莎巴馬來西亞餐廳

營業中

休息中

呢間餐廳以前係謝菲道已經食開，食親都係海南雞飯😋，可惜既係做到2019年結業，之後都無乜邊間馬拉餐岩食，咁岩有日經過灣仔，係灣仔道已經開番，原來上年4月已經開番，可能個位置少人留意到，約番d親友嚟開餐，今次主力都番個幾款主打菜色，有海南雞，咖哩炒大蝦，蕉葉燒魚，巴東牛肉，真心保持到一貫水準，呢樣有驚喜既，問番廳面d同事，都係舊鋪既大廚主理，唔怪得可以保持到個水準，講到食馬拉菜，我認為呢間夠哂地道，下次會想試新菜色，馬拉麥皮大蝦

舊舖幫襯過好幾次，認為水準不俗，難得佢依家開番，所以約埋屋企人一齊去食飯。坦白講，新鋪嘅Menu真係大不如前，選擇並唔多，我哋揀咗幾樣餸如下：沙爹（雞同牛各三串): 味道不過不失，但係唔熱同埋略為細串，沙爹醬料少，而且只有少量青瓜附送，冇洋蔥。沙巴拼盤：因為想盡量試食餐廳嘅食物，我哋嗌咗一個拼盤，因為佢已經概括餐牌上大部分嘅小食。拼盤上枱時就覺得中伏，除咗擺盤唔吸引之外，所有嘅食物都冇乜味道，而且唔熱，似係攤凍咗好耐就咁樣擺上盤的東西。豬肉卷冇五香，炸春卷同網絲炸春卷淡茂茂，咖哩角亦冇咖哩香，整體上冇任何吸引力。檳城炒貴叼：坦白講，碟嘢真係炒得一般般。我覺得佢唔夠鹹，冇鑊氣，更加係冇檳城嗰種特有嘅味道，完全係失敗之作。唯一可取嘅係有幾隻大蝦，但係唔覺得係新鮮貨色。參巴蝦球：呢個算係一個比較好味啲嘅餸，蝦的數量頗多，酸酸甜甜加埋參巴醬，係個開胃餸。蕉葉燒魚：喺馬來西亞，尼個係一個非常之受歡迎嘅大排檔食物，亦都係今晚最貴嘅一碟。其實食到呢度已經對間餐廳冇期望，誰不知條燒魚都叫做ok。雖然冇炭燒香，用嘅係䱽魚，但係夠大條，加上酸酸辣辣嘅配料，其實都令人食指大開，我會話全晚最好食嘅餸就係佢。唔

見到呢間新開既馬來西亞餐廳，想起久違的東南亞風味。餐廳新裝修光猛乾淨企理，座位寬敞倘算舒服。入座後發覺鄰座食客高談闊論星馬菜式，心諗連馬拉菜專家都黎食，今餐一定滿足喇！✦ 海鮮喇沙 💰88聽講喇沙係招牌菜所以一定要試啦！湯底香濃微辣，麵條滑溜爽口，配料豐富倒如青口魷魚等等，屬水準之作👍✦ 腩肉蝦湯麵 💰88五隻大蝦鮮甜入味，再配四大塊腩肉、溏心蛋加通菜非常足料！粗身彈牙既油麵令口感更分明，獨特既湯底亦應記一功👍✦蕉葉燒魚 💰180燒大鯧魚配大量洋蔥香料，火喉啱啱好令肉質外脆內軟唔痴骨，加上青檸汁及餐廳秘製醬汁，令人回味無窮。眼見幾枱食客都點燒魚，就知呢道菜係餐廳既熱門菜之一🤩✦凍檸檬薏米水＋凍柚子香茅水 💰22野飲係另外單點，凍飲＄22一杯好抵，因為佢個杯係特別大同高身既！檸檬薏米水一向都無失手，估唔到柚子香茅依個組合都非常出色喎！