芝加哥串燒 (美豐花園) (已結業)

今日入大埔探個朋友，打算同朋友食d野傾下計，朋友介紹話附近有間串燒好正，鋪頭細細，但有手工啤飲，串燒又高質。講到咁吸引，唔係唔試呀嘛？呢間串燒鋪叫芝加哥串燒酒場，環境就比較暗，自成一閣咁，都幾chill。串燒類型都好多呀，雞牛豬菜海鮮，樣樣有齊，就連手工啤都好鬼多選擇，足足有十款！我地就點左d串燒同手工啤，一路食一路傾計。Little Creatures Pale Ale $46屬於比較清嘅手工啤，以果香味為主軸，苦味黎得比較清爽，尾韻有桃味同橙香，幾有趣！碳燒西冷牛扒 $48 份量都幾大，保持juicy 口感，薄得黎肉質嫩口，旁邊有醋汁，微酸令牛味更平衡。招牌茄子燒 $30 超大條茄子，一上枱已經聞到濃濃蒜香，加上孜然粉嘅香，茄子燒得好腍，但一d 都唔乾，仲好juicy，有少少燒過嘅脆口口感，香料完美混和響茄子肉度，非常惹味。蒲燒鰻魚 $68 燒鰻魚金黃香脆，好肥美，原條上份量足。鰻魚醬汁甜度岩岩好，無骨肉質軟滑，可以大大啖食，一試難忘。鹽燒牛舌 $29先講鹽燒牛舌，一d都唔硬，燒得岩岩好，非常爽口，咬落成口都油香，好香牛味，值得一讚。大蔥雞肉串 $18呢個係我必食之選，雞肉嫩滑不乾

—餐廳位於內街，環境頗為清靜店內裝修擺設有日式味道，鋪頭唔算太大，大約可容納十多人，感覺親密舒適，好有深夜食堂嘅味道，非常適合三五知己聚腳暢談，在夜深中享受輕鬆時光 由於室內滿座，所以坐咗喺室外半露天座位我哋一共嗌咗八款燒物，主要係海鮮同蔬菜類，包括蔥蒜鮑魚、芝士蝦、燒鮮魷魚、蒲燒鰻魚、露筍燒、燒茄子、金菇肥牛卷和豬頸肉，最後再配上冰涼清新嘅手工啤酒，一掃夏天悶熱燒物全部即叫即燒，當中最為推薦燒茄子($30)以鐵板送上，熱氣騰騰，茄子燒得熟透，非常軟腍，配上炸蒜青蔥，非常香口惹味，叫人一啖接一啖豬頸肉($19)口感爽嫩 咬落仲有油脂滲出嚟 好邪惡金菇肥牛卷($28/3小卷) 金菇juicy不在話下 仲索哂d汁好入味海鮮類都食得出係新鮮嘅，燒原隻魷魚($23)鮮甜爽脆， 唔需要大量調味掩蓋，所以唔會一片死鹹，只係灑上少許孜然粉，味道略帶辛香卻唔會過火芝士虎蝦($48/2隻)亦都唔吝嗇，開邊後舖滿芝士，烤融後帶微微焦褐色，非常吸引，肉質亦爽口，味道不俗蔥蒜鮑魚($68/3隻)事前已經處理咗內臟， 唔洗用力輕易就拮到而且比想像中腍最後上碟嘅蒲燒鰻魚($68)果然冇令喜愛鰻魚嘅我哋所失望，濃濃

是日去大埔找朋友去踏單車逛逛街，沒有想到晚上吃什麼於是逛完行完玩完...最後我成功，在「大埔翠樂街」的街上，找到了這間隱世小店【芝加哥串燒酒場】所謂的「隱世」，就是在「翠樂街」靜中帶旺的小巷中有一間很小很小的【芝加哥串燒酒場】。相信沒有太多人知道吧！店舖小巧，好像得一個員工一做晒主食、苦單、收銀、請潔！呢度最可惜的是大油煙，可能小店經營，抽風設備一般般！望完餐牌即點的了燒完一碟就一碟再上，有得睇無得食，因為想等齊到晒...就可以拍條串燒片。香蔥燒半殻扇貝 $39 點香口海鮮當然要配White rabbit ＆ Apple cider  爽爽佢吧！很厚身扇貝！用葱爆扇贝，而扇貝肉夠厚身，又唔細粒同蒜加埋真係好正「忘了怕照」飲品就點了！！！左邊，White rabbit 入落甜帶花香味。右邊， Apple cider 酒味濃帶少少蘋果香人氣雞肉軟骨棒$22點解會係人氣？我覺得就係孜然粉既關係啦，配埋上有咬口，點埋蛋汁食，又香又滑燒得金黃色的，咬口剛好，不好太耐啊洽得！！ 蜜糖雞翼$20/2隻我理解上是雞翼和醃製調料混合，醃製約15－30分鐘. 然後再在油鑊中用中高火加熱適量油，魚後放入雞翼

見到啲friends facebook寫呢間野好正，又收半夜2:00，門口又可以泊車，下午大約三點幾，同班friends 兜架車去試吓先首先環境feel好舒服🌱🌱🏵🌹，餐廳門口有兩盆人咁高的大吉我哋擇坐門口户外，因為成班又煙又酒，喺香港想揾個咁嘅地方真係好x難。竟然可以一邊食串燒🍡🍢🍖🍗一邊吹吓水💨💦💦，一邊食支煙🚬🚬，一邊飲酒🍺🍻，超驚喜坐下坐下坐到凌晨2:00，足足坐左差唔多11個鐘

今天下午行完大埔花市,係附近搵野食"醫肚"，俾我搵到間叫芝加哥餐廳，因為新開張所以膽粗粗去試下，望左餐牌價錢合理又唔算貴。見到佢地環境寬敞，啲枱唔會好擠迫。因為自己一個人食，佢地主打串燒，所以叫左好多樣串燒尼食，每款食物都燒得好香。老細同員工好友善服務週到，食物好味，食到好滿足。😎金菇牛肉卷廚師放左芝麻煮到好香。我鐘意食串燒，所以這間餐廳很合我心意，我仲叫左個芝士雞肉串，太正啦，上面鋪滿芝士，濃郁芝士香味好味道。另外叫左個炭燒豬頸肉，啲肉好嫩滑。仲叫左支Magners 蘋果酒尼飲，入口時的果香及酸度明顯，甜度也較低，且幾乎沒有苦味，我很喜歡帶出蘋果的酸度，亦沒有蘋果的鐵質味，襯托串燒啱哂很清爽，支酒都係$56，又抵又好飲!!依碟蒲燒鰻魚，烤出嚟嘅鰻魚鮮嫩多汁，肉厚飽滿，表皮微焦，我很喜歡佢個醬汁，十分惹味。😁依碟燒餃子雞翼，內𥚃包滿餃子餡，這款菜式好有中日特式。一啖咬落去，佢係有小小辣味，外皮酥脆，同埋外皮塗左醬汁令到佢好香之餘，外皮醬汁帶些小甜，餡料有小辣，個味道又真係幾正！！👍🏻同老闆佢地傾計先知依碟燒雞皮係廚師最近研發出來的新菜式，餐單暫時未有，多謝廚師請我食新野😄第一次食燒雞皮

呢排好多睇紅葉, 同D FD 去左大埔烏蛟騰行山, 行完落返市區周圍搵野食, 無意中發現有間新開既串燒店, 見出面個牌又有飯SET, 夜晚都只係$50左右...仲要係見到鐵板上...呢個價錢應該係LUNCH先會出現~ 所以見佢D SET 咁平就決定同D FD試一試~ 點知幾有驚喜~ 抵食可以做我地大埔行山既飯堂~ 哈哈講返我地食咩先~ 我地睇完個餐牌覺得D 串燒好吸引下 (因為好多相...XD) ... 所以我地就無叫SET, 叫左D 串燒黎食~ 我地叫左個燒菲菜, 蒲燒鰻魚, 燒鲭魚, 蜂蜜燒雞翼, 燒帆立貝, 燒鵪春蛋~~ 佢地仲會有前菜~ 上菜速度都快, 因為座位又唔係好多, 小店一間~ 值得支持支持~ D 燒菲菜份量都多~ 有 2串同OK Juice ~ 平時呢D 都重味精~ 但佢又唔算好勁~ 另外要值得一讚既係鰻魚, 鲭魚同雞翼~ 個鰻魚份量真係比我想像中多~ 因為佢差唔多俾左成條我地 (唔知係咪因為新開...XD), 而且佢好多汁同好好肉~ 我覺得比去壽司鋪食果D仲要肥美~ ~ 仲有個鲭魚, 佢會配埋個汁而家好多肉~唔係淨係得D肚位同骨位~ 最後就係雞翼啦~ 雖然佢係燒雞翼