段純貞X日出茶太 (MOKO新世紀廣場)

營業中

休息中

中午放lunch得一個鐘其實都無咩好揀，只可以喺返office附近搵野食🥹今次就嚟到moko嘅段純貞試吓佢哋嘅麵啦～🧾蒜香手撕雞乾拌麵💰$78呢個麵嘅蒜香十分香🤤蒜味重到食完想即刻食返兩粒香口膠清一清口入面啲蒜味🧄🤣細麵真係好好彈牙，雖然係乾拌麵但又唔算好乾，底都有啲汁撈埋一齊食。手撕雞亦都非常juicy，同埋溏心蛋亦都意外地搶眼🥚整體成碗麵都十分出色！呢碟免費酸菜都真係幾酸，我自己本身麻麻地鍾意食酸菜，但鍾意食嘅話應該都幾解膩同爽口～

小朋友放學後，帶咗佢哋去MOKO動樂園度玩，玩完之後去咗呢一間台式餐廳食晚餐。我覺得呢間幾好，有啱大人同小朋友食嘅嘢。大人就主要嗌辣嘅麵🍜小朋友就食清淡啲嘅雞麵👍同埋呢度好好，麵嘅質地可以request煮腍啲，咁小朋友都會容易入口啲。同埋呢度有小朋友餐具提供，匙羹叉碗杯and high chair 🪑 都會有。嘢食我超級推介❤️‍🔥麻辣牛筋牛腩麵(中辣)牛筋牛腩炆得勁腍，手工麵勁有咬口，配埋個麻辣牛肉湯超正😍燉濃雞湯麵(幼麵）🍜雞髀肉超滑，小朋友爭住食，最後成碗超快食晒😏青花椒香手撕雞乾拌麵& 蒜香手撕雞乾拌麵呢兩個都好惹味，而且配嗰隻溫泉蛋都好好食👍小食仲叫咗鹽酥雞，都可以👍總結:最推介—->麻辣牛筋牛腩麵(中辣)🌶️

天氣好熱，喺MOKO揀咗間有珍珠奶茶嘅台式餐廳食晚餐🥵選擇唔算好多,星期日晚七點去到有幾樣想食同飲嘅野都售罄😢牛肉麵賣相幾吸引👍🏻牛肉半生熟狀態咬落唔會乾食落仲幾滑幾香湯底偏鹹少少但香料味幾重,飲左幾啖😹手作面超級闊😋口感偏硬,幾好食,超想散買麵底返屋企煮😂拌麵個人就覺得冇咩特別🙈蒜香味唔係好出,手撕雞份量亦唔係好多奶香較出,但都唔錯~另外加咗布甸同珍珠,布甸蛋味好香,珍珠亦超級煙韌👍🏻

一直都好想食台灣過江龍段純貞，呢次去開Moko買野有機會食到🤩 門口雖然唔大，但裡面裝修都幾有特色，有幾秒FF自己喺台灣段純貞食緊牛肉麵~✨三寶麵 - 有腱心，牛肚同牛筋，各有唔同口感，腱心夠淋身，牛肚爽口，牛筋幾滑，配埋粗身手工麵好有咬口，湯底麻香又濃郁，食完好飽足😻✨蒜香手撕雞乾拌麵 - 好足料啊，面頭滿滿手撕雞，撈均食幾惹味又唔會太咸👍✨新鮮豚肉鍋貼 - 沾醋食係幾正，最重要係唔會有油膩感，餡料食得出幾新鮮幾香😜✨鹽酥雞 - 好大粒，外皮d調味料微辣，辣得嚟幾好食，裡面夠嫩幾juicy~✨招牌珍奶 - 叫左去冰走甜，因為本身d珍珠煮過都有甜甜地嘅味道，珍珠QQ又唔太硬，我幾鐘意😋✨頂級可可 - 好少叫台式嘅可可，估唔到都幾滑，如果朱古力味出d會再好d😚