滿樂潮州 (東薈城名店倉)

營業中

休息中

從迎東村出到東薈城，都是10分鐘左右，在商場地下有很多食肆，見到這間潮州菜幾特別。現在還是四人限聚令，今晚兩個人都可以坐到大枱，每枱的距離亦很遠。潮州鹹雞花生潮州菜凍食是非常普遍，這一隻咸雞其實不是太咸，和想像的有點不同，雞肉亦鮮嫩，很容易入口，本以為要配飯一起吃，結果一件一件不停口，加上花生粒很香脆。和味橙香排骨每一件都大大嚿，香甜的橙醬汁配搭排骨肉，又酸甜又有咬口，靠近排骨的肉是特別滋味。蓮子棗皇糕這個是比較養生的傳統甜品，喜歡紅棗的味道，那個甜味感覺很滋潤補身。仔細看是分了一層層的，中間夾着蓮子粒。

哩期興上大東山影芒草，成年冇行山當然要趁下熱鬧，不過為免太多人，我地揀左上午行。行完返落東涌都兩三點，就順便喺附近食埋野先走。滿樂潮州係東薈城入面少數嘅茶樓之一，佢唔近東涌站，要喺商場正門上兩層扶手電梯，直行再落返兩層扶手電梯先見倒。滿樂潮州係一間潮式茶樓，除左潮州菜亦有廣東點心，定價走中檔路線，價錢未必比尖沙咀或銅鑼灣嘅茶樓平，但見佢下午茶兩點至五點入座有八五折，所以都廢事行黎行去，喺度食埋先走。茗茶$15/位，我地點左比較少見嘅菊花，就$20/位。醃菜($12) - 一坐低，侍應先黎一碟醃菜，酸酸地幾開胃。潮州咸雞花生($138/半隻) - 哩碟雞占咸味啱啱好，唔係得死咸，雞肉唔會太老太咸，都幾好食，下面啲花生冇受潮，少少咸多多脆用黎餸啤酒真係一流。鹹菜炆門鱔($138) - 哩道潮州菜唔算太多地方有得食，門鱔要先煎香，再同咸菜汁一齊炆，功夫都比較多。門鱔肉質軟腍，唔算多骨，咸菜汁唔會太咸，帶少少辣味，可以當湯飲都唔會口渴。蓮子棗皇糕($48) - 棗皇糕主要用紅棗同蓮子做，離遠已經聞倒好大陣紅棗味，但食落又唔會太重味，口感煙煙韌韌，唔會太甜，中間仲有切琿左嘅蓮子粒，味道都唔錯。總