隆姐泰國美食館 (已搬遷) 新店位置

今日同女朋友同埋佢家姐三個人一齊去咗九龍城食泰國嘢，由於食開隆姐所以就照樣宜度啦👍每次食泰國嘢都一定先叫碟生蝦以前有試過食過啲係好唔新鮮既蝦但今次隆姐啲蝦係好新鮮而且好夠凍食落夠彈牙再配上自家制辣汁, 惹味得黎好過癮👌再黎一碟金邊粉味道不過不失 無驚喜又無失望 👍由於店舖係無提供牛肉,所以淨係得豬同雞既生菜包經過店員推介下叫左個豬肉既份量足夠而且味道都唔錯, 味道酸酸地又淡淡肉配埋新鮮生菜食可以中和返豬肉既肥膩感👎唯一既唔好係生菜份量比較少, 可能要每次豬肉既份量要包得比較多, 如果唔係就會有好多豬肉剩剩左都唔緊要既, 店舖會有生菜單點, 價錢係五蚊一碟野飲就叫左兩個一個椰青同一杯珍多冰👌椰青味道都幾清新, 唯獨係未夠熟, 椰肉好難先挖倒出黎食👍👍而珍多冰係每次黎都會叫既,椰奶味十足,再加上條狀椰子糕,誠意推介由於冬陰功同海鮮冬陰功價錢係一樣,所以我地都係叫左個有海鮮既👍個湯夠酸又夠辣,而且海鮮都幾足料,可以一試👎要小心如果飲唔哂又坐熱緊果陣,個湯會變得愈黎愈辣,如果唔食得好辣既朋友要小心,最好快啲飲哂👌椰菜苗又係每次都會叫, 而今次轉做普通煮法味道就麻麻地,如果轉返泰式既話應該會好好

與同事一行三人到九龍城食野,去到大約7:00剛好滿座,唯有一邊等位順面係附近既泰國雜貨店行下,大約20分鐘到就有位喇.因為等位時係廚窗見佢好有心機咁慢慢係度鹽燒烏頭魚,好似好美味咁,所以一入去即刻叫左呢個先.之後再慢慢睇下食乜.最後叫左以下幾道菜:炸蝦餅外型同一般既有D分別,整到好似炸洋蔥圈咁,食落好夠熱,都幾彈牙又夠蝦味,唔錯!菠蘿炒飯賣相就普通左D,仲有三片好似臘腸既野係度,但食落原來係肉乾味,個飯都幾足料既,味道就般啦.泰式木瓜沙津比出面食開既辣好多同埋香茅味都幾重,青木瓜都好爽口, 鍾意食辣既就岩晒,我本身唔係好食得辣,但都覺得都幾好味既.蒜蓉炒椰菜苗椰菜苗好爽口帶少少甘甜味,個汁又教得岩岩好唔會太咸,呢個真係好好食.鹽燒烏頭雖然個面係落左好多粗鹽,個魚肚又放滿香草咁去慢慢燒,但係個咸味同香草味又唔係好帶到入D魚肉到,加上魚肉本身都有些少”鞋”,所以扣左少少分,不過條魚本身都啖啖肉同埋都食到鮮味.都OK既!鴨胸河粉一放上枱見到有兩舊猪紅係到真係估佢唔到,食落去個湯好咸,個粉都幾碎,鴨胸又比個湯浸到無晒鴨味,麻麻地.環境方面-一般茶餐裝修,都尚算整潔.整體來講雖然食物無預期中好,