯(雖然冇乜蝦醬味，但個炒飯都炒得好好食)，串燒雞肉(由2008年開始幫襯到現在，經驗告訴我食串燒雞肉，包穩陣。因試過兩，三次叫牛肉都燒得很乾。)埋單前例行送每人一件椰汁糕(今次既椰汁糕多了層芒果肉，食得出用新鮮芒果做的，好好味！)都係閒日來食較好，假期太多人，水準冇咁穩定的。😀

今晚晏左收工，好攰～唔想諗野，問老公想出去邊度食飯，佢話落雨濕濕，揸車去附近揾野食，見到金曼谷平時好多人，可能今日落雨，人少左，唔使等位，所以入去食～店舖室外有露天枱，唔鍾意露天坐，室內亦有枱，坐底order左蒜蓉包、泰式炒飯、泰式鳳爪、炒通菜～～第一碟黎泰式鳳爪，酸酸辣辣～正～食左之後好開胃～炒通菜～簡直係冇得輸～蒜蓉包，又熱又脆～整體黎講，配合價錢，唔算貴，兩個人$300唔使～對揸車人仕黎講，最重要附近有錶位泊車～

呢間泰國菜館同隔離馬來西亞菜館其實係同一間舖，所以貪心嘅人有福喇，兩邊menu都order得，不過我目的係泰菜，所以冇試過馬拉菜好唔好食。青咖哩雞好食，咖哩汁香甜，雞同茄子都幾多。馬拉盞炒椰菜苗，椰菜苗冇苦澀味，不過偏咸。菠蘿炒飯好大個，勁多肉鬆，飯夠乾身，唯一敗筆係用左雪藏蝦。蒜蓉包好夠蒜蓉牛油，香脆得黎唔會成塊乾晒，幾惹味。整體黎講都唔錯，不過調味有d重手，咸左d，但都係可接受範圍。價錢街坊，最後仲送左舊椰汁大菜糕，幾抵食。

平日想來食飯要等好耐位，今次改變攻略，傍晚六點便來等位，不用等位便入坐。今次試了泰式咖啡炒蟹，蟹有膏，肉質很新鮮，咖啡很香，不算很辣。蒜蓉包要推介，serve的時候還是暖暖的，應該是整定的，雖然如此，但仍然很脆，好好味。炒通菜一般，油了些少。

想食泰國菜但又唔想去到九龍城甘遠，近近地黎左田心，好在早黎唔算多人，我地走時好多人等緊位。生蝦：蝦肉彈牙，醬汁辣多d會更野味。牛肉生菜包：牛肉好多根，調味太淡，我地額外加多左甜酸汁。蒜蓉包：鬆軟味濃。炸雞翼：皮脆肉滑，雞肉入味，好正！烤豬頸肉：肉嫩爽口，野味香口。菠蘿炒飯：炒得香噴噴，菠蘿味清爽。咖哩大頭蝦：咖哩汁奶左d，蝦質素一般，唔抵食。明爐烏頭魚：湯汁好淡，魚肉腥腥地，好似唔太新鮮。送既甜品清甜爽口，幾好食。食店好多人，坐得好逼，食完要快快走人。